Aromduma 6:16 - Farefare Ninkaré

¹⁶ Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

ZE'ELEGO PAALEGA

¹⁶ Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

Aromduma 6:16 ပူးပေါင်းရင်းမြစ်များ

Amatie 20:4

tɩ a yele ba yetɩ: ‹Ya mẽ sẽŋɛ mam va'am na ka tõm, tɩ mam wʋn yɔ ya lan masɛ se'em.›

Amatie 6:24

Nẽra ka boe n tã wʋn sakɛ zuudãandõma bayi, a wʋn sise ayɩla mɛ, dee nõŋɛ ayɩla, bɩɩ a wʋn nanna ayɩla la mɛ, dee pɔ'ɔra ayɩla la. Bɛla, yãma ka tã wʋn sakɛ Nawẽnnɛ n de ya Zuudãana, dee botɩ bõntarsõm mẽ dɛna ya zuudãana.

Azã 8:34

Tɩ Azezi lerge ba yetɩ: «Mam yetɩ ya la sɩra sɩra, tɩ nẽr-sɛka woo n tõnnɩ tõon-be'ero de la tõon-be'ero yamŋa.

Aromduma 11:2

Nawẽnnɛ ka zagsɛ a nẽrba la tɩ a põn dẽŋɛ looge la. Ya mi Nawẽnnɛ gõŋɔ la pʋam zẽ'e-sɛka tɩ A'eli yʋʋn yõnnɩ la Nawẽnnɛ Ɩsrayɛlɩ dõma yelle, yetɩ:

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 6:17

Tɩ pʋ'ʋsɛ Nawẽnnɛ a yel-sõnnɛ: Kʋrʋm, yãma daan de la tõon-be'ero yamsɩ, la yãma to'oge sɩra zãsŋɔ la mɛ wʋ ban zãsʋm ya se'em na, sakɛ ẽ la ya sũure wuu.

1 Korẽntɩ 3:16

Ya ka mi tɩ ya de la Nawẽnnɛ deego tɩ a Sɩa bɔna ya pʋam?

1 Korẽntɩ 5:6

Yãma n zẽkrɩ ya mẽnsɩ la, la ka ãn sõŋa. Yãma ka mi tɩ dãbɩllɛ fẽe n botɩ borborɩ zom wuu ukra?

1 Korẽntɩ 6:2

Yãma ka mi tɩ Nawẽnnɛ nẽrba n wʋn wa di dũnia dõma sarɩya? La yãma sãn wʋn wa di dũnia dõma sarɩya, ya ka tã wʋn di yel-pɩg-bãna wã sarɩya?

1 Korẽntɩ 6:3

Yãma ka mi tɩ tõma n wʋn wa di malɛkadõma sarɩya? Lan de bɛla la, bẽm tɩ yãma ka tãna wʋn di dũnia wã yɛla sarɩya?

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

1 Korẽntɩ 9:13

Yãma ka mi tɩ sɛba n tõnnɩ Wẽnde-kãtɛ la pʋam, diti la bilam? La tɩ sɛba n kãabrɩ bɔ'ɔra Nawẽnnɛ na, to'orɩ ba pʋrɛ la kãabgɔ zẽ'a na?

1 Korẽntɩ 9:24

Yãma mi tɩ zʋa pʋam, zɔtba la wuu lagɩm zɔta mɛ, la ba nẽra ayɩla mã'a n wʋn zoe yãŋɛ to'oge bɔ'a. Bɛla, mõrgɛ-ya wʋ zɔtba n zotɩ se'em na, tɩ ya yãŋɛ to'oge bɔ'a Nawẽnnɛ zẽ'am.

2 Pita 2:19

Ba yetɩ nẽrba la tɩ ba wʋn yẽ yolsgo, dee tɩ ba mẽŋa dɛna tõon-dẽgrɔ n wʋn sã'am ba la yamsɩ. Se'ere n soe la, nẽra woo de la sɛla n soe ẽ na yamŋa.