Aromduma 6:14 - Farefare Ninkaré

¹⁴ Tõon-be'ero kãn le sɔna ya, se'ere n soe la, lɔɔ la ka le sɔna ya, la de la Nawẽnnɛ yel-sõnnɛ n soe ya.

ZE'ELEGO PAALEGA

¹⁴ Se'ere en sɔi la, be'em kan le sɔna ya, yan ka boi ze'elego la puan, gee bɔna zu'uhegɔ puan la.

Aromduma 6:14 ပူးပေါင်းရင်းမြစ်များ

Galatɩ 5:18

La Nawẽnnɛ Sɩa la sãn sɔna ya, ya ka le bɔna lɔɔ la nu'usum.

Aromduma 8:2

Se'ere n soe la, Nawẽnnɛ Sɩa pãŋa n bɔ'ɔrɩ vɔm Azezi-krisi ĩyã la n fãagɛ tɔ tõon-be'ero, la kũm pãŋa pʋam.

Hiburuduma 8:10

Mam n yetɩ m bĩŋe m nõorɛ se'em la Ɩsrayɛlɩ dõma dabsa bãma poorʋm n wãna: Mam wʋn dɩkɛ m lɔɔ la ẽŋɛ la ba pʋtẽ'era pʋam, mam wʋn gʋlsɛ ba la ba sũure pʋam. Mam wʋn dɛna ba Nawẽnnɛ, tɩ ba dɛna mam nẽrba.

Aromduma 6:12

Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

Azã 8:36

Bɛla ĩyã, Nawẽnnɛ Dayʋa la sãn to'oge ya basɛ, ya sɩrɩ to'oge ya mẽŋa.

Azã 1:17

Nawẽnnɛ bɔ a lɔɔ la Amoyisi, tɩ a bɔ tõma. La, la sãn dɛna Nawẽnnɛ yel-sõnnɛ, la a sɩra la, la doose la Azezi-krisi tɩ a bɔ tõma.

Galatɩ 3:23

Wakat-sɛka tɩ Azezi-krisi daan nãn ka wa'am tɩ nẽrba bɔ ẽ sɩra la, lɔɔ la lʋ tõma mɛ wʋ tõma boe la yʋ'a deem na, gu'ura halɩ tɩ Nawẽnnɛ wʋn wa puke Azezi-krisi tɩ tɩ wʋn bɔ sɩra la peelem.

Aromduma 8:12

Bɛla, m sɔbiisi, la de la pẽrgrɛ tɩ tɩ vɔa wʋ Nawẽnnɛ Sɩa n boorɩ se'em na, la dagɩ tɩ vɔa wʋ tɩ mẽŋa yɛmleego n boorɩ se'em na.

Amatie 1:21

A wʋn dɔgɛ la budibla, tɩ fʋ sɩ a yʋ'ʋrɛ tɩ Azezi, la de ẽŋa n wʋn fãagɛ a nẽrba la ba tõon-be'ero pʋam basɛ.»

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Galatɩ 4:21

Yele-ya ma, yãma sɛba n boorɩ tɩ lɔɔ la sɔna ya la, yãma ka wõnnɩ lɔɔ la n yetɩ se'em na?

Aromduma 11:6

La de la a yel-sõnnɛ ĩyã tɩ a looge ba, la dagɩ ba tõoma ĩyã. Nawẽnnɛ loore la sãn de nɩ na nẽrba tõoma ĩyã, a yel-sõnnɛ na ka le dɛna yel-sõnnɛ.

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

Aromduma 6:15

Bɛla, tɩ wʋn yetɩ bo? Tɩ wʋn tõnna la tõon-be'ero, lɔɔ la n ka soe tõma, dee tɩ Nawẽnnɛ yel-sõnnɛ sɔna tõma la ĩyã bɩɩ? Ayɛɩ, la dagɩ bɛla.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Aromduma 5:17

Lan de nẽra ayɩla tuure ĩyã tɩ kũm tãna nẽrba wuu la, bãŋɛ-ya tɩ nẽra ayɩla n de Azezi-krisi mã'a ĩyã, nẽr-sɛba wuu tɩ Nawẽnnɛ ẽŋɛ ba yel-sõnnɛ zo'oge, botɩ ba masɛ a zẽ'am na, wʋn vɔa mɛ, dita na'am Azezi-krisi ĩyã.

Aromduma 5:18

Bɛla, nẽra ayɩla tuure n botɩ Nawẽnnɛ dita nẽrba wuu sarɩya sɩbgra ba la, bɛla mẽ, nẽra ayɩla mã'a tõonɛ n masɛ la ĩyã n botɩ nẽrba wuu masɛ Nawẽnnɛ zẽ'am tara vɔm.