Aromduma 6:13 - Farefare Ninkaré

¹³ Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

ZE'ELEGO PAALEGA

¹³ Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

Aromduma 6:13 ပူးပေါင်းရင်းမြစ်များ

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

Aromduma 7:5

Kʋrʋm, tõma n daan vɔa wʋ tõma mẽŋa n boorɩ se'em na, lɔɔ la botɩ tõma yɛmleego bɔɔra la be'em, basɛ tɩ tõma ĩyã zẽ'esɩ wuu ɩta sɛla n sẽm na kũm.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

Kolɔsɩ 2:13

Yãma daan ãn wʋ ya ki mɛ Nawẽnnɛ zẽ'am ya tõon-be'ero ĩyã, la ban ka dɔgɛ ya tɩ ya wãta dɛna Nawẽnnɛ nẽrba la ĩyã. La Nawẽnnɛ botɩ ya lagɩm na Krisi mɛ vɔa, basɛ ya tõon-be'ero wuu taalɛ.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

1 Zã 1:9

Tɩ sãn pelge tɩ pʋʋrɛ tɔgɛ tɩ tõon-be'ero, Nawẽnnɛ wʋn basɛ tɩ tõon-be'ero taalɛ mɛ, dee peege to, yese sɛla wuu n ka masɛ, se'ere n soe la, a de la sɩra dãana dee ɩta sɛla n masɛ.

1 Korẽntɩ 6:15

Yãma ka mi tɩ ya ĩyã la de la Azezi-krisi ĩyã la zẽ'a ayɩla? Bɛla, la ãn sõŋa tɩ nẽra dɩkɛ Krisi ĩyã zẽ'a ayɩla la sẽŋɛ ka lagɩm na pɔg-yalsɩ dõma mɛ bɩɩ? Ayɛɩ, la põn ka masɛ.

Efɛɛzɩ 2:5

Tɩ baa tõma n daan ãn wʋ tɩ ki mɛ tɩ tõon-be'ero ĩyã la, a basɛ tɩ tɩ lagɩm na Krisi yẽ vɔm. La de la Nawẽnnɛ yel-sõnnɛ ĩyã tɩ a fãagɛ ya.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

Aromduma 6:19

Mam dɩkɛ la nẽrsaalba yelle makɛ bɔ ya, yãma n ka wõnnɩ sɛla võorɛ tɔtɔ la ĩyã. Yãma n daan dɩkɛ ya ĩyã zẽ'esɩ wuu bɔ tõon-dẽgrɔ, la tõon-be'ero tɩ ba tara ba tõnna tõon-be'ero la, bɛla mẽ, lɛɛlɛ wã, dɩkɛ-ya ya mẽŋa wuu bɔ, tõnna sɛla n masɛ, welge to'ore dɛna pʋpeelem dõma.

2 Korẽntɩ 10:4

Zɛbrɛ lɔg-sɛba tɩ tõma tarɩ zɛbra la dagɩ nẽrsaala zɛbrɛ lɔgrɔ, ba de la pãŋa n ze'ele Nawẽnnɛ zẽ'am, n tã sã'ana sɛla wuu n tarɩ ke'eŋo. Tõma tarɩ ba sã'ana la tẽ'esgɔ sɛba wuu n de põmpɔrŋɔ,

Aromduma 6:11

Bɛla mẽ, geele-ya ya mẽŋa wʋ yãma ki mɛ tɩ tõon-be'ero ka le sɔna ya, dee vɔa bɔ'ɔra Nawẽnnɛ nã'asgɔ, yãma n lagɩm na Azezi-krisi dɛna ayɩla la ĩyã.

Efɛɛzɩ 5:14

Se'ere n soe la, bõn-sɛka woo n de vẽelga boe la peelem pʋam. Bɛla tɩ la gʋlsɛ yetɩ: «Fõn sɛka n gĩsri la, nẽegɛ, isge kũm na tẽŋasʋka tɩ Krisi peelem nẽegɛ fɔ, bɔ fʋ vɔm.»

2 Korẽntɩ 8:5

Ba ẽŋɛ gãŋɛ tõma n daan tarɩ pʋtẽ'erɛ se'em na mɛ. Ba dẽŋɛ dɩkɛ la ba mẽŋa bɔ Zuudãana la, dee dɩkɛ ba mẽŋa bɔ tõma doose wʋ Nawẽnnɛ n boorɩ se'em.

2 Korẽntɩ 5:15

A ki nẽrba wuu ĩyã tɩ nẽr-sɛba n vɔa la, da le vɔa ba mẽŋa n boorɩ se'em, ba vɔa wʋ sɛka n ki ba ĩyã dee vo'oge la n boorɩ se'em.

Aromduma 7:23

La mam yẽ la bõnɔ ayẽma n boe mam pʋam zɛbra la mam pʋtẽ'e-sõŋɔ la, botɩ mam dɛna tõon-be'ero la n boe mam pʋam tõnna la yamŋa.

Aluki 15:32

La, la masɛ mɛ tɩ tɩ ẽŋɛ sũ-yẽlga sɩrʋm, se'ere n soe la, fʋ yɩbga wã daan wõn na a ki mɛ, dee le vo'oge. A daan bɔɩ mɛ. Tɩ tɩ le yẽ ẽ.› »

Yemesi 4:1

Zɛbrɛ la nõkɛ'ɛma n boe ya tẽŋasʋka la ze'ele la bɛ? La de la yan boorɩ se'em n de be'em n boe ya pʋam botɩ ya ɩta bɛla.

Aromduma 1:29

Sɛla n ka masɛ wuu n boe ba sũa pʋam. La de la be'em, la nõŋɛ bõnɔ zozo'e, la pʋtʋʋlgɔ, la ɩta sũure la tadãana bõnɔ, la nẽr-kʋa, la zɛbrɛ, la yɛm be'ero, la sũ-toogo. Ba wã'arɩ la taaba,

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Aluki 15:24

Se'ere n soe la, mam bia wã daan wõn na a ki mɛ, dee le vo'oge. A daan bɔɩ mɛ, tɩ tɩ le yẽ ẽ.› Tɩ ba yãŋa ɩta sũ-yẽlga.

2 Tesaloniki 2:12

Bɛla tɩ nẽr-sɛba wuu n ka sakɛ sɩra, dee bɔɔra tõon-be'ero la wʋn yẽ sarɩyadia n de sã'aŋɔ.

2 Korẽntɩ 5:14

La de la Krisi nõŋlʋm n soe tõma la ĩyã. Tõma bãŋɛ mɛ tɩ nẽra ayɩla n ki nẽrba wuu ĩyã, tɩ la pa'alɛ tɩ nẽrba wuu po lagɩm na ẽ ki mɛ.

2 Timoti 2:15

Nargɛ pãŋa dɛna nẽra n paagɛ Nawẽnnɛ yɛm, la fʋ dɛna tõntõnna n ka zotɩ yãnnɛ la a tõoma, dee mõola sɩra kõ-yẽlga la lan masɛ se'em.