Aromduma 6:12 - Farefare Ninkaré

¹² Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

ZE'ELEGO PAALEGA

¹² Bala, da bo' ya fole, ti be'em sɔna ya ingana wa en ki la, ita ya ti ya nana ya kɔrehi la.

Aromduma 6:12 ပူးပေါင်းရင်းမြစ်များ

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

Aromduma 2:8

La nẽr-sɛba n ka sakɛ bɔ, sɩ'ɩsra sɩra, dee ɩta sɛla n ka masɛ la, wʋn yẽ Nawẽnnɛ sũ-isgre, la sɩbgrɛ.

Aromduma 5:21

Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

Aromduma 6:14

Tõon-be'ero kãn le sɔna ya, se'ere n soe la, lɔɔ la ka le sɔna ya, la de la Nawẽnnɛ yel-sõnnɛ n soe ya.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

Aromduma 8:11

La Nawẽnnɛ n vo'oge Azezi la, a Sɩa la sãn bɔna la ya lɛ, ẽŋa n vo'oge Azezi-krisi n ki la, wʋn botɩ a Sɩa n boe la ya lɛ la, mẽ bɔ ya ĩyã n kiiri la vɔm paalga.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

2 Korẽntɩ 4:11

Tõma n vɔa wã, tõma põsrɩ tɩ yõorɛ mɛ wakatɛ wuu Azezi ĩyã, tɩ nẽrba wʋn yẽ a vɔm tõma ĩyã n kiiri la pʋam.

2 Korẽntɩ 5:4

Tõma n ken bɔna dũnia zuo ĩyã wã pʋam na, tõma nãmsrɩ mɛ tara toogo. La dagɩ tɩ tõma boorɩ tɩ tɩ basɛ la dũnia wã zuo ĩyã la, tõma boorɩ tɩ Nawẽnnɛ n dɩkɛ saazuum ĩyã la yɛ tɔ, tɩ sɛla n de vɔm wʋn pĩ sɛla n kiiri la.

Galatɩ 5:16

Selse-ya, mam yetɩ ya mɛ tɩ ya dɔla Nawẽnnɛ Sɩa n boorɩ se'em, tɩ ya kãn ɩta nẽrsaalba yɛmleego n boorɩ se'em.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

1 Tesaloniki 4:5

Da basɛ-ya tɩ yalsɩ tõoma yɛmleego tara ya, wʋ sɛba n ka dolɩ Nawẽnnɛ n ɩtɩ se'em na.

2 Timoti 2:22

Zãagɛ fʋ mẽŋa la yel-yooro sɛba tɩ kɔmbɩ'ɩsɩ boorɩ tɩ ba ɩta n de be'em na, dee ɛ sɛla n masɛ, ken bɔ Nawẽnnɛ sɩra, ɛ nõŋlʋm, la sũ-mã'asʋm, dee lagɩm na nẽr-sɛba n pʋ'ʋsrɩ tɩ Zuudãana la pʋpeelem na.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

Azudi 1:16

Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.

Azudi 1:18

Ba daan yele ya yetɩ: «Dũnia ba'asgɔ wakatɛ, nẽrba n la'arɩ nẽrba n wʋn wa bɔna dɔla ba mẽŋa yɛm n boorɩ se'em, sɩ'ɩsra Nawẽnnɛ.»