Aromduma 6:11 - Farefare Ninkaré

¹¹ Bɛla mẽ, geele-ya ya mẽŋa wʋ yãma ki mɛ tɩ tõon-be'ero ka le sɔna ya, dee vɔa bɔ'ɔra Nawẽnnɛ nã'asgɔ, yãma n lagɩm na Azezi-krisi dɛna ayɩla la ĩyã.

ZE'ELEGO PAALEGA

¹¹ Bala, yamam me biha nyɛta ya mɛhi ti, ya ki keehe be'em mɛ, gee nyaa vɔna bo' Yinɛ Kiresta Yezu puan.

Aromduma 6:11 ပူးပေါင်းရင်းမြစ်များ

Azã 20:31

La bõn-bãna wã gʋlsɛ tɩ ya bɔ la sɩra tɩ Azezi n de Krisi, Nawẽnnɛ Dayʋa la, tɩ ya sãn bɔ ẽ sɩra, ya wʋn yẽ yõvore a yʋ'ʋrɛ ĩyã.

Aromduma 16:27

Nawẽnnɛ ayɩla n de yɛm dãana la sɔna nã'asgɔ wakatɛ n ka ba'asrɩ, Azezi-krisi yʋ'ʋrɛ ĩyã. Amina.

Aromduma 5:1

Bɛla, Nawẽnnɛ botɩ tõma dɛna sɛba n masɛ a zẽ'am na, tõma n bɔ ẽ sɩra la ĩyã. La tõma tarɩ sũ-mã'asʋm mɛ naagɛ la Nawẽnnɛ tõma Zuudãana Azezi-krisi ĩyã.

Aromduma 6:10

Krisi n ki la, a ki la nõorɛ ayɩla sã'am tõon-be'ero pãŋa wakatɛ wuu ĩyã. La lɛɛlɛ tɩ a vɔa wã, a vɔa bɔ'ɔra la Nawẽnnɛ nã'asgɔ.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:2

Ayɛɩ, la dagɩ bɛla. La sãn dɛna tõon-be'ero ɩrgɔ yelle, tõma de la kũm, tõon-be'ero ka le sɔna tõma. Tɩ wʋn ẽŋɛ la wãne le tõnna tõon-be'ero?

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Aromduma 7:4

M sɔbiisi, yãma zẽ'am la mẽ de la bɛla. La sãn dɛna la Amoyisi lɔɔ la yelle, yãma de la kũm, tɩ lɔɔ la ka le sɔna ya, yãma n lagɩm na Krisi ki la ĩyã. Bɛla lɛɛlɛ wã, yãma yãŋa de la nẽra ayẽma n soe ya, la de la Krisi n ki tɩ Nawẽnnɛ vo'oge ẽ na n soe ya, tɩ tɩ wʋn tõnna tõon-sõma bɔ'ɔra Nawẽnnɛ.

Aromduma 7:6

La lɛɛlɛ wã, tõma to'oge tɩ mẽŋa lɔɔ la zẽ'am mɛ. Se'ere n soe la, tõma lebge la kũm lɔɔ la zẽ'am, a daan tarɩ tõma wʋ tõma boe la yʋ'a deego pʋam na. Bɛla lɛɛlɛ wã, tõma dolɩ la so-paalɛ tɩ Nawẽnnɛ Sɩa pa'alɛ tɔ, tõnna bɔ'ɔra Nawẽnnɛ, la ka le dɛna lɔɔ kɛka n gʋlsɛ la tɩ tõma dolɩ.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

Efɛɛzɩ 2:7

A ẽŋɛ tõma sõŋa Krisi ĩyã, tɩ a pa'alɛ la nẽrba wakatɛ n sẽm a yel-sõnnɛ n zo'oge gãŋɛ se'em.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:7

Tɩ Nawẽnnɛ wʋn bɔ ya sũ-mã'asʋm n gãnnɩ nẽrsaalba bãŋrɛ wuu, tɩ a gu'ura ya sũure, la ya tẽ'esgɔ Azezi-krisi doosgo pʋam.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Kolɔsɩ 3:17

Bõn-sɛba wuu tɩ ya ɩtɩ, la sãn dɛna la tõoma bɩɩ yetɔga, ɩta-ya la Zuudãana Azezi-krisi yʋ'ʋrɛ, dee pʋ'ʋsra tɩ Sɔ Nawẽnnɛ a yel-sõnnɛ Azezi-krisi yʋ'ʋrɛ ĩyã.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.