Aromduma 5:8 - Farefare Ninkaré

⁸ La Nawẽnnɛ pa'alɛ ẽŋa n nõŋɛ tõma zozo'e se'em mɛ, tɩ tõma n daan ken dɛna tõon-be'ero dõma la, tɩ Krisi ki tõma ĩyã.

ZE'ELEGO PAALEGA

⁸ Gee Yinɛ pa'alɛ tumam la a nɔŋerɛ, la tumam en daa kelum bɔna tu be'em puan la, ti Kiresta ki bo' tu.

Aromduma 5:8 ပူးပေါင်းရင်းမြစ်များ

Azã 15:13

Nẽra ka boe n tarɩ nõŋlʋm gãnna nẽra n sakɛ tɩ a ki a sɩrdõma ĩyã.

Azã 3:16

Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Aromduma 3:5

La tõma n ɩtɩ sɛla n ka masɛ la sãn botɩ nẽrba bãŋɛ tɩ Nawẽnnɛ masɛ sɛla woo pʋam, tɩ wʋn yetɩ bẽm? Tɩ wʋn yetɩ Nawẽnnɛ tõoma ka masɛ, ẽn sɩbgrɩ tɩ la ĩyã bɩɩ? Ayɛɩ, la dagɩ bɛla. Mam tɔgrɩ wʋ nẽrsaalba n tẽ'esrɩ se'em na.

Aromduma 4:25

Nawẽnnɛ daan basɛ tɩ ba kʋ Azezi la tõma tõon-be'ero ĩyã, dee vo'oge ẽ tɩ a botɩ tõma dɛna nẽrba n masɛ a zẽ'am.

Aromduma 5:20

La sãn dɛna lɔɔ la, a wa'am mɛ tɩ tuure wʋn zo'oge pãɩ. La zẽ'e-sɛka tɩ tõon-be'ero zo'orɩ pa'asra, Nawẽnnɛ yel-sõnnɛ zo'orɩ mɛ pa'asra gãnna bɛla.

Aromduma 5:6

Se'ere n soe la, tõma n daan ka tã wʋn looge yelle la, Nawẽnnɛ n looge yɛm wakat-sɛka la n paagɛ la, Krisi ki mɛ tõon-be'ero dõma ĩyã.

Aromduma 5:7

La de la toogo tɩ nẽra ki nẽra n masɛ ĩyã. La dase'ere, tã tɩ nẽr-sɛka wʋn yẽ bʋraanɛ sakɛ ki nẽr-sõŋɔ ĩyã.

Aromduma 8:32

Nawẽnnɛ ka basɛ a mẽŋa Dayʋa la tɩ a põsɛ kũm. A basɛ mɛ tɩ ba kʋ ẽ tõma wuu ĩyã. A wʋn ẽŋɛ la wãne kãn bɔ tõma sɛla wuu la a Dayʋa la?

Aromduma 8:39

bɩɩ bõn-sɛba n tarɩ pãŋa saazuum, bɩɩ sɛla n tarɩ pãŋa tẽŋa, bõn-nãanɩŋa baa ayɩla ka tã wʋn welge tõma la Nawẽnnɛ nõŋlʋm tɩ a nõŋɛ tõma tɩ Zuudãana Azezi-krisi ĩyã la.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 2:7

A ẽŋɛ tõma sõŋa Krisi ĩyã, tɩ a pa'alɛ la nẽrba wakatɛ n sẽm a yel-sõnnɛ n zo'oge gãŋɛ se'em.

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

1 Timoti 1:16

La ẽn zoe mam ninbãalga la, la de la Azezi-krisi n pa'alɛ a sũ-mã'arɛ zozo'e la mam n de tõon-be'ero dãana gãnna la, tɩ la wʋn dɛna makrɛ pa'alɛ nẽr-sɛba n wʋn wa bɔ ẽ sɩra la, tɩ a wʋn ẽŋɛ a sũ-mã'asʋm la ba, dee bɔ ba vɔm n ka ba'asrɩ.

Hiburuduma 8:3

Ba loorɩ kãabgɔ kẽma nẽŋadãana woo tɩ a bɔ'ɔra la Nawẽnnɛ bɔ'a, la a kãabra bɔ'ɔra ẽ. Bɛla tɩ la mẽ masɛ tɩ ẽŋa tara sɛla bɔ Nawẽnnɛ.

1 Pita 3:18

Krisi nãmsɛ mɛ ki bʋyɩla tɩ a yese tõon-be'ero, ẽŋa n de sɛka n masɛ la, ki la sɛba n ka masɛ ĩyã, tɩ a tarɩ ya sẽŋɛ Nawẽnnɛ zẽ'am. Ba kʋ ẽ mɛ, tɩ Nawẽnnɛ Sɩa basɛ tɩ a vo'oge

1 Zã 3:16

La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.