Aromduma 5:21 - Farefare Ninkaré

²¹ Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

ZE'ELEGO PAALEGA

²¹ bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Aromduma 5:21 ပူးပေါင်းရင်းမြစ်များ

Amatie 25:46

La bãma wʋn sẽŋɛ ka kẽ nãmsgɔ n ka ba'asrɩ pʋam. La sɛba n ẽŋɛ sɛla n masɛ la wʋn yẽ vɔm n ka ba'asrɩ.»

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 10:28

Mam bɔ'ɔrɩ ba la vɔm n ka ba'asrɩ, tɩ ba kãn malɩn sã'am, la nẽra ka tã wʋn fãagɛ ba mam nu'usum.

Aromduma 4:13

Nawẽnnɛ yʋʋn bĩŋe nõorɛ bɔ la Abraham, la a yɩɩsɩ yetɩ ba wʋn wa sɔna dũnia. La dagɩ Abraham n sakrɩ lɔɔ la ĩyã tɩ a bĩŋe nõorɛ la, la de la ẽn bɔ Nawẽnnɛ sɩra, tɩ Nawẽnnɛ yetɩ a masɛ ẽŋa zẽ'am na ĩyã.

Aromduma 5:12

La de la nẽra ayɩla n yʋʋn tõm tõon-be'ero ĩyã n botɩ tõon-be'ero wa'am dũnia. Tɩ tõon-be'ero la tarɩ kũm wa'am. Bɛla tɩ kũm kʋʋra nẽrsaalba wuu, ban tõnnɩ tõon-be'ero la ĩyã.

Aromduma 5:14

Halɩ lan pɔsɛ Adam wakatɛ tarɩ ka paagɛ Amoyisi wakatɛ la, kũm põn bɔna mɛ tãna nẽrba. Baa la nẽr-sɛba tõon-be'ero n ka ãn wʋ Adam n yʋʋn sɩ'ɩsɛ Nawẽnnɛ nõorɛ se'em na wuu ki mɛ. Adam yʋʋn de la Azezi n yetɩ a wa'am na wõnnɛ.

Aromduma 5:17

Lan de nẽra ayɩla tuure ĩyã tɩ kũm tãna nẽrba wuu la, bãŋɛ-ya tɩ nẽra ayɩla n de Azezi-krisi mã'a ĩyã, nẽr-sɛba wuu tɩ Nawẽnnɛ ẽŋɛ ba yel-sõnnɛ zo'oge, botɩ ba masɛ a zẽ'am na, wʋn vɔa mɛ, dita na'am Azezi-krisi ĩyã.

Aromduma 6:12

Bɛla, da basɛ-ya tɩ tõon-be'ero le sɔna ya vɔm wã n ba'asrɩ la, botɩ ya sakɛ a yɛmleego n de be'em na.

Aromduma 6:14

Tõon-be'ero kãn le sɔna ya, se'ere n soe la, lɔɔ la ka le sɔna ya, la de la Nawẽnnɛ yel-sõnnɛ n soe ya.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

Aromduma 6:23

Asɩra, tõon-be'ero yɔɔrɔ de la kũm. La Nawẽnnɛ yel-sõnnɛ bɔ'a de la vɔm n ka ba'asrɩ, tɩn lagɩm na tɩ Zuudãana Azezi-krisi dɛna ayɩla la ĩyã.

Aromduma 8:10

La Krisi sãn bɔna la ya, Nawẽnnɛ Sɩa la bɔ'ɔrɩ ya la vɔm, Nawẽnnɛ n botɩ ya masɛ a zẽ'am na ĩyã. La ya ĩyã wʋn ki mɛ tõon-be'ero ĩyã.

Taitusi 2:11

Bẽm ĩyã, Nawẽnnɛ botɩ tɩ bãŋɛ a yel-sõnnɛ la n de fãarɛ bɔ nẽrsaalba wuu la mɛ.

Hiburuduma 4:16

Bɛla, basɛ-ya tɩ tɩ lɛm Nawẽnnɛ n de yel-sõnnɛ dãana la na'am bĩmbĩnne na zẽ'am la bʋraanɛ, tɩ a zoe tɩ ninbãalga ẽŋɛ tɩ yel-sõnnɛ, dee sõŋɛ tɔ wakat-sɛka tɩ tɩ boorɩ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

1 Zã 2:25

Krisi n bĩŋe nõorɛ tɩ a bɔ tɩ sɛla n wãna: La de la vɔm n ka ba'asrɩ.