Aromduma 5:10 - Farefare Ninkaré

¹⁰ Tõma daan de la Nawẽnnɛ bɛ'ɛba, la a Dayʋa la kũm ĩyã tɩ tõma naagɛ la ẽ. Bɛla, tõma n naagɛ la Nawẽnnɛ na, la de la sɩra tɩ Krisi n vɔa la ĩyã, tɩ wʋn yẽ fãarɛ.

ZE'ELEGO PAALEGA

¹⁰ Se'ere en sɔi la, tumam nyaa daa han tugum dɛna Yinɛ dinduma, gee ti a dikɛ tu naaɛ la a mɛŋa, doohe a dayua kum la puan, sɛla en nyaa gani bala dela, en dikɛ tu naaɛ a mɛŋa la, tu wan nyɛ faarɛ a vom la puan.

Aromduma 5:10 ပူးပေါင်းရင်းမြစ်များ

Azã 14:19

La sãn ẽŋɛ fẽe, dũnia nẽrba kãn le yẽ mam. La yãma nõo wʋn yẽ mam, se'ere n soe la, mam n vɔa la, yãma mẽ wʋn vɔa mɛ.

Azã 5:26

Se'ere n soe la, Sɔ Nawẽnnɛ n tarɩ vɔm a mẽŋa bɔ'ɔra se'em na, a bɔ a Dayʋa la mẽ vɔm na bɛla, tɩ a tara bɔ'ɔra.

Azã 6:40

Mam Sɔ la n tõm mam na n boorɩ se'em de la sɛka woo n yẽ a Dayʋa la, dee bɔ ẽ sɩra wʋn yẽ vɔm n ka ba'asrɩ. Mam wʋn vo'oge ẽ dũnia ba'asgɔ daarɛ.»

Azã 6:57

Mam Sɔ n tõm mam na, de la vɔm dãana, ẽŋa ĩyã tɩ mam tara vɔm, bɛla, sɛka n diti mam ĩyã mẽ wʋn vɔa mam ĩyã.

Aromduma 11:28

Bãma n zagsɛ kõ-yẽlga la, ba lebge la Nawẽnnɛ bɛ'ɛba, tɩ la dɛna yãma sõŋrɛ. La, la sãn dɛna Nawẽnnɛ n looge ba la, ba de la nẽr-sɛba tɩ Nawẽnnɛ nõŋɛ ba, ba yaabdõma ĩyã.

Aromduma 5:11

Sɛla n pa'asɛ, tõma ɩtɩ sũ-yẽlga mɛ la Nawẽnnɛ, tõma Zuudãana Azezi-krisi ĩyã, ẽŋa n botɩ tõma naagɛ la Nawẽnnɛ na.

Aromduma 5:6

Se'ere n soe la, tõma n daan ka tã wʋn looge yelle la, Nawẽnnɛ n looge yɛm wakat-sɛka la n paagɛ la, Krisi ki mɛ tõon-be'ero dõma ĩyã.

Aromduma 8:32

Nawẽnnɛ ka basɛ a mẽŋa Dayʋa la tɩ a põsɛ kũm. A basɛ mɛ tɩ ba kʋ ẽ tõma wuu ĩyã. A wʋn ẽŋɛ la wãne kãn bɔ tõma sɛla wuu la a Dayʋa la?

Aromduma 8:34

Ãne n wʋn di ba sarɩya sɩbgɛ ba? Nẽra ka boe. Azezi-krisi ki mɛ, dee vo'oge, sẽŋɛ ka zẽa Nawẽnnɛ zʋʋgɔ, sɔsra tõma ĩyã.

Aromduma 8:7

Nẽra sãn dɔla nẽrsaalba mẽŋa n boorɩ se'em na, la de la be'em la Nawẽnnɛ, se'ere n soe la, nẽrsaala mẽŋa n boorɩ se'em na ka sakrɩ Nawẽnnɛ lɔɔ la, la a põn ka tãna wʋn sakɛ ẽ.

2 Korẽntɩ 5:20

Bɛla, Krisi n tõm tõma tɩ tõma sɔɔgɛ a zẽ'am tɔgra la yãma wʋ Nawẽnnɛ mẽŋa n tɔgrɩ kã'ana ya tõma yetɔga la pʋam. Krisi ĩyã tõma sosrɩ ya mɛ tɩ ya naagɛ la Nawẽnnɛ.

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

Efɛɛzɩ 2:16

Krisi n ki kũm dɔ-puurŋa zuo la, a lagɩm ba tɩ ba lebge la buuri ayɩla naagɛ ba la Nawẽnnɛ botɩ ba ka le sisra taaba.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

Hiburuduma 2:17

Bɛla n soe tɩ la daan masɛ tɩ a lebge nẽrsaala ãna wʋ a sɔbiisi la sɛla woo pʋam, tã'agɛ dɛna ba kãabgɔ kẽma nẽŋadãana n de ninbãal-zɔta, dee dɛna sɩra dãana Nawẽnnɛ tõoma pʋam. A ẽŋɛ la bɛla yese nẽrba tõon-be'ero, naagɛ ba la Nawẽnnɛ.

Hiburuduma 7:25

La de la bɛla tɩ a tãna wʋn fãagɛ sɛba wuu n doose la ẽŋa lɛnna Nawẽnnɛ zẽ'am na, wakatɛ wuu ĩyã. Se'ere n soe la, a vɔa mɛ wakatɛ wuu yõkra Nawẽnnɛ sɩa bɔ'ɔra ba.

1 Zã 2:1

M kɔma, mam gʋlsrɩ ya wãna tɩ ya da tõm na tõon-be'ero. La nẽra sãn tõm be'em, tõma tarɩ la sõŋra n boe tɩ Sɔ Nawẽnnɛ zẽ'am, la de la Azezi-krisi n de pʋpeelem dãana.

1 Zã 4:10

Nõŋlʋm na n doose se'em n wãna: La dagɩ tõma n dẽŋɛ nõŋɛ Nawẽnnɛ. La de la Nawẽnnɛ n nõŋɛ tõma, tõm a Dayʋa, tɩ a dɛna kãabgɔ tõma tõon-be'ero taalɛ basga ĩyã.

Lilegere 1:18

Mam de la sɛka n vɔɩ. Mam daan ki mɛ, la mam n wãna, mam vɔa mɛ wakatɛ wuu. Mam n tarɩ ke'eŋo sɔna kũm, la kɩ'ɩn-tẽŋa.