Aromduma 4:25 - Farefare Ninkaré

²⁵ Nawẽnnɛ daan basɛ tɩ ba kʋ Azezi la tõma tõon-be'ero ĩyã, dee vo'oge ẽ tɩ a botɩ tõma dɛna nẽrba n masɛ a zẽ'am.

ZE'ELEGO PAALEGA

²⁵ Se'em ti Yinɛ dikɛ en tihɛ na ti a ki tumam tuure zuo, gee daa vo'e en tumam buurɔ zuo la.

Aromduma 4:25 ပူးပေါင်းရင်းမြစ်များ

Amatie 20:28

Nẽrsaala Dayʋa la ka wa'am tɩ nẽrba tõm bɔ ẽ, a wa'am tɩ a tõm mɛ bɔ, dee dɩkɛ a vɔm bɔ tɩ nẽrba zozo'e yẽ fãarɛ.»

Aromduma 3:25

Nawẽnnɛ n looge Azezi tɩ a ki, tɩ a zɩɩm yese la ĩyã, a wʋn basɛ nẽr-sɛba n bɔ ẽ sɩra la tõon-be'ero taalɛ. Bɛla Nawẽnnɛ pa'alɛ tɩ ẽŋa masɛ mɛ dɛna sɩra dãana. Kʋrʋm, Nawẽnnɛ mã'agɛ la a sũure ka sɩbgɛ nẽrsaalba ba tõon-be'ero la ĩyã.

Aromduma 5:18

Bɛla, nẽra ayɩla tuure n botɩ Nawẽnnɛ dita nẽrba wuu sarɩya sɩbgra ba la, bɛla mẽ, nẽra ayɩla mã'a tõonɛ n masɛ la ĩyã n botɩ nẽrba wuu masɛ Nawẽnnɛ zẽ'am tara vɔm.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

1 Korẽntɩ 15:17

La Krisi sãn ka vo'oge, yan bɔ sɩra la de la zãŋa, la ya tõon-be'ero taalɛ ken bɔna la ya zuto.

2 Korẽntɩ 5:15

A ki nẽrba wuu ĩyã tɩ nẽr-sɛba n vɔa la, da le vɔa ba mẽŋa n boorɩ se'em, ba vɔa wʋ sɛka n ki ba ĩyã dee vo'oge la n boorɩ se'em.

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 3:13

La tõma n ka ẽŋɛ lɔɔ la n yele se'em na wuu ĩyã, Nawẽnnɛ kã'a-be'ego n boe tõma zuto. La Krisi n ki dɔ-puurŋa zuo la, a dɔkɛ kã'a-be'ego la tõma zuto mɛ, tɩ ẽŋa mẽŋa sɔɔgɛ tõma zẽ'am, tɩ kã'a-be'ego la bɔna a zuugo, se'ere n soe la, la gʋlsɛ yetɩ: «Kã'a-be'ego boe nẽr-sɛka tɩ ba yulse ẽ dɔɔgɔ zuo la zuugo.»

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 8:3

Ba loorɩ kãabgɔ kẽma nẽŋadãana woo tɩ a bɔ'ɔra la Nawẽnnɛ bɔ'a, la a kãabra bɔ'ɔra ẽ. Bɛla tɩ la mẽ masɛ tɩ ẽŋa tara sɛla bɔ Nawẽnnɛ.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 1:21

Krisi ĩyã tɩ ya bɔ Nawẽnnɛ sɩra, Nawẽnnɛ n vo'oge Krisi, bɔ ẽ na'am pãŋa, bɛla tɩ ya dɩkɛ ya bɔ sɩra, la yan tara pʋtẽ'erɛ gu'ura sɛla la te'ege Nawẽnnɛ.

1 Pita 2:24

Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

1 Pita 3:18

Krisi nãmsɛ mɛ ki bʋyɩla tɩ a yese tõon-be'ero, ẽŋa n de sɛka n masɛ la, ki la sɛba n ka masɛ ĩyã, tɩ a tarɩ ya sẽŋɛ Nawẽnnɛ zẽ'am. Ba kʋ ẽ mɛ, tɩ Nawẽnnɛ Sɩa basɛ tɩ a vo'oge

1 Zã 2:2

La de la ẽŋa n dɩkɛ a mẽŋa bɔ tɩ la dɛna kãabgɔ, tɩ Nawẽnnɛ basɛ tõma tõon-be'ero taalɛ. La, la dagɩ tõma mã'a tõon-be'ero taalɛ, la de la dũnia nẽrba wuu tõon-be'ero taalɛ.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

Lilegere 7:14

Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.