Aromduma 4:18 - Farefare Ninkaré

¹⁸ Abraham yʋʋn bɔ la Nawẽnnɛ sɩra, tara pʋtẽ'erɛ gu'ura sɛla tɩ a ka tarɩ nɩ pʋtẽ'erɛ tɩ la tã wʋn ẽŋɛ. Bɛla tɩ a lebge so'olʋm buuri zozo'e sɔ-yaaba, wʋ Nawẽnnɛ n yʋʋn yetɩ a yɩɩsɩ wʋn zo'oge se'em na.

ZE'ELEGO PAALEGA

¹⁸ La en pun bɔna bɔnsɛka en ka tare beere puti'irɛ la, gee doohe beere puti'irɛ puan a nam mɛ ti eŋa wan ta wa'am na dɛna “tihi zo'e zo'e sɔ,” wuu eŋa en wum se'em yeti, “Fum yaahi yeti ba wi'ɛ la bala la.”

Aromduma 4:18 ပူးပေါင်းရင်းမြစ်များ

Aluki 1:18

Tɩ Azakari soke malɛka la yetɩ: «Bẽm n wʋn botɩ mam bãŋɛ tɩ bõn-ẽna de la sɩra? Se'ere n soe la, mam de la bʋra-yã'aŋa dee tɩ mam pɔga mẽ kʋrgɛ.»

Tõoma 27:25

Bɛla, bʋraasɩ wã, keŋe-ya ya sũure, tɩ mam bɔ Nawẽnnɛ sɩra mɛ tɩ la wʋn ẽŋɛ wʋ malɛka la n yele mam se'em na.

Aromduma 4:17

La gʋlsɛ Nawẽnnɛ gõŋɔ pʋam yetɩ: «Mam wʋn botɩ fʋ lebge so'olʋm buuri zozo'e sɔ-yaaba.» A de la tõma sɔ-yaaba Nawẽnnɛ tɩ a bɔ ẽ sɩra la zẽ'am. Nawẽnnɛ n botɩ kũm vɔ'ɔra, dee botɩ sɛla n ka boe bɔna.

Aromduma 4:19

Abraham yʋʋn kʋrgɛ mɛ, tara wʋ yʋʋma kɔbga, dee la kũm, dee tɩ a pɔga Asaara yʋʋn dɛna kõndɔgrɛ, dee kʋrgɛ, la baa bɛla Abraham n bɔ Nawẽnnɛ sɩra la ka bo'oge.

Aromduma 5:5

Pʋtẽ'e-ẽŋa tɩ tɩ tarɩ la kãn ẽŋɛ tɩ yãnnɛ, se'ere n soe la, Nawẽnnɛ Sɩa la tɩ a bɔ tõma la ẽŋɛ la a nõŋlʋm tɩ sũa pʋam.

Aromduma 8:24

Se'ere n soe la, tõma yẽ fãarɛ mɛ, la tõma ken tara la pʋtẽ'erɛ gu'ura. La fʋ sãn yẽ sɛla tɩ fʋ tarɩ pʋtẽ'erɛ gu'ura la, fʋ ka le tara pʋtẽ'erɛ gu'ura. Ãne n tarɩ pʋtẽ'erɛ gu'ura sɛla tɩ a yẽ?

Hiburuduma 6:19

Tõma n tarɩ pʋtẽ'erɛ gu'ura sɛla la botɩ tõma zɛ la kãŋkãŋɛ Nawẽnnɛ nẽŋam, wʋ ka'aga n ka tẽŋa kẽ paagɛ pʋam pʋam yõkɛ kãŋkãŋɛ la. Bɛla tɩ tõma wʋn kẽ gãŋɛ fu-sɛka n beŋe Nawẽnnɛ zẽ'e-sõŋɔ la, paagɛ Nawẽnnɛ zẽ'am.