Aromduma 4:14 - Farefare Ninkaré

¹⁴ La sãn de nɩ nẽrba n sakrɩ lɔɔ la ĩyã tɩ ba tɔ'ɔra bõn-sõma sɛba tɩ Nawẽnnɛ bĩŋe nõorɛ la, bɛla bɔ sɩra la ka tarɩ yõorɔ, la Nawẽnnɛ nõor-bĩŋre la ka tarɩ võorɛ.

ZE'ELEGO PAALEGA

¹⁴ La han dɛna la sɛba en dole ze'elego la n wan ta dɛna asooesɔna duma, sakerɛ yi dela zaŋa, ti nɔbiŋere la me bahɛ yoo.

Aromduma 4:14 ပူးပေါင်းရင်းမြစ်များ

Aromduma 3:31

Tõma n yetɩ nẽra n bɔ sɩra ĩyã n botɩ a masɛ la, bɛla boorɩ tɩ la yetɩ bɔ sɩra ĩyã lɔɔ la ka le tara võorɛ mɛ bɩɩ? Ayɛɩ, la dagɩ bɛla. Tõma pa'alɛ tɩ lɔɔ la tarɩ võorɛ mɛ.

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

1 Korẽntɩ 1:13

Yãma tẽ'esɛ tɩ Krisi welse mɛ bɩɩ? Bɩɩ yãma tẽ'esɛ tɩ Apolɩ n daan ki dɔ-puurŋa zuo yãma ĩyã, bɩɩ ba mise yãma ko'om pʋam la Apolɩ yʋ'ʋrɛ?

Galatɩ 2:21

Mam ka sakɛ tɩ Nawẽnnɛ yel-sõnnɛ na de la zãŋa. La sãn dɛna la nẽra n dolɩ lɔɔ ĩyã n basɛ tɩ a masɛ Nawẽnnɛ nẽŋam, Krisi kũm na de nɩ na zãŋa.

Galatɩ 5:4

Yãma sɛba n te'ege lɔɔ la ɛɛra tɩ ya masɛ Nawẽnnɛ nẽŋam na, ya welge ya mẽŋa mɛ la Krisi, ya koŋe Nawẽnnɛ yel-sõnnɛ mɛ.

Filipi 3:9

lagɩm na ẽ dɛna ayɩla. Mam ka le yetɩ la de la lɔɔ la sakrɛ ĩyã tɩ mam masɛ Nawẽnnɛ zẽ'am, la de la mam n bɔ Krisi sɩra la ĩyã. Nawẽnnɛ n botɩ mam masɛ, mam n bɔ sɩra la ĩyã.

Hiburuduma 7:19

Se'ere n soe la, Amoyisi lɔɔ la ka tã'agɛ basɛ tɩ sɛla sɛla masɛ wʋ Nawẽnnɛ n boorɩ se'em na. La lɛɛlɛ wã, Nawẽnnɛ ẽŋɛ la so-paalɛ, tɩ tõma n tarɩ pʋtẽ'erɛ gu'ura sɛla n ãn sõŋɔ gãnna la basɛ tɩ tõma lɛnna Nawẽnnɛ.

Hiburuduma 7:28

Amoyisi lɔɔ la yʋʋn loorɩ la nẽrsaalba pãŋa n pɔ'ɔgɛ tɩ ba dɛna kãabgɔ kẽma nẽŋadõma. La Nawẽnnɛ n bĩŋe a nõorɛ dee pɔɩ bɛla poorʋm na, a looge la a Dayʋa n masɛ sɛla woo pʋam wakatɛ n ka ba'asrɩ ĩyã.