Aromduma 4:12 - Farefare Ninkaré

¹² La Abraham ken dɛna la nẽr-sɛba n wã la sɔ-yaaba, la dagɩ nẽr-sɛba n wen wã la mã'a, la de la sɛba n bɔ Nawẽnnɛ sɩra wʋ Abraham n yʋʋn bɔ sɩra se'em, dee yʋʋn nãn ka wã la.

ZE'ELEGO PAALEGA

¹² Gee me kelum dɛna yaaba bu sɛba en ŋma la, dagi ba ŋmaa la ma'a, gee sɛba en tari sakerɛ se'ere taaba ti tu yaaba Aberaham yuum tara gee nyaa baŋɛ ŋma la.

Aromduma 4:12 ပူးပေါင်းရင်းမြစ်များ

Amatie 3:9

La ya da tẽ'esra tɩ Abraham n de ya yaaba la, ya wʋn põsɛ Nawẽnnɛ sɩbgrɛ la mɛ. Mam yetɩ ya mɛ tɩ Nawẽnnɛ tã wʋn dɩkɛ kuga wã botɩ ba lebge Abraham yɩɩsɩ mɛ.

Aromduma 4:11

Bɛla poorʋm tɩ Abraham yãŋa yʋʋn wã, tɩ la dɛna dãalgɔ pa'alɛ tɩ Nawẽnnɛ yetɩ a de la nẽra n masɛ ẽŋa zẽ'am, ẽn bɔ sɩra la ĩyã, wakatɛ sɛka tɩ a nãn ka wã la. Bɛla tɩ Abraham dɛna sɛba wuu n bɔ Nawẽnnɛ sɩra dee ka wã la sɔ-yaaba, tɩ Nawẽnnɛ yetɩ ba de la nẽrba n masɛ ẽŋa zẽ'am.

Aromduma 4:13

Nawẽnnɛ yʋʋn bĩŋe nõorɛ bɔ la Abraham, la a yɩɩsɩ yetɩ ba wʋn wa sɔna dũnia. La dagɩ Abraham n sakrɩ lɔɔ la ĩyã tɩ a bĩŋe nõorɛ la, la de la ẽn bɔ Nawẽnnɛ sɩra, tɩ Nawẽnnɛ yetɩ a masɛ ẽŋa zẽ'am na ĩyã.

2 Korẽntɩ 12:18

Mam daan sose la Atiti tɩ a wa'am ya zẽ'am, dee tõm tɩ sɔbia la, tɩ a doose ẽ. Bɛla, Atiti pã'asɛ yãma to'oge sɛla mɛ bɩɩ? Mam la Atiti tarɩ la pʋtẽ'erɛ ayɩla, la tõma doose la sore ayɩla.

1 Pita 2:21

La de la bɛla ĩyã tɩ Nawẽnnɛ wi ya. Krisi mẽ daan nãmsɛ yãma ĩyã mɛ, basɛ mãmsgɔ tɩ ya dɔla a nabara ɩta wʋ ẽŋa n ẽŋɛ se'em na.