Aromduma 3:22 - Farefare Ninkaré

²² La de la nẽra n bɔ Azezi-krisi sɩra ĩyã, tɩ Nawẽnnɛ botɩ a masɛ a zẽ'am. A ɩtɩ bɛla bɔ'ɔra la nẽr-sɛba wuu n bɔ Azezi-krisi sɩra la, bɔkrɛ ka boe.

ZE'ELEGO PAALEGA

²² ti Yinɛ tuntɔɔnɛ dole la sakerɛ Yezu Kiresta puan, bɔ'ɔra sɛba woo en nam, ti yima yima ka bɔna,

Aromduma 3:22 ပူးပေါင်းရင်းမြစ်များ

Aluki 15:22

Tɩ a sɔ la yele a tõntõnɩba yetɩ: ‹Sẽŋɛ-ya tɔtɔ ka tarɩ fu-sɛka n ãn sõŋa gãnna la wa'am wa yɛ ẽ, dee dɩkɛ nutʋa pire a nu'ubiire, dee dɩkɛ tagra pire ẽ.

Tõoma 11:12

Tɩ Nawẽnnɛ Sɩa yele mam yetɩ, m doose ba sẽŋɛ, m da sẽ'ena. Tɩ tɩ sɔbiisi bãna bayoobɩ wã kɔlgɛ mam, tɩ tõma sẽŋɛ ka kẽ Akɔrnɛlɩ yire.

Tõoma 15:9

La a ka welge tõma la bãma. La ban bɔ Azezi sɩra la ĩyã tɩ a yese be'em ba sũure pʋam basɛ.

Tõoma 3:16

La de la Azezi yʋ'ʋrɛ n tarɩ pãŋa la ĩyã, la tõma n bɔ ẽ sɩra la n botɩ bʋra-ẽna tɩ yãma mi dee yẽ wã keŋe. La de la ẽn bɔ Azezi sɩra la n botɩ a yẽ ĩmã'asʋm sõŋa ya wuu nẽŋam wã.

Aromduma 1:17

Kõ-yẽlga la n pukri pa'ala tõma Nawẽnnɛ n ɩtɩ se'em botɩ nẽrba masɛ a zẽ'am. La de la bɔ sɩra, tarɩ ka ba'asɛ la bɔ sɩra, wʋ lan gʋlsɛ Nawẽnnɛ gõŋɔ pʋam se'em yetɩ: «Nẽra n bɔ Nawẽnnɛ sɩra masɛ a zẽ'am wʋn vɔa, ẽn bɔ ẽ sɩra la ĩyã.»

Aromduma 10:12

Bɛla, welgre ka boe Zifdõma, la bu-zãŋsɩ tẽŋasʋka. Ba lagɩm tara la Zuudãana ayɩla n ɩtɩ bõn-sõma bɔ'ɔra nẽr-sɛba wuu n sosrɩ ẽ na.

Aromduma 10:4

Krisi n de lɔɔ la kʋkɩ'ɩ, tɩ nẽr-sɛka woo n bɔ ẽ sɩra wʋn masɛ Nawẽnnɛ zẽ'am.

Aromduma 2:1

Fõn nẽr-sɛka n zɛrgrɩ nẽrba basɛba la, fʋ kãn yẽ bʋʋrɔ, se'ere n soe la, fõn zɛrgrɩ nẽrba basɛba dee ɩta bãma n ɩtɩ se'em na, fʋ mõŋrɩ la fʋ mẽŋa bʋʋrɔ.

Aromduma 3:30

Nawẽnnɛ de la ayɩla, a wʋn botɩ Zifdõma masɛ a zẽ'am, ban bɔ sɩra ĩyã, dee botɩ sɛba n dagɩ Zifdõma la mẽ masɛ a zẽ'am, ban bɔ sɩra ĩyã.

Aromduma 4:16

Bɛla, la de la bɔ sɩra ĩyã, tɩ Nawẽnnɛ nõor-bĩŋre la wʋn dɛna yel-sõnnɛ bɔ'a n tarɩ yõorɔ bɔ Abraham yɩɩsɩ la wuu. La, la ka de a yɩɩsɩ sɛba n dolɩ lɔɔ la mã'a ĩyã, la de la nẽr-sɛba wuu n bɔ Nawẽnnɛ sɩra wʋ Abraham n yʋʋn bɔ sɩra se'em na. Abraham n de tɩ wuu sɔ-yaaba.

Aromduma 8:1

Bɛla, sɩbgrɛ ka le bɔna nẽr-sɛba n lagɩm na Azezi-krisi dɛna ayɩla la zuto.

Aromduma 9:30

Bɛla, tɩ wʋn yetɩ bo? Bu-zãŋsɩ n daan ka eerɩ tɩ ba dɛna nẽrba n masɛ Nawẽnnɛ zẽ'am na, Nawẽnnɛ botɩ ba dɛna la nẽrba n masɛ a zẽ'am, ban bɔ ẽ sɩra la ĩyã.

1 Korẽntɩ 12:13

Tõma Zifdõma, la sɛba n dagɩ Zifdõma, la sɛba n de yamsɩ, la sɛba n dagɩ yamsɩ, tõma wuu n daan mise ko'om pʋam na, Nawẽnnɛ Sɩa botɩ tɩ lebge la ĩyã ayɩla. Nawẽnnɛ tõm na Sɩa ayɩla bɔ tɩ wuu.

1 Korẽntɩ 4:7

Bẽm soe tɩ fõn tẽ'esɛ tɩ fõn gãnnɩ fʋ taaba? Bẽm tɩ fõn tarɩ tɩ la dagna Nawẽnnɛ n bɔ fɔ? La fʋ sãn to'oge, wãne tɩ fʋ pa'ala fʋ mẽŋa wʋ fʋ ka to'oge mɛ na?

Galatɩ 2:16

La tõma mi mɛ tɩ la dagɩ nẽra n dolɩ lɔɔ la n yetɩ se'em na ĩyã, n wʋn basɛ tɩ a masɛ Nawẽnnɛ zẽ'am, la de la nẽra n bɔ Azezi-krisi sɩra mã'a tɩ Nawẽnnɛ wʋn basɛ tɩ a masɛ a zẽ'am. Tõma mẽ bɔ la Azezi-krisi sɩra, tɩ Nawẽnnɛ basɛ tɩ tɩ masɛ a zẽ'am, tõma n bɔ Azezi-krisi sɩra la ĩyã, dee dagɩ tõma n dolɩ lɔɔ la n yele se'em na ĩyã. Nẽra nẽra ka tã wʋn masɛ Nawẽnnɛ zẽ'am, ẽn dolɩ lɔɔ la n yele se'em na ĩyã.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 3:22

La Nawẽnnɛ gõŋɔ la yetɩ, dũnia dõma wuu boe la tõon-be'ero nu'usum. La de la bɛla tɩ sɛba n bɔ Azezi-krisi sɩra la wʋn to'oge sɛla tɩ Nawẽnnɛ bĩŋe nõorɛ tɩ a bɔ ba, ban bɔ Azezi-krisi sɩra la ĩyã.

Galatɩ 3:28

Yãma n lagɩm na Krisi la, bɔkrɛ ka le bɔna tɩ fʋ de la Zifu, bɩɩ bu-zãŋka, yamŋa bɩɩ nẽra n soe a mẽŋa, pɔka bɩɩ bʋraaga, ya wuu de la ayɩla.

Efɛɛzɩ 3:12

Tõma n bɔ Krisi sɩra lagɩm na ẽ dɛna ayɩla la, sore boe mɛ tɩ tõma tãna wʋn paagɛ Nawẽnnɛ zẽ'am tɩ dabeem ka tara tõma.

Filipi 3:9

lagɩm na ẽ dɛna ayɩla. Mam ka le yetɩ la de la lɔɔ la sakrɛ ĩyã tɩ mam masɛ Nawẽnnɛ zẽ'am, la de la mam n bɔ Krisi sɩra la ĩyã. Nawẽnnɛ n botɩ mam masɛ, mam n bɔ sɩra la ĩyã.

Kolɔsɩ 3:11

Nẽr-sɛba n tarɩ ãsʋm paalga wã, la sãn dɛna Zifdõma, bɩɩ bu-zãŋsɩ, bɩɩ sɛba n wã, la sɛba n ka wã, bɩɩ sɛba nini n ka pike, la weem nẽrba, bɩɩ yamsɩ, la sɛba n dagɩ yamsɩ, welgre ka le bɔna ba tẽŋasʋka. La de la Krisi mã'a n gãnnɩ sɛla woo, dee sɔna a nẽrba wuu.

Yemesi 2:23

Bɛla tɩ Nawẽnnɛ gõŋɔ n gʋlsɛ se'em na ẽŋɛ. La yetɩ: «Abraham bɔ la Nawẽnnɛ sɩra, tɩ Nawẽnnɛ bɩsɛ a bɔ sɩra la, yetɩ a masɛ mɛ ẽŋa zẽ'am.» Tɩ Nawẽnnɛ wi ẽ yetɩ a sɩrɛ.