Aromduma 3:2 - Farefare Ninkaré

² Yõorɔ la zo'oge mɛ. Pɔspɔsɩ, Nawẽnnɛ dɩkɛ a yetɔga ẽŋɛ la Zifdõma nu'usum.

ZE'ELEGO PAALEGA

² La zo'e mɛ zi'an woo. Yia dela, Yuuduma la en pɔhɛ to'e Yinɛ yele sɛ'a en sugɛ la.

Aromduma 3:2 ပူးပေါင်းရင်းမြစ်များ

Azã 5:39

Yan eerɩ tɩ ya bãŋɛ Nawẽnnɛ gõŋɔ yetɔga la võorɛ la, ya tẽ'esɛ tɩ ya wʋn yẽ la vɔm n ka ba'asrɩ a pʋam. La de la gõn-ẽŋa n tɔgrɩ mam yelle.

Tõoma 7:38

La tɩ yaabdõma n yʋʋn lagsɛ weem na, la de la ẽŋa n ze'ele tɩ yaabdõma, la malɛka n tɔgɛ la ẽ Sinayi tãŋa zuo tẽŋasʋka, to'oge Nawẽnnɛ vɔm yetɔga tɔgɛ bɔ tɔ.

Aromduma 1:2

Nawẽnnɛ daan bĩŋe la nõorɛ halɩ kʋrʋm kʋrʋm tɩ a bɔ tɔ a kõ-yẽlga la, botɩ a nõtɔ'ɔsrɩba gʋlsɛ a gõŋɔ pʋam.

Aromduma 2:18

fõn mi Nawẽnnɛ n boorɩ se'em mɛ. Lɔɔ la zãsʋm fõn mɛ tɩ fõn mina sɛla n ãn sõŋa, la sɛla n ka ãn sõŋa bɔkɛ.

Aromduma 3:1

La sãn dɛna bɛla, Zifdõma tarɩ zu-yẽlga la bẽm pʋam gãnna sɛba n dagɩ Zifdõma, la wãaga la yõorɔ de la bẽm?

Aromduma 3:3

La ba nẽrba basɛba sãn dagna sɩra dõma, bɛla wʋn botɩ Nawẽnnɛ kãn dɛna sɩra dãana mɛ bɩɩ?

Aromduma 9:4

Ba de la Ɩsrayɛlɩ dõma, la de la Nawẽnnɛ n looge ba, botɩ ba lebge a kɔma, bɔ ba nã'asgɔ, bĩŋe nõa la ba lɛ, bɔ ba lɔɔ, la sore tɩ ba nã'asra ẽ, dee yele ba ẽŋa n wʋn ẽŋɛ bõn-sɛba bɔ ba.

1 Korẽntɩ 9:17

La sãn de nɩ la mam mẽŋa n looge yɛm mõola kõ-yẽlga la, mam wʋn to'oge nɩ la yɔɔrɔ. La, lan de pẽrgrɛ tɩ mam mõolɛ la, la de la tõonɛ tɩ Nawẽnnɛ dɩkɛ dɔglɛ mam zuo.

2 Korẽntɩ 5:19

Tõma n yetɩ se'em na, la de la Nawẽnnɛ n botɩ Krisi botɩ dũnia dõma la ẽŋa naagɛ taaba, dee ka geele ba tõon-be'ero. Dee bɔ tõma yetɔga tɩ tɩ tɔgɛ naarɛ yelle bɔ nẽrba.

Galatɩ 2:7

Ba tõn yẽ tɩ Nawẽnnɛ dɩkɛ kõ-yẽlga la ẽŋɛ la mam nu'usum tɩ m mõolɛ bɔ bu-zãŋsɩ, wʋ ẽn dɩkɛ ẽŋɛ Apɩyɛɛrɩ nu'usum tɩ a mõolɛ bɔ Zifdõma la.

1 Timoti 6:20

Fõn Atimõtɩ, bɩsra sɛla tɩ Nawẽnnɛ dɩkɛ gu'ule fo la, mõrgɛ zãagɛ fʋ mẽŋa la yetɔg-yooro n ka dolɩ Nawẽnnɛ sore, zãagɛ fʋ mẽŋa la nõke'ene wẽ'a tɩ nẽrba tẽ'esrɩ tɩ la de la bãŋrɛ dee tɩ la dagna bɛla la.

Hiburuduma 5:12

Lan yuuge paagɛ se'em wã, la seke nɩ mɛ tɩ yãma lebge karẽnsãandõma pa'ala nẽrba basɛba. La baa bɛla, yãma ken bɔɔra tɩ ba zãsna ya la Nawẽnnɛ pɔspɔsɩ yɛla n de nãana, wʋ kɔma n boorɩ bĩ'isum dee ka bɔɔra di-ke'ene na.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.

Lilegere 22:6

Tɩ malɛka la yele mam yetɩ: «Yetɔg-bãna wã wuu de la sɩra, masɛ tɩ ba bɔ sɩra. La de la Zuudãana Nawẽnnɛ mẽŋa n botɩ a nõtɔ'ɔsrɩba tɔ'ɔsra a yetɔga tɔgra la, n tõm a malɛka tɩ a wa'am wa pa'alɛ a tõntõnɩba sɛla n kãn yuuge dee ẽŋɛ.»