Aromduma 3:10 - Farefare Ninkaré

¹⁰ wʋ lan gʋlsɛ Nawẽnnɛ gõŋɔ pʋam yetɩ: «Nẽra ka boe n masɛ, baa ayɩla.

ZE'ELEGO PAALEGA

¹⁰ wuu lan gulehɛ se'em yeti, “Se'em ka boi dɛna tuuntɔɔ, la ayima me.

Aromduma 3:10 ပူးပေါင်းရင်းမြစ်များ

Amatie 15:19

Se'ere n soe la, pʋtẽ'e-yooro ze'etɩ la nẽrsaala sũure pʋam botɩ a bɔɔra tɩ a ẽŋɛ be'em: Nẽr-kʋa, la yalsɩ, la taaba pɔgba la taaba sɩrba gã'a, la nayigum, la põmpɔrŋɔ, la pɔ'ɔrɛ yetɔga.

Amarkɩ 10:18

Tɩ Azezi yele ẽ yetɩ: «Bẽm tɩ fõn wi'ira mam tɩ nẽr-sõŋɔ? Nẽra ka boe n ãn sõŋa sãn dagna Nawẽnnɛ mã'a.

Aromduma 11:8

La ẽŋɛ wʋ Nawẽnnɛ gõŋɔ n yele se'em yetɩ: «Halɩ wa paam zĩna, Nawẽnnɛ n bʋrsɛ ba yɛm tɩ ba ka wõnna sɛla võorɛ, botɩ ba nini ka yẽta, tɩ ba tʋba ka wõnna.»

Aromduma 3:11

Nẽra ka boe n tarɩ yɛm ɛɛra tɩ a bãŋɛ Nawẽnnɛ, baa ayɩla.

Aromduma 3:23

Se'ere n soe la, nẽrsaalba wuu tõm na tõon-be'ero koŋe Nawẽnnɛ nã'asgɔ.

Aromduma 3:4

Ayɛɩ, la dagɩ bɛla. Baa nẽrba wuu sãn dɛna põmpɔrndõma, Nawẽnnɛ ken dɛna la sɩra dãana wʋ lan gʋlsɛ yetɩ: «Fʋ yetɔga pʋam, nẽrba mi tɩ fõn masɛ mɛ dɛna sɩra dãana. Nẽrba sãn zɛrgɛ fɔ, fõn tarɩ bʋʋrɔ mɛ.»

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

1 Pita 1:16

La gʋlsɛ Nawẽnnɛ gõŋɔ pʋam tɩ Nawẽnnɛ yetɩ: «Dɛna-ya pʋpeelem dõma, tɩ mam de la pʋpeelem dãana.»

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 22:15

La nẽr-sɛba n tõnnɩ tõon-dẽgrɔ, la sɛba n tõnnɩ tɩɩm tõoma, la sɛba n tõnnɩ yalsɩ tõoma, la nẽr-kʋʋrba, la sɛba n nã'asrɩ bõndõma tɩ ba mãalɛ, la nẽr-sɛba wuu n nõŋɛ põmpɔrŋɔ dee parna la, wʋn weege la yẽŋa, ba kãn kẽ tẽŋa la pʋam.