Aromduma 2:8 - Farefare Ninkaré

⁸ La nẽr-sɛba n ka sakɛ bɔ, sɩ'ɩsra sɩra, dee ɩta sɛla n ka masɛ la, wʋn yẽ Nawẽnnɛ sũ-isgre, la sɩbgrɛ.

ZE'ELEGO PAALEGA

⁸ Sɛba me en eere ba mɛhi en boti se'em la, ka nana yelemɛŋerɛ la, gee nana la tuunfi'iha la, Yinɛ sunsunyiim, la sunsunyiim tuulɛ en de ba dinɛ.

Aromduma 2:8 ပူးပေါင်းရင်းမြစ်များ

Aromduma 1:18

Nawẽnnɛ n boe saazuum pa'alɛ tɩ ẽŋa sũure yĩige mɛ la nẽrsaalba n tõnnɩ tõon-be'ero, la sɛla wuu tɩ ba ɩtɩ tɩ la ka dɔla ẽŋa sore, tɩ ba tõon-be'ero la gu'ura nẽrba tɩ ba ka mina sɩra la, tɩ ẽŋa wʋn sɩbgɛ ba.

Aromduma 10:16

La, la dagɩ nẽrba wuu n sakɛ kõ-yẽlga la. Bɛla tɩ A'ezayi gʋlsɛ Nawẽnnɛ gõŋɔ pʋam yetɩ: «Zuudãana, ãne n bɔ kõ-yẽlga la tɩ tõma mõolɛ la sɩra?»

Aromduma 15:18

Mam kãn saagɛ tɔgɛ sɛla yelle, sãn dagna Krisi n botɩ mam ẽŋɛ sɛla botɩ bu-zãŋsɩ sakɛ Nawẽnnɛ na mã'a. La de la mam yetɔga, la mam tõoma pʋam

Aromduma 6:17

Tɩ pʋ'ʋsɛ Nawẽnnɛ a yel-sõnnɛ: Kʋrʋm, yãma daan de la tõon-be'ero yamsɩ, la yãma to'oge sɩra zãsŋɔ la mɛ wʋ ban zãsʋm ya se'em na, sakɛ ẽ la ya sũure wuu.

Aromduma 9:22

La de la bɛla tɩ Nawẽnnɛ ẽŋɛ. Nawẽnnɛ boorɩ tɩ a pa'alɛ la a sũ-isgre, dee botɩ nẽrba wuu bãŋɛ a pãŋa. La a yõkɛ a mẽŋa mɛ, mã'agɛ a sũure la sɛba n masɛ tɩ a sũ-isgre sige ba zuto, dee nara tɩ a sã'am ba la.

1 Korẽntɩ 11:16

La nẽr-sɛka sãn bɔɔra tɩ a wẽ nõke'ene bõn-ẽna wã yelle, dẽnɩ tɩ a bãŋɛ tɩ tõma, la Nawẽnnɛ nẽrba n boe zẽ'esɩ wuu la, ka tarɩ ɩrgɔ ayẽma.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Galatɩ 5:20

la baga kãabgɔ, la tɩɩm tõoma, la taaba sisga, la zɛbrɛ, la ɩta sũure la tadãana bõnɔ, la sũ-isgre, la gãŋɛ taaba, la ka-wõm-taaba, la welge taaba.

Filipi 1:17

La basɛba la mõolɩ Krisi kõ-yẽlga la gẽelgɔ, la dagɩ la pʋpeelem. Ba tẽ'esrɩ tɩ bõn-ẽŋa wʋn pa'asɛ mam na nãmsgɔ, mam n boe yʋ'a deem na.

Filipi 2:3

Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

2 Tesaloniki 1:8

la bug-zɩlɩsɩ wa sɩbgɛ sɛba n zagsɛ Nawẽnnɛ dee ka sakɛ tɩ Zuudãana Azezi kõ-yẽlga la.

Taitusi 3:9

La sãn dɛna nõke'en-yooro, la yaabdõma deto kãalgɔ, la nõkɛ'ɛma wẽ'a Zifdõma lɔɔ la yɛla, zãagɛ fʋ mẽŋa la bõn-bãma, se'ere n soe la, ba ka tarɩ yõorɔ, ba de la zãŋa.

Hiburuduma 10:27

Sɛla n yãŋa deege de la nẽr-ẽŋa gu'ura Nawẽnnɛ sarɩya, la bugum n wʋn di sɛba n sɩ'ɩsɛ Nawẽnnɛ na, la dabeem.

Hiburuduma 11:8

Abraham n bɔ Nawẽnnɛ sɩra la ĩyã, tɩ a yʋʋn sakɛ a wi'a, yese wɛ'ɛsa tẽn-sɛka tɩ Nawẽnnɛ bĩŋe nõorɛ tɩ a bɔ ẽ na bɔbrɛ, dee ka mina ẽn we'esɩ zẽ'e-sɛka la.

Hiburuduma 5:9

La ẽn daan tõm Nawẽnnɛ n boorɩ se'em wuu ba'asɛ la, a lebge la sɛka tɩ nẽr-sɛba wuu n sakrɩ a nõorɛ la yẽtɩ fãarɛ n ka tarɩ ba'asgɔ a zẽ'am.

Yemesi 3:14

La, la sãn dɛna tɩ ya ɩtɩ la sũure, dee gẽela taaba, da wẽ-ya yõ'ogɔ tɩ ya de la yɛm dõma parɩm sɩ'ɩsɛ sɩra la.

Yemesi 3:16

Sũure la gẽelgɔ n boe zẽ'e-sɛka la, tõon-yooro, la tõon-be'ero buuri wuu boe la bilam.

1 Pita 3:1

Bɛla mẽ, pɔgsɩ, sakra-ya ya sɩrba, tɩ baa sɛba n ka bɔ Nawẽnnɛ yetɔga sɩra la sãn yẽ ya yel-ɩrɛ, ba wʋn sakɛ tɩ la ka doose la yetɔga,

1 Pita 4:17

Wakatɛ paagɛ mɛ tɩ Nawẽnnɛ wʋn di sarɩya, la a wʋn pɔsɛ la a mẽŋa nẽrba. La sãn dɛna tɩ a wʋn dẽŋɛ di la tõma sarɩya pɔspɔsɩ, sɛba n ka sakɛ Nawẽnnɛ kõ-yẽlga la ba'asgɔ wʋn ãna la wãne?

Lilegere 14:10

Nawẽnnɛ sũure wʋn yĩige la ẽ, tɩ a sɩbgɛ ẽ wʋ dã-ke'eŋo n ka pulum tɩ a pɩrɛ wannɛ bɔ ẽ tɩ a yũ. A wʋn nãmsɛ la kidibre n diti bugum pʋam, malɛg-sõma, la Pebila la nẽŋam.

Lilegere 16:19

Tẽŋa la n mĩim na, tẽn-kãtɛ la pãrsɛ la zẽ'esɩ batã. Tɩ dũnia so'olʋm wuu tẽnsɩ lui. Nawẽnnɛ tẽegɛ Babilɔnɩ tẽn-kãtɛ la yelle mɛ, botɩ a yũ a sũ-isgre kãtɛ n ãn wʋ dãam n boe a wannɛ pʋam na.