Aromduma 2:4 - Farefare Ninkaré

⁴ Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

ZE'ELEGO PAALEGA

⁴ Bii fum tugum ka nam la Yinɛ itesuŋɔ la n ka tari tɛka la, la a ŋmibega, la a sugeri la? Fum ka baŋɛ ti Yinɛ itesuŋɔ la dela la bahɛ ti fum tee?

Aromduma 2:4 ပူးပေါင်းရင်းမြစ်များ

Aromduma 10:12

Bɛla, welgre ka boe Zifdõma, la bu-zãŋsɩ tẽŋasʋka. Ba lagɩm tara la Zuudãana ayɩla n ɩtɩ bõn-sõma bɔ'ɔra nẽr-sɛba wuu n sosrɩ ẽ na.

Aromduma 11:22

Bɩsɛ Nawẽnnɛ n ɩtɩ sõŋa se'em, dee tɔɩ se'em. A tɔɩ mɛ la sɛba n ka sakrɩ ẽ na, dee ɩta fʋ sõŋa, fʋ sãn ken bɔna a sõŋa la pʋam. Sãn dagna bɛla, a mẽ wʋn kʋ'ʋgɛ fʋ basɛ mɛ.

Aromduma 11:33

Nawẽnnɛ yel-sõnnɛ, la a yɛm, la a bãŋrɛ la zo'oge mɛ. Nẽra ka tã wʋn bãŋɛ a pʋtẽ'erɛ. La nẽra ka tã wʋn bãŋɛ a sorɔɔrɔ tɩ a dolɩ la võorɛ.

Aromduma 3:25

Nawẽnnɛ n looge Azezi tɩ a ki, tɩ a zɩɩm yese la ĩyã, a wʋn basɛ nẽr-sɛba n bɔ ẽ sɩra la tõon-be'ero taalɛ. Bɛla Nawẽnnɛ pa'alɛ tɩ ẽŋa masɛ mɛ dɛna sɩra dãana. Kʋrʋm, Nawẽnnɛ mã'agɛ la a sũure ka sɩbgɛ nẽrsaalba ba tõon-be'ero la ĩyã.

Aromduma 6:1

Bɛla, tɩ wʋn yetɩ bẽm? Tɩ wʋn ken tõnna la tõon-be'ero tɩ Nawẽnnɛ yel-sõnnɛ pa'asɛ zo'oge bɩɩ?

Aromduma 6:15

Bɛla, tɩ wʋn yetɩ bo? Tɩ wʋn tõnna la tõon-be'ero, lɔɔ la n ka soe tõma, dee tɩ Nawẽnnɛ yel-sõnnɛ sɔna tõma la ĩyã bɩɩ? Ayɛɩ, la dagɩ bɛla.

2 Korẽntɩ 8:2

Ba yẽ toogo mɛ nãmsɛ zozo'e, la ba tarɩ sũ-yẽlga zo'oge mɛ, tɩ baa la ba nõŋɔ la n zo'oge la, ba bɔ sõŋrɛ zo'oge mɛ la ba sũure wuu.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 2:4

La Nawẽnnɛ nõŋɛ tõma zo'oge mɛ, tɩ a zoe tõma ninbãalga zozo'e.

Efɛɛzɩ 2:7

A ẽŋɛ tõma sõŋa Krisi ĩyã, tɩ a pa'alɛ la nẽrba wakatɛ n sẽm a yel-sõnnɛ n zo'oge gãŋɛ se'em.

Efɛɛzɩ 3:16

Mam sosrɩ ẽ tɩ a Sɩa bɔ ya pãŋa ya sũure pʋam zozo'e wʋ a na'am pãn-kãtɛ la n zo'oge se'em na,

Efɛɛzɩ 3:8

Mam n de nẽra n pɔ'ɔgɛ Nawẽnnɛ nẽrba la wuu pʋam, la bɛla wuu Nawẽnnɛ ẽŋɛ la mam yel-sõn-ẽŋa tɩ m mõolɛ Krisi kõ-yẽlga la bɔ bu-zãŋsɩ tɩ ba bãŋɛ bõn-sõma n zo'oge gãŋɛ tɩ nẽrba ka tãna wʋn bãŋɛ ba'asɛ la,

Filipi 4:19

Mam dãana Nawẽnnɛ n tarɩ bõn-sõma wuu tɩ la zo'oge gãŋɛ la, wʋn bɔ ya sɛla woo n wʋn sõŋɛ ya Azezi-krisi ĩyã.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

1 Timoti 1:16

La ẽn zoe mam ninbãalga la, la de la Azezi-krisi n pa'alɛ a sũ-mã'arɛ zozo'e la mam n de tõon-be'ero dãana gãnna la, tɩ la wʋn dɛna makrɛ pa'alɛ nẽr-sɛba n wʋn wa bɔ ẽ sɩra la, tɩ a wʋn ẽŋɛ a sũ-mã'asʋm la ba, dee bɔ ba vɔm n ka ba'asrɩ.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

1 Pita 3:20

Sɩɩsɩ bãma de la nẽr-sɛba n yʋʋn ka sakɛ Nawẽnnɛ nõorɛ Anoe wakatɛ la. Nawẽnnɛ yʋʋn mã'agɛ la a sũure gu'ura, wakat-sɛka tɩ Anoe yʋʋn mãalɩ õorŋɔ la, õorŋɔ ẽŋa pʋam tɩ nẽrba fẽe, banii mã'a kẽ mĩ põsɛ ko'om na pʋam yẽ fãarɛ.

2 Pita 1:11

La de la bɛla tɩ ya wʋn yẽ sore sõŋa kẽ Azezi-krisi n de tɩ Zuudãana, la tɩ Fãagra la so'olʋm n boe wakatɛ n ka ba'asrɩ la pʋam.

2 Pita 3:15

Bãŋɛ-ya tɩ Zuudãana la n mã'agɛ a sũure gu'ura la, a boorɩ tɩ ya yẽ la fãarɛ. La de la bɛla mẽ tɩ tɩ sɔbi-nõŋrɛ Apolɩ daan dɩkɛ yɛm sɛka tɩ Nawẽnnɛ bɔ ẽ na gʋlsɛ bɔ ya.

2 Pita 3:3

Sɛla n gãnnɩ de la ya bãŋɛ tɩ dũnia ba'asgɔ wakatɛ, nẽrba n la'arɩ nẽrba n wʋn wa wa'am, wa vɔa vɔm sɛka n de be'em tɩ ba mẽŋa boorɩ. Ba wʋn la'ara ya,

2 Pita 3:9

Zuudãana la n bĩŋe a nõorɛ tɩ a ẽŋɛ sɛla la, la ka yuuri tɩ a kãn ẽŋɛ wʋ nẽrba basɛba n tẽ'esrɩ se'em na. A mã'agɛ la a sũure la ya, a ka boorɩ tɩ nẽra nẽra sã'am, a boorɩ tɩ nẽra woo n teege yɛm basɛ tõon-be'ero.

Lilegere 2:21

Mam bɔ ẽ na wakatɛ tɩ a teege yɛm basɛ tõon-be'ero, la a ka boorɩ tɩ a teege yɛm basɛ a yalsɩ tõoma la.

Lilegere 3:20

Bɩsɛ-ya, mam ze la kʋlɩŋa nõorʋm wẽ'era, nẽr-sɛka n wõm mam kõa yo'oge kʋlɩŋa bɔ mam, mam wʋn kẽ a zẽ'am lagɩm na ẽ di, tɩ a mẽ lagɩm na mam di.