Aromduma 2:29 - Farefare Ninkaré

²⁹ Zifu sɩra sɩra de la sɛka n de Zifu a sũure pʋam. Wãaga sɩra sɩra de la Nawẽnnɛ Sɩa n ɩtɩ sũure pʋam, la dagɩ wãaga wʋ lɔɔ n gʋlsɛ se'em na. Nawẽnnɛ n pẽgrɩ nẽr-ẽŋa, la dagɩ nẽrsaalba.

ZE'ELEGO PAALEGA

²⁹ Gee yelemɛŋerɛ se'em n de Yuda buuri paaɛ paaɛ dela puan ha. Ŋmaa yelemɛŋerɛ dela suure puan. La dela Sia puan, dagi inganɛ. Nɛre-ina taaba ka to'ore pɛka nɛreba zi'an, gee Yinɛ mɛŋa zi'an.

Aromduma 2:29 ပူးပေါင်းရင်းမြစ်များ

Aluki 11:39

Tɩ Zuudãana Azezi yele ẽ yetɩ: «Yãma Farisi dõma peerɩ ya wama la ya laasɩ pɔa mɛ, la yãma mẽŋa pʋam pɩrɛ la dẽgrɔ n de fãaga la pʋtʋʋlgɔ.

Aluki 17:21

La nẽra kãn yetɩ: ‹Bɩsɛ-ya, a boe la kalam›, bɩɩ ‹a boe la ke›. Bãŋɛ-ya tɩ Nawẽnnɛ boe la ya tẽŋasʋka dita na'am.»

Azã 12:43

Ba daan nõŋɛ la nẽrsaalba pẽka gãnna Nawẽnnɛ pẽka.

Azã 4:23

La wakatɛ sẽna, la a paam mɛ, tɩ sɛba n pʋ'ʋsrɩ Nawẽnnɛ sɩra sɩra la, wʋn pʋ'ʋsɛ ẽ la a Sɩa pãŋa, la sɩra. Tɩ Sɔ Nawẽnnɛ n boorɩ tɩ ba pʋ'ʋsra ẽ se'em n bɛla.

Azã 5:44

Yãma to'osrɩ la pẽka taaba zẽ'am, dee ka ɛɛra pẽka n ze'etɩ Nawẽnnɛ ayɩla mã'a zẽ'am. Yãma wʋn ẽŋɛ la wãne bɔ mam sɩra?

Aromduma 14:17

Bẽm ĩyã, Nawẽnnɛ so'olʋm na dagɩ dia, la bõn-yũula yelle, la de la sɛla n masɛ, la sũ-mã'asʋm, la sũ-yẽlga tɩ Nawẽnnɛ Sɩa bɔ'ɔrɩ.

Aromduma 2:27

Nẽr-sɛka n ka wã, dee sakɛ ɩta lɔɔ la n yele se'em na, wʋn zɛrgɛ fʋ mɛ fõn tarɩ lɔɔ gõŋɔ la, wã dee sɩ'ɩsra lɔɔ la.

Aromduma 3:1

La sãn dɛna bɛla, Zifdõma tarɩ zu-yẽlga la bẽm pʋam gãnna sɛba n dagɩ Zifdõma, la wãaga la yõorɔ de la bẽm?

Aromduma 7:6

La lɛɛlɛ wã, tõma to'oge tɩ mẽŋa lɔɔ la zẽ'am mɛ. Se'ere n soe la, tõma lebge la kũm lɔɔ la zẽ'am, a daan tarɩ tõma wʋ tõma boe la yʋ'a deego pʋam na. Bɛla lɛɛlɛ wã, tõma dolɩ la so-paalɛ tɩ Nawẽnnɛ Sɩa pa'alɛ tɔ, tõnna bɔ'ɔra Nawẽnnɛ, la ka le dɛna lɔɔ kɛka n gʋlsɛ la tɩ tõma dolɩ.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

1 Korẽntɩ 7:19

Sɛka n wã, bɩɩ sɛka n ka wã, ba wuu ka tarɩ yõorɔ. Sɛla n tarɩ yõorɔ de la Nawẽnnɛ nõorɛ sakrɛ.

2 Korẽntɩ 10:18

Se'ere n soe la, la dagɩ nẽr-sɛka n pa'alɩ a mẽŋa tɩ ẽŋa ãn sõŋa la n masɛ, la de la nẽr-sɛka tɩ Zuudãana Nawẽnnɛ yetɩ a ãn sõŋa la.

2 Korẽntɩ 3:6

La de la ẽŋa n botɩ tõma tã'agɛ dɛna a nõor-bĩŋre paalga la tõntõnɩba. La dagɩ lɔɔ n gʋlsɛ, la de la Nawẽnnɛ Sɩa. Lan de se'em na, lɔɔ n gʋlsɛ la sẽm na kũm, la Nawẽnnɛ Sɩa la bɔ'ɔrɩ la vɔm.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

1 Tesaloniki 2:4

La de la Nawẽnnɛ n bɩsɛ tɩ tõma masɛ tɩ a dɩkɛ a kõ-yẽlga la ẽŋɛ tõma nu'usum. Bɛla, tõma ka mõolɩ tɩ la ẽŋɛ nẽrsaalba sũure yẽlʋm, tõma mõolɩ tɩ la ẽŋɛ la Nawẽnnɛ n vẽesrɩ mina tɩ pʋtẽ'erɛ n ãn se'em na sũure yẽlʋm.

1 Pita 3:4

Basɛ-ya tɩ ya sõŋa la dɛna sũure pʋam sõŋa n de sũ-bʋgsʋm la sũ-mã'asʋm. Sõŋa ẽna n ka sã'anɩ dee tara yõorɔ zozo'e Nawẽnnɛ nifum.