Aromduma 2:13 - Farefare Ninkaré

¹³ La dagɩ sɛba n selsrɩ lɔɔ la n masɛ Nawẽnnɛ zẽ'am, la de la sɛba n sakɛ ɩtɩ wʋ lɔɔ la n yele se'em na n masɛ.

ZE'ELEGO PAALEGA

¹³ La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

Aromduma 2:13 ပူးပေါင်းရင်းမြစ်များ

Aluki 18:14

Azezi yele bɛla dee yetɩ: «Mam yetɩ ya mɛ tɩ bʋra-ẽna wã n kule la, a yelle masɛ mɛ Nawẽnnɛ zẽ'am, dee tɩ Farisi nẽra la yelle ka masɛ. Se'ere n soe la, nẽr-sɛka woo n zẽkrɩ a mẽŋa, Nawẽnnɛ wʋn sike ẽ mɛ, la nẽr-sɛka n sikri a mẽŋa, Nawẽnnɛ wʋn zẽkɛ ẽ.»

Aluki 8:21

Tɩ a lerge ba yetɩ: «Nẽr-sɛba wuu n wõnnɩ Nawẽnnɛ yetɔga, dee sakɛ ɩta lan yele se'em na, n de mam ma, la mam yɩbsɩ.»

Azã 13:17

Yan mi bõn-bãma la, ya sãn ẽŋɛ bɛla, ya de la zu-yẽlʋm dõma.

Tõoma 13:39

la nẽr-sɛka woo n bɔ Azezi sɩra, a yelle masɛ Nawẽnnɛ zẽ'am mɛ.

Aromduma 10:5

Amoyisi yʋʋn gʋlsɛ tɔgɛ nẽra n wʋn ẽŋɛ se'em tɩ lɔɔ la botɩ a masɛ Nawẽnnɛ zẽ'am yelle, yetɩ: «Nẽr-sɛka n sakɛ lɔɔ la n yetɩ se'em na, wʋn vɔa, ẽn sakɛ lɔɔ la ĩyã.»

Aromduma 2:25

Fʋ sãn sakra lɔɔ la, wãaga la tarɩ yõorɔ mɛ. La fʋ sãn sɩ'ɩsɛ lɔɔ la, la de la zãŋa, la ãn wʋ fʋ ka wã mɛ na.

Aromduma 3:20

Se'ere n soe la, nẽra ka boe n tã wʋn sakɛ lɔɔ la n yele se'em na, masɛ Nawẽnnɛ zẽ'am. Lɔɔ la wen botɩ nẽra bãŋra mɛ tɩ a de la tõon-be'ero dãana.

Aromduma 3:23

Se'ere n soe la, nẽrsaalba wuu tõm na tõon-be'ero koŋe Nawẽnnɛ nã'asgɔ.

Aromduma 3:30

Nawẽnnɛ de la ayɩla, a wʋn botɩ Zifdõma masɛ a zẽ'am, ban bɔ sɩra ĩyã, dee botɩ sɛba n dagɩ Zifdõma la mẽ masɛ a zẽ'am, ban bɔ sɩra ĩyã.

1 Korẽntɩ 4:4

Mam mi m sũure pʋam tɩ mam ka ẽŋɛ sɛla n ka ãn sõŋa, la, la dagɩ bɛla n pa'alɛ tɩ mam masɛ ya. La de la Zuudãana n diti mam sarɩya.

Galatɩ 2:16

La tõma mi mɛ tɩ la dagɩ nẽra n dolɩ lɔɔ la n yetɩ se'em na ĩyã, n wʋn basɛ tɩ a masɛ Nawẽnnɛ zẽ'am, la de la nẽra n bɔ Azezi-krisi sɩra mã'a tɩ Nawẽnnɛ wʋn basɛ tɩ a masɛ a zẽ'am. Tõma mẽ bɔ la Azezi-krisi sɩra, tɩ Nawẽnnɛ basɛ tɩ tɩ masɛ a zẽ'am, tõma n bɔ Azezi-krisi sɩra la ĩyã, dee dagɩ tõma n dolɩ lɔɔ la n yele se'em na ĩyã. Nẽra nẽra ka tã wʋn masɛ Nawẽnnɛ zẽ'am, ẽn dolɩ lɔɔ la n yele se'em na ĩyã.

Galatɩ 5:4

Yãma sɛba n te'ege lɔɔ la ɛɛra tɩ ya masɛ Nawẽnnɛ nẽŋam na, ya welge ya mẽŋa mɛ la Krisi, ya koŋe Nawẽnnɛ yel-sõnnɛ mɛ.

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

1 Zã 2:29

Yãma mi tɩ Krisi de la sɛka n masɛ, bɛla, bãŋɛ-ya tɩ nẽr-sɛka n mẽ ɩtɩ sɛla n masɛ de la Nawẽnnɛ bia.

1 Zã 3:7

M kɔma, da basɛ-ya tɩ nẽra pã'asɛ ya. Sɛka n ɩtɩ sɛla n masɛ, de la nẽra n masɛ, wʋ Azezi mẽŋa n masɛ se'em na.