Aromduma 2:12 - Farefare Ninkaré

¹² Nẽr-sɛba n ka bãŋɛ Amoyisi lɔɔ la dee tõnna tõon-be'ero, ba wʋn sã'am ba tõon-be'ero la ĩyã tɩ la ka doose la lɔɔ la. La Zifdõma n tarɩ Amoyisi lɔɔ la dee tõnna tõon-be'ero la, Nawẽnnɛ wʋn dɩkɛ la lɔɔ la di ba sarɩya.

ZE'ELEGO PAALEGA

¹² Sɛba woo en tum be'em gee ka mina ze'elego la, ba wan bɔregɛ ti ze'elego la ka pa'ahɛ, ti sɛba woo me en tum be'em gee mina ze'elego la, ba wan gakɛ ba mɛ la ze'elego.

Aromduma 2:12 ပူးပေါင်းရင်းမြစ်များ

Amatie 11:22

Bɛla ĩyã tɩ mam yɛta ya tɩ sarɩyadia daarɛ, la wʋn dɛna toogo bɔ yãma gãnna Tiiri, la Sidõ dõma.

Amatie 11:24

La mam yetɩ ya tɩ sarɩyadia daarɛ, Sodom dõma kãn yẽ toogo paagɛ yãma.»

Azã 19:11

Tɩ Azezi lerge ẽ yetɩ: «Nõorɛ la sãn ka ze'ele nɩ saazuum, fʋ ka tarɩ nɩ nõorɛ wʋn ẽŋɛ mam sɛla. Bɛla n soe tɩ sɛka n tarɩ mam wa'am wa bɔ fʋ la, tõm tõon-be'ego gãnna fõn.»

Tõoma 2:23

Nawẽnnɛ n yʋʋn põn tẽ'esɛ bɔɔra tɩ a ẽŋɛ se'em na ĩyã, tɩ a dɩkɛ Azezi ẽŋɛ ya nu'usum, tɩ ya botɩ nẽr-sɛba n ka dolɩ Nawẽnnɛ lɔɔ la yõkɛ ẽ tarɩ ka ka lablɛ dɔ-puurŋa zuo kʋ.

Aromduma 1:32

Ba mi tɩ Nawẽnnɛ yetɩ nẽr-sɛba n ɩtɩ bɛla la masɛ la kũm, la baa bɛla ba ken ɩta la bõn-bãma, dee yetɩ nẽr-sɛba n ɩtɩ bɛla la ɩtɩ sõŋa mɛ.

Aromduma 4:15

Lɔɔ la sɩ'ɩsgɔ botɩ Nawẽnnɛ sũure n isgra. La zẽ'e-sɛka tɩ lɔɔ la ka boe, sɩ'ɩsgɔ mẽ ka boe.

Aromduma 8:3

Lɔɔ la ka tã wʋn fãagɛ nẽrsaalba basɛ, se'ere n soe la, nẽrsaalba ɩtɩ la ba mẽŋa n boorɩ se'em botɩ a ka tarɩ pãŋa. La sɛla tɩ lɔɔ la ka tã'agɛ ẽŋɛ la, Nawẽnnɛ ẽŋɛ mɛ. A tõm na a mẽŋa Dayʋa, tɩ a lebge nẽrsaala ãna wʋ nẽrsaalba n de tõon-be'ero dõma, tɩ a ki yese tõon-be'ero. A kũm na pʋam tɩ Nawẽnnɛ di tõon-be'ero sarɩya sã'am a pãŋa nẽrsaalba pʋam.

1 Korẽntɩ 9:21

La mam sãn bɔna nẽr-sɛba n ka dolɩ lɔɔ la zẽ'am, mam vɔa wʋ nẽr-sɛba n ka dolɩ lɔɔ la, tɩ m botɩ ba doose Azezi. La bɛla ka pa'alɛ tɩ mam ka dolɩ Nawẽnnɛ lɔɔ la. Mam dolɩ la Krisi lɔɔ.

Galatɩ 3:10

Nẽr-sɛba n te'ege lɔɔ la, kã'a-be'ero boe ba zuto, se'ere n soe la, la gʋlsɛ yetɩ: «Kã'a-be'ego boe nẽr-sɛka woo n ka ɩtɩ wʋ lan gʋlsɛ se'em wuu Nawẽnnɛ lɔɔ gõŋɔ pʋam na zuugo.»

Galatɩ 3:22

La Nawẽnnɛ gõŋɔ la yetɩ, dũnia dõma wuu boe la tõon-be'ero nu'usum. La de la bɛla tɩ sɛba n bɔ Azezi-krisi sɩra la wʋn to'oge sɛla tɩ Nawẽnnɛ bĩŋe nõorɛ tɩ a bɔ ba, ban bɔ Azezi-krisi sɩra la ĩyã.

Yemesi 2:10

Nẽr-sɛka sãn sakɛ lɔɔ la wuu, dee sɩ'ɩsɛ ayɩla tõm tõon-be'ego, a sɩ'ɩsɛ la ba wuu.