Aromduma 15:6 - Farefare Ninkaré

⁶ Tɩ ya wuu wʋn tara nõorɛ ayɩla, la yɛm ayɩla nã'asra Nawẽnnɛ n de tɩ Zuudãana Azezi-krisi Sɔ la.

ZE'ELEGO PAALEGA

⁶ bala ti ya wan naaɛ taaba la putɛ'yinɛ la kɔyiŋa, pɛgera Yinɛ en de tu Daana Yezu Kiresta Sɔ la.

Aromduma 15:6 ပူးပေါင်းရင်းမြစ်များ

Azã 20:17

Tɩ Azezi yele ẽ yetɩ: «Da kalʋm ma, mam nãn ka zom m Sɔ la zẽ'am. Sẽŋɛ m sɔbiisi la zẽ'am ka yele ba yetɩ: ‹Mam zonnɩ na mam Sɔ Nawẽnnɛ n de yãma Sɔ, la yãma Nawẽnnɛ na zẽ'am.› »

Tõoma 4:24

La ban wõm bɛla la, tɩ ba naagɛ taaba pʋ'ʋsɛ Nawẽnnɛ la yɛm ayɩla yetɩ: «Zuudãana, fõn nãam saazuum la tẽŋa, la ko-kãtɛ, la bõn-sɛba wuu n boe ba pʋam na.

Tõoma 4:32

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

2 Korẽntɩ 1:3

Tɩ pẽgɛ-ya Nawẽnnɛ n de tɩ Zuudãana Azezi-krisi Sɔ la. Ẽŋa n de Sɔ n zotɩ ninbãalga, la ẽŋa n de Nawẽnnɛ n sõŋrɩ nẽrba bɔ'ɔra ba bʋraanɛ sɛla woo pʋam.

2 Korẽntɩ 11:31

Nawẽnnɛ n de tɩ Zuudãana Azezi Sɔ n soe pẽka wakatɛ n ka ba'asrɩ la, mi mɛ tɩ mam ka parnɩ.

Efɛɛzɩ 1:17

Mam sosrɩ la tɩ Zuudãana Azezi-krisi Sɔ n de Nawẽnnɛ n tarɩ na'am pãŋa la, tɩ a bɔ ya a yɛm Sɩa tɩ a vẽlgɛ ya yɛm, tɩ ya bãŋɛ ẽn ãn se'em.

Efɛɛzɩ 1:3

Tɩ pẽgɛ Nawẽnnɛ n de tɩ Zuudãana Azezi-krisi Sɔ la, ẽŋa n bɔ tɔ a Sɩa yel-sõnnɛ wuu n ze'ele saazuum, tõma n lagɩm na Krisi dɛna ayɩla la ĩyã.

Kolɔsɩ 1:3

Tõma pʋ'ʋsrɩ Nawẽnnɛ n de tɩ Zuudãana Azezi-krisi Sɔ a yel-sõnnɛ mɛ, tõma pʋ'ʋsrɩ ẽ mɛ yãma ĩyã wakatɛ wuu.

1 Pita 1:3

Tɩ pʋ'ʋsɛ-ya Nawẽnnɛ n de tɩ Zuudãana Azezi-krisi Sɔ la a yel-sõnnɛ. A ninbãal-zʋa n zo'oge la ĩyã tɩ a botɩ tɩ yẽ vɔm paalga, Azezi-krisi n ki dee vo'oge la ĩyã. Bɛla tɩ tɩ tara pʋtẽ'erɛ wakatɛ wuu gu'ura sɛla tɩ tɩ bɔ sɩra la,

Lilegere 1:6

botɩ tõma dɛna a so'olʋm kãabgɔ kẽma tõnna bɔ'ɔra Nawẽnnɛ n de a Sɔ la. Ẽŋa n soe nã'asgɔ, la pãŋa wakatɛ n ka ba'asrɩ. Amina.