Aromduma 15:5 - Farefare Ninkaré

⁵ Nawẽnnɛ n bɔ'ɔrɩ sũ-mã'arɛ, la bʋraanɛ la wʋn botɩ ya tara pʋtẽ'erɛ ayɩla la taaba wʋ Azezi-krisi n boorɩ se'em na.

ZE'ELEGO PAALEGA

⁵ Yinɛ se'ere en bo'ori sɛ ze'ele kankaŋi la kpemehego la, iŋɛ ti ya bɔna la suyinɛ la taaba, wuu Kiresta Yezu en boti se'em la,

Aromduma 15:5 ပူးပေါင်းရင်းမြစ်များ

Tõoma 4:32

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

Aromduma 12:16

Tara-ya pʋtẽ'erɛ ayɩla la taaba. Da dɛna-ya pa'al-m-mẽŋa dõma, sakra-ya lagna la tarɩmdõma. Da bɩsra ya mẽŋa tɩ yãma de la yɛm dõma.

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 15:3

Azezi-krisi ka ɛ sɛla n ãn a mẽŋa sũure yẽlʋm, wʋ lan gʋlsɛ Nawẽnnɛ gõŋɔ pʋam yetɩ: «Tʋʋrɛ sɛba tɩ ba tʋʋrɩ Nawẽnnɛ na, sige la mam zuo.»

1 Korẽntɩ 1:10

M sɔbiisi, mam sosrɩ ya la tɩ Zuudãana Azezi-krisi yʋ'ʋrɛ tɩ ya wuu sakra taaba nõorɛ, tɩ welgre da bɔna ya tẽŋasʋka. Ẽŋɛ-ya nõorɛ ayɩla, tara pʋtẽ'erɛ ayɩla la taaba.

2 Korẽntɩ 13:11

Sɛla n deege, m sɔbiisi, tara-ya sũ-yẽlga, mõrgɛ-ya tõm masɛ sɛla woo pʋam, bɔ'ɔra-ya taaba bʋraanɛ, tara-ya nõorɛ ayɩla la taaba, vɔa-ya la sũ-mã'asʋm la taaba, tɩ Nawẽnnɛ n de nõŋlʋm, la sũ-mã'asʋm dãana la wʋn bɔna la ya lɛ.

2 Korẽntɩ 7:6

La Nawẽnnɛ n bɔ'ɔrɩ sũ-sã'aŋɔ dõma bʋraanɛ na, daan botɩ Atiti n wa'am tɩ tõma yẽ bʋraanɛ.

Efɛɛzɩ 5:2

Ɩta-ya sɛla woo la nõŋlʋm wʋ Krisi n nõŋɛ tɩ se'em dɩkɛ a vɔm bɔ tõma ĩyã, tɩ la ãna wʋ kãabgɔ n tarɩ yũuŋ-sõŋɔ paara Nawẽnnɛ yɛm na.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Filipi 2:2

Lan de bɛla la, lagɩm-ya taaba la nõorɛ ayɩla tara nõŋlʋm, la yɛm ayɩla, la pʋtẽ'erɛ ayɩla, bɛla tɩ mam sũ-yẽlga wʋn zo'oge gãŋɛ.

Filipi 3:16

La, lan de se'em wuu, tõma n sẽŋɛ paagɛ zẽ'e-sɛka wã, tɩ ken sẽnna wɛ'ɛsa zẽ'e-sɛka tɩ tɩ we'esɩ la.

Filipi 4:2

Mam belnɩ A'evodi, la Asẽntiisi tɩ ba tara nõorɛ ayɩla Zuudãana doosgo la pʋam.

1 Pita 3:20

Sɩɩsɩ bãma de la nẽr-sɛba n yʋʋn ka sakɛ Nawẽnnɛ nõorɛ Anoe wakatɛ la. Nawẽnnɛ yʋʋn mã'agɛ la a sũure gu'ura, wakat-sɛka tɩ Anoe yʋʋn mãalɩ õorŋɔ la, õorŋɔ ẽŋa pʋam tɩ nẽrba fẽe, banii mã'a kẽ mĩ põsɛ ko'om na pʋam yẽ fãarɛ.

1 Pita 3:8

Ba'asgɔ pʋam, mam yetɩ ya wuu tɩ ya tara pʋtẽ'erɛ ayɩla, la taaba zĩile, la sɔbiisi nõŋrɛ, la ninbãal-zʋa, la sik-m-mẽŋa.

2 Pita 3:15

Bãŋɛ-ya tɩ Zuudãana la n mã'agɛ a sũure gu'ura la, a boorɩ tɩ ya yẽ la fãarɛ. La de la bɛla mẽ tɩ tɩ sɔbi-nõŋrɛ Apolɩ daan dɩkɛ yɛm sɛka tɩ Nawẽnnɛ bɔ ẽ na gʋlsɛ bɔ ya.

2 Pita 3:9

Zuudãana la n bĩŋe a nõorɛ tɩ a ẽŋɛ sɛla la, la ka yuuri tɩ a kãn ẽŋɛ wʋ nẽrba basɛba n tẽ'esrɩ se'em na. A mã'agɛ la a sũure la ya, a ka boorɩ tɩ nẽra nẽra sã'am, a boorɩ tɩ nẽra woo n teege yɛm basɛ tõon-be'ero.