Aromduma 15:2 - Farefare Ninkaré

² Dẽnɩ tɩ tõma nẽra woo ɛɛra sɛla n wʋn ẽŋɛ a tadãana yẽlʋm, tɩ la sõŋɛ ẽ tɩ a sẽŋɛ nẽŋa Nawẽnnɛ doosgo pʋam.

ZE'ELEGO PAALEGA

² Tu ayima ayima dela tu tigera tu suurɔ nini, tu putɛ'sunɛ en de tu mɛ tu mabia la zuo.

Aromduma 15:2 ပူးပေါင်းရင်းမြစ်များ

Aromduma 14:19

Bɛla, tɩ ɩta-ya bõn-sɛba wuu n sẽm na sũ-mã'asʋm, dee sõŋra nẽrba basɛba tɩ tɩ wuu lagɩm sẽnna nẽŋa Nawẽnnɛ doosgo pʋam.

1 Korẽntɩ 10:23

Yãma nẽrba basɛba yetɩ: «Sore boe mɛ tɩ tɩ ẽŋɛ sɛla woo.» Asɩra, la, la dagɩ sɛla woo n tarɩ yõorɔ. Ba yetɩ: «Sore boe mɛ tɩ tɩ ẽŋɛ sɛla woo.» La, la dagɩ sɛla woo n sõŋrɩ.

1 Korẽntɩ 10:24

Nẽra nẽra da ɛɛra a mẽŋa sõŋrɛ mã'a, ɛɛra-ya taaba sõŋrɛ.

1 Korẽntɩ 10:33

Ɩta-ya wʋ mam n ɩtɩ se'em na. Mam mõrgrɩ mɛ tɩ m ẽŋɛ sɛla n ãn nẽra woo sũure yẽlʋm sɛla woo pʋam, mam ka eerɩ m mẽŋa sõŋrɛ, mam eerɩ la nẽrba zozo'e sõŋrɛ, tɩ ba tã'agɛ yẽ fãarɛ.

1 Korẽntɩ 13:5

Sɛka n tarɩ nõŋlʋm ka ɩtɩ sɛla n ka masɛ, a ka eerɩ a mẽŋa sõŋrɛ mã'a, a sũure ka isgri, nẽra sãn ẽŋɛ ẽ be'em, a ka tẽrɩ ẽ a sũure pʋam.

1 Korẽntɩ 14:26

Bɛla, m sɔbiisi, tɩ wʋn ẽŋɛ la wãne? Ya sãn lagsɛ taaba tɩ ya pʋ'ʋsɛ Nawẽnnɛ, ya nẽra ayɩla tã wʋn pʋrɛ yõonɛ, tɩ ayẽma zãsʋm, tɩ ayẽma pa'alɛ bõn-sɛka tɩ Nawẽnnɛ puke pa'alɛ ẽ, tɩ ayẽma tɔgɛ yetɔg-zãŋka, tɩ ayẽma tɔgɛ yetɔg-zãŋka la võorɛ pa'alɛ nẽrba. Ɩta-ya bɛla wuu tɩ la sõŋɛ Nawẽnnɛ nẽrba tɩ ba sẽŋɛ nẽŋa Nawẽnnɛ doosgo pʋam.

1 Korẽntɩ 14:3

La sɛka n to'osrɩ Nawẽnnɛ yetɔga tɔgra bɔ'ɔra nẽrba, ẽŋa tɔgrɩ sõŋra la nẽrba, botɩ ba sẽnna nẽŋa Nawẽnnɛ sore doosgo la pʋam, dee kã'ana ba, bɔ'ɔra ba bʋraanɛ.

2 Korẽntɩ 12:19

Yãma tẽ'esɛ tɩ tõma n tɔgrɩ bɛla wuu la, tõma eerɩ la bʋʋrɔ yãma zẽ'am bɩɩ? Ayɛɩ. Tõma tɔgrɩ la Nawẽnnɛ nẽŋam, Krisi doosgo pʋam. Tɩ sɔbi-nõŋrɩsɩ, tõma tɔgrɩ bɛla wuu tɩ la sõŋɛ la yãma, tɩ ya sẽŋɛ nẽŋa Nawẽnnɛ doosgo pʋam.

2 Korẽntɩ 13:9

Tõma sãn bɔna tɔrgɔ pʋam dee tɩ yãma tara pãŋa, tõma tarɩ sũ-yẽlga mɛ. La tõma n sosrɩ Nawẽnnɛ sɛla tɩ pʋ'ʋsgɔ pʋam, de la ya vɔm wuu wʋn masɛ ãna sõŋa.

Efɛɛzɩ 4:12

A ẽŋɛ bɛla tɩ ba mãasʋm na Nawẽnnɛ nẽrba tɩ ba tõnna Nawẽnnɛ tõoma, tɩ Krisi nẽrba n de a ĩyã la bɩta dee pa'asra,

Efɛɛzɩ 4:29

Da basɛ-ya tɩ yetɔg-be'ero yese ya nõorʋm, tɔgra-ya yetɔg-sõma n bɔ'ɔrɩ nẽrba bʋraanɛ, tɩ la sõŋra nẽr-sɛba n selsrɩ la, dee ɩta ba sõŋa.