Aromduma 14:8 - Farefare Ninkaré

⁸ Tõma sãn vɔa, tɩ vɔa la Zuudãana ĩyã. La tɩ sãn ki, tɩ ki la Zuudãana ĩyã. Bɛla, tɩ sãn vɔa mɛ, bɩɩ tɩ sãn ki mɛ, tɩ de la Zuudãana la nẽrba.

ZE'ELEGO PAALEGA

⁸ Tu han vɔna, tu vɔi bo' la Daana la, tu han le ki mɛ, tu dela Daana la dinɛ. Bala, tu vɔi mɛ, bii tu ki mɛ, tu dela Daana la dinɛ.

Aromduma 14:8 ပူးပေါင်းရင်းမြစ်များ

Aluki 20:38

Bɛla pa'alɛ tɩ bãma vɔa mɛ, se'ere n soe la, Zuudãana Nawẽnnɛ dagɩ sɛba n ki Nawẽnnɛ, a de la nẽr-sɛba n vɔa Nawẽnnɛ. Nawẽnnɛ zẽ'am nẽrba la wuu vɔa mɛ, baa la sɛba n ki la.»

Azã 21:19

Azezi daan yele bɛla pa'alɛ la kũm sɛka buuri tɩ Apɩyɛɛrɩ wʋn ki tɩ la nã'asɛ Nawẽnnɛ. La ẽn yele bɛla la, a yele ẽ yetɩ: «Dɔla mam!»

Tõoma 13:36

Wakat-sɛka tɩ Adavidi yʋʋn vɔa la, a tõm Nawẽnnɛ yɛm n boorɩ se'em mɛ, dee ki tɩ ba laagɛ ẽ a yaabdõma yɔɔm, tɩ a ĩyã põ'ogɛ.

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Tõoma 21:13

Tɩ a lerge tõma yetɩ: «Bẽm tɩ ya kaasrɩ sã'ana m sũure? Mam sakɛ mɛ tɩ ba lʋ ma, la dagɩ bɛla mã'a, baa mam sãn wʋn ki Zerizalɛm Zuudãana Azezi yʋ'ʋrɛ ĩyã, mam ken sakɛ mɛ.»

1 Korẽntɩ 15:23

La nẽra woo tarɩ la a wakatɛ, pɔspɔsɩ de la Krisi n vo'oge, la a lemŋo daarɛ, sɛba n de a nẽrba la wʋn vo'oge mɛ.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Filipi 2:17

Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

Filipi 2:30

Se'ere n soe la, a daan deege la a ki Krisi tõoma ĩyã, a põsɛ a yõorɛ mɛ sõŋɛ mam la sõŋrɛ sɛka tɩ yãma ka tã'agɛ sõŋɛ mam na.

1 Tesaloniki 5:10

Ẽŋa n ki tɩ ĩyã, tɩ a lemŋo daarɛ, tɩ sãn vɔa mɛ bɩɩ tɩ sãn ki mɛ, tɩ wʋn bɔna la ẽ lɛ.

Lilegere 14:13

Tɩ mam wõm kõa n ze'ele saazuum yele mam yetɩ: «Gʋlsɛ yetɩ: ‹Lan pɔsɛ lɛɛlɛ wã, nẽr-sɛba n kiiri Zuudãana doosgo pʋam na tarɩ zu-yẽlga.› Tɩ Nawẽnnɛ Sɩa yetɩ: ‹La de la sɩra, ba wʋn vo'ose la ba tõon-tooro, ba tõon-sõma la dolɩ ba mɛ.› »