Aromduma 13:7 - Farefare Ninkaré

⁷ Bɔ-ya nẽra woo sɛla n de ya bɔ ẽ. Yɔ-ya lampo bɔ sɛka n de a to'oge lampo, yɔ-ya sɛla woo n de ya yɔ bɔ sɛka n de a to'oge. Zɔta-ya sɛka n de ya zɔta, la ya nã'asra sɛka n de ya nã'asra.

ZE'ELEGO PAALEGA

⁷ Yɔ ya sɛla woo en de ba dinɛ bo' ba.Yɔ ya kuba bo' se'em en de a to'e kuba, gee yɔ ya lɔgeseto woo en de ya yɔ tu kuba la, bo' se'em en to'ohe kuba aŋa la, nane ya sɛba en nari ba nana, ti na'ahegɔ bɔ'ɔra se'em en de ya na'aha.

Aromduma 13:7 ပူးပေါင်းရင်းမြစ်များ

Amatie 17:25

Tɩ a lerge yetɩ: «Ẽe, a yɔɔra.» Tɩ Apɩyɛɛrɩ kule yire, tɩ Azezi dẽŋɛ soke ẽ yetɩ: «Asimõ, fõn tẽ'esrɩ tɩ dũnia wã na'adõma to'osrɩ ba lampo la ãndõma zẽ'am? Tẽŋa dõma zẽ'am bɩɩ, sɛba n de sãama la zẽ'am?»

Amatie 22:21

Tɩ ba lerge yetɩ: «La de la Rom na-keko la.» Tɩ Azezi yele ba yetɩ: «La sãn dɛna bɛla, bɔ-ya na-keko la ẽŋa n soe bõn-sɛka, dee bɔ Nawẽnnɛ ẽn soe bõn-sɛka.»

Amarkɩ 12:17

Tɩ Azezi yele ba yetɩ: «Bɔ-ya na-keko la ẽŋa n soe bõn-sɛka, dee bɔ Nawẽnnɛ ẽn soe bõn-sɛka.» Tɩ Azezi yetɔga la di'ige ba.

Aluki 20:22

Bɛla, lɔɔ la bɔ sore tɩ tɩ yɔ lampo bɔ Rom na-keko bɩɩ, a ka bɔ sore?»

Aluki 20:25

Tɩ Azezi yele ba yetɩ: «Bɔ-ya na-keko la ẽŋa n soe bõn-sɛka, dee mẽ bɔ Nawẽnnɛ ẽŋa n soe bõn-sɛka.»

Aluki 23:2

ka dõrɛ ẽ yetɩ: «Tõma yẽ bʋra-ẽna tɩ a boe mĩ dãmna la tɩ tẽŋa wã dee yetɩ ba da yɔɔra lampo bɔ'ɔra Rom na-keko, dee ken yetɩ ẽŋa de la Krisi, ẽŋa de la naba.»

Aromduma 12:10

Nõŋɛ-ya taaba sɔbiisi nõŋlʋm. La ya nanna taaba, tẽ'esra taaba yelle.

Aromduma 13:6

La ken dɛna la bõn-ẽŋa ĩyã tɩ ya yɔɔra lampo. Sɛba n to'osrɩ lampo la, la de la Nawẽnnɛ n bɔ ba tõon-ẽŋa tɩ ba tõnna sõŋa.

Efɛɛzɩ 5:33

La, la sãn dɛna yãma, nẽra woo nõŋɛ a pɔga wʋ a mẽŋa. Tɩ pɔka woo mẽ nanna a sɩra.

Efɛɛzɩ 6:5

Yamsɩ, sakra-ya sɛba n soe ya dũnia zuo wã la ya sũure wuu, nanna-ya ba dee zɔta ba, wʋ yan sakrɩ Krisi la.

1 Timoti 5:13

Sɛla n pa'asɛ, ba sãn gʋlsɛ ba, ba wʋn lebge la zẽyãgsɩ ɛɛra kaara yiɛ, la, la dagɩ bɛla mã'a, ba wʋn lebge la yetɔg-tɔgsrɩba kẽ'era nẽrba yɛla pʋam, dee tɔgra yetɔg-sɛba n ka narɩ ba tɔgɛ.

1 Timoti 5:17

Wẽndeego nẽrba kẽma sãn bɩsrɩ nẽrba la yelle sõŋa, lan gãnnɩ wuu, sɛba n mõrgrɩ mõola dee zãsna Nawẽnnɛ yetɔga la, ba wʋn yẽ la nã'asgɔ bʋyi.

1 Timoti 6:1

Nẽr-sɛba n de yamsɩ la, dẽnɩ tɩ ba nanna ba zuudãandõma sõŋa, tɩ nẽra da pɔ'ɔgɛ Nawẽnnɛ yʋ'ʋrɛ, la tɩ zãsŋɔ la.

1 Pita 3:7

Bɛla mẽ, yãma sɛba n de sɩrba la, bɔna-ya la ya pɔgba la lɛ, la wõm taaba, la ya bãŋɛ tɩ ba ka tarɩ pãŋa wʋ yãma la, la ya nanna ba, tɩ bãma la yãma n wʋn lagɩm to'oge Nawẽnnɛ yel-sõnnɛ n de vɔm. Ɩta-ya bɛla tɩ sɛla da gu ya pʋ'ʋsgɔ.