Aromduma 13:11 - Farefare Ninkaré

¹¹ Ẽŋɛ-ya bɛla, yãma n mi wakat-sɛka tɩ tɩ boe wã la ĩyã, wakatɛ paagɛ mɛ dɛna ya nẽegɛ dee basɛ gẽem. Fãarɛ la lɛm tõma mɛ lɛɛlɛ wã gãnna wakat-sɛka tɩ tõma daan pɔsɛ bɔ Azezi-krisi sɩra la.

ZE'ELEGO PAALEGA

¹¹ Dina pooren, ya mi' sansɛka puan ti tu bɔna nananawa, la nyaa paaɛ sansɛka en de ya niiɛ ya guum la puan. Se'ere en sɔi la, faarɛ nyaa lɛm tu nananawa gana tumam n daa nan nam Yezu la.

Aromduma 13:11 ပူးပေါင်းရင်းမြစ်များ

Amatie 16:3

La bulika, sawara sãn mõ'ogɛ sobge, yãma yetɩ saaga n wʋn ni. Yãma bɩsrɩ la sawara mina la ãn se'em, dee ka tãna wʋn bãŋɛ bõn-sɛba n ɩtɩ lɛɛlɛ wã n pa'alɩ sɛla.

Aluki 21:28

La ya sãn yẽ tɩ bõn-bãna pɔsɛ ɩta, gorge-ya bɩsɛ saazuum, tɩ ya fãarɛ lɛm mɛ.»

1 Korẽntɩ 10:11

Bõn-bãma wuu yʋʋn ẽŋɛ tɩ yaabdõma tɩ la dɛna la mãmsgɔ bɔ nẽrba basɛba. La ba gʋlsɛ bɛla, tɩ la dɛna la zãsŋɔ bɔ tõma sɛba n boe wakat-ẽna tɩ dũnia lɛm ba'asgɔ wã.

1 Korẽntɩ 15:34

Basɛ-ya tẽ'esɛ yooro, dee da le tõnna tõon-be'ero. Mam yetɩ ya tɩ la de la yãnnɛ bɔ ya: Ya nẽrba basɛba ka mi Nawẽnnɛ.

Efɛɛzɩ 5:14

Se'ere n soe la, bõn-sɛka woo n de vẽelga boe la peelem pʋam. Bɛla tɩ la gʋlsɛ yetɩ: «Fõn sɛka n gĩsri la, nẽegɛ, isge kũm na tẽŋasʋka tɩ Krisi peelem nẽegɛ fɔ, bɔ fʋ vɔm.»

Yemesi 5:8

Bɛla, yãma mẽ mõrgɛ mã'ara ya sũure, tara bʋraanɛ, tɩ Zuudãana la lemŋo lɛm mɛ.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

2 Pita 3:11

Bõn-bãma wuu n wʋn sã'am bɛla la, dẽnɩ tɩ ya basɛ tɩ ya yel-ɩrɛ, la ya Nawẽnnɛ sore doosgo ãna sõŋa, tɩ ya sakra ẽ sɛla woo pʋam.

2 Pita 3:9

Zuudãana la n bĩŋe a nõorɛ tɩ a ẽŋɛ sɛla la, la ka yuuri tɩ a kãn ẽŋɛ wʋ nẽrba basɛba n tẽ'esrɩ se'em na. A mã'agɛ la a sũure la ya, a ka boorɩ tɩ nẽra nẽra sã'am, a boorɩ tɩ nẽra woo n teege yɛm basɛ tõon-be'ero.

1 Zã 2:18

M kɔma, lɛɛlɛ wã la de la dũnia ba'asgɔ wakatɛ. Yãma wõm tɩ ba yetɩ Krisi sɩ'ɩsra n sẽm. La lɛɛlɛ wã, Krisi sɩ'ɩsrɩba zo'oge mɛ bɔna, bɛla tõma mi mɛ tɩ la de la dũnia ba'asgɔ wakatɛ.

Lilegere 1:3

Nẽr-sɛka n karẽŋrɩ Nawẽnnɛ yetɔga tɩ a to'oge tɔgɛ wã, la sɛba n selsrɩ bõn-sɛba n gʋlsɛ gõn-ẽna wã pʋam dee sakra ba tarɩ zu-yẽlga. Wakatɛ la lɛm mɛ, tɩ bɛla wuu wʋn ẽŋɛ.

Lilegere 22:10

A yele bɛla dee yele mam yetɩ: «Da sʋgɛ gõŋɔ wã yetɔga tɩ Nawẽnnɛ puke pa'alɛ fʋ la, se'ere n soe la, wakat-sɛka tɩ bõn-bãna wʋn ẽŋɛ la lɛm mɛ.

Lilegere 22:12

Azezi yele yetɩ: «Selse-ya! La kãn yuuge dee tɩ mam wa'am. La mam tarɩ la yɔɔrɔ sẽna tɩ m yɔ nẽra woo masɛ wʋ ẽn tõm se'em.

Lilegere 22:20

Sɛka n tɔgɛ yetɔg-bãna bɔ la yetɩ la de la sɩra, a yetɩ: «Asɩra, la kãn yuuge dee tɩ mam wa'am.» Amina! La dɛna bɛla. Zuudãana Azezi, wa'am.