Aromduma 12:9 - Farefare Ninkaré

⁹ Basɛ-ya tɩ ya nõŋlʋm dɛna sɩra nõŋlʋm, sise-ya be'em, la ya gʋrɛ sɛla n ãn sõŋa.

ZE'ELEGO PAALEGA

⁹ Tari ya yelemɛŋerɛ nɔŋerɛ. Yaaɛ ya sɛla en de be'em, gee gurɛ sɛla en de sum kankaŋi.

Aromduma 12:9 ပူးပေါင်းရင်းမြစ်များ

Amatie 26:49

La ẽn paam na, a sẽŋɛ mɛ tɔtɔ lɛm Azezi, pʋ'ʋsɛ ẽ yetɩ: «Karẽnsãama, zaanõorɛ», dee kɔkɛ ẽ.

Azã 12:6

Ẽn yele bɛla la, dagɩ tɩ a fablɩ la nasdõma yelle, la de la ẽn de nayiga, la ẽŋa n tarɩ ba ligri tãmpɔkɔ, zũura sɛla tɩ ba sũm a pʋam na.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

2 Korẽntɩ 6:6

La tõma tõnnɩ na pʋpeelem, la bãŋrɛ, la sũ-mã'arɛ, la ɩr-sõŋɔ, la Nawẽnnɛ Sɩa, la nõŋlʋm sɩra sɩra.

2 Korẽntɩ 8:8

Mam n yetɩ bɛla la, la dagɩ pãŋa tɩ mam ɩtɩ ya. Mam dɩkɛ la nẽrba basɛba n ẽŋɛ se'em makɛ bɔ ya, tɩ ya pa'alɛ yãma nõŋlʋm n de nõŋlʋm sɩra sɩra se'em.

1 Tesaloniki 2:3

Tõma n pa'alɩ pa'alg-sɛba la dagɩ tuure, bɩɩ pʋtẽ'e-be'ero pa'algɔ. La tõma ka ɩtɩ yɛmkẽgsɩga pã'asra nẽrba.

1 Tesaloniki 5:15

Guuse-ya tɩ nẽra da lebse a tadãana be'em, be'em ĩyã, mõrgɛ-ya ɩta taaba sõŋa, la nẽrba wuu sõŋa wakatɛ wuu.

1 Tesaloniki 5:21

Magra-ya sɛla woo bɩsra la ãn se'em, to'oge sɛla n ãn sõŋa.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

Hiburuduma 1:9

Fõn nõŋɛ la sɛla n masɛ, dee sisra be'em. Bɛla n soe tɩ fʋ Nawẽnnɛ welge fʋ to'ore, bɔ fɔ pẽka, la sũ-yẽlga gãnna basɛba wuu.»

Hiburuduma 12:14

Mõrgɛ-ya ɛ tɩ sũ-mã'asʋm bɔna yãma la nẽrba wuu tẽŋasʋka, la ya ɛ pʋpeelem. Tɩ pʋpeelem sãn ka bɔna, nẽra ka tã wʋn yẽ Zuudãana la.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 4:8

Sɛla n gãnnɩ wuu de la ya nõŋɛ taaba zozo'e, se'ere n soe la, nõŋlʋm n botɩ tɩ basra taaba tõon-be'ero zozo'e taalɛ.