Aromduma 12:8 - Farefare Ninkaré

⁸ Nẽr-sɛka bɔ'a n de a kã'ana nẽrba, a kã'ana. La sɛka bɔ'a n de a bɔ'ɔra, a bɔ'ɔra la a sũure wuu. La sɛka bɔ'a n de a dɛna nẽŋadãana, a wɩsgɛ a mẽŋa tõnna sõŋa. Tɩ nẽr-sɛka bɔ'a n de a zɔta nẽrba ninbãalga, a ɩta la sũ-yẽlga.

ZE'ELEGO PAALEGA

⁸ Kpemehego, daana me dela a kpɛmeha, ti se'em en bo'ori, me bɔ'ɔra yabi yabi, Nɛŋadaana mu'ɛ nini, ti nimbɔ'zɔta me tuna la pupeelum.

Aromduma 12:8 ပူးပေါင်းရင်းမြစ်များ

Amatie 25:40

Tɩ naba la wʋn lerge ba yetɩ: ‹Mam yetɩ ya la sɩra, tɩ yãma n daan ẽŋɛ sɛla wuu bɔ mam nẽrba la, baa la sãn dɛna la nẽr-pɩka ayɩla tɩ ya ẽŋɛ bɔ, la de la mam tɩ ya bɔ.›

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Tõoma 13:12

La gɔmna la n yẽ lan ẽŋɛ se'em na, a bɔ yetɔga la sɩra mɛ, se'ere n soe la, Zuudãana zãsŋɔ la daan kẽ a sũure mɛ.

Tõoma 13:15

La ban karẽŋɛ Nawẽnnɛ lɔɔ, la Nawẽnnɛ nõtɔ'ɔsrɩba gõnnɔ kɩ'ɩlɩm na, tɩ wẽndeego la nẽŋadõma tõm nẽrba tɩ ba sẽŋɛ ka yele ba yetɩ: «Tɩ sɔbiisi, ya sãn tara yetɔga n wʋn bɔ nẽrba la bʋraanɛ, ya tɔgɛ.»

Tõoma 15:32

Tɩ Azudi la Asɩlaasɩ n daan de Nawẽnnɛ nõtɔ'ɔsrɩba la tɔgɛ zozo'e keŋe ba sɔbiisi la sũure, pa'asɛ ba pãŋa.

Tõoma 20:2

La ẽn daan dolɩ so'olʋm ẽŋa tẽn-sɛba pʋam tɔlla la, a tɔgɛ yetɔga zozo'e mɛ bɔ karẽnbiisi la bʋraanɛ. Dee yãŋa tole ka paagɛ Grɛsɩ.

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

Tõoma 4:36

La Azozɛfʋ n de Leviti nẽra n yese Sipri so'olʋm tɩ Tõntõnɩba la sɩ a yʋ'ʋrɛ tɩ Abarnabasɩ. A yʋ'ʋrɛ la võorɛ de la: «Nẽra n bɔ'ɔrɩ nẽrba bʋraanɛ».

Aromduma 12:13

Sõŋɛ-ya Nawẽnnɛ nẽr-sɛba n boorɩ sõŋrɛ la, la ya ɩta sãama sãanɔ.

Aromduma 13:6

La ken dɛna la bõn-ẽŋa ĩyã tɩ ya yɔɔra lampo. Sɛba n to'osrɩ lampo la, la de la Nawẽnnɛ n bɔ ba tõon-ẽŋa tɩ ba tõnna sõŋa.

1 Korẽntɩ 12:28

Bɛla tɩ Nawẽnnɛ ẽŋɛ nẽra woo a zẽ'am a nẽr-kʋʋŋɔ la pʋam. Pɔspɔsɩ de la sɛba tɩ Azezi mẽŋa daan looge tõm ba la. Bʋyi dãana de la Nawẽnnɛ nõtɔ'ɔsrɩba. Bʋtã de la karẽnsãandõma, la sɛba n tõnnɩ tõon-yãlma, la sɛba tɩ a bɔ ba pãŋa tɩ ba botɩ bã'adõma yẽta ĩmã'asʋm, la sɛba tɩ a looge tɩ ba sõŋra nẽrba, la sɛba n wʋn bɔna nẽrba nẽŋa, la sɛba n tɔgrɩ yetɔg-zãŋsɩ.

1 Korẽntɩ 14:3

La sɛka n to'osrɩ Nawẽnnɛ yetɔga tɔgra bɔ'ɔra nẽrba, ẽŋa tɔgrɩ sõŋra la nẽrba, botɩ ba sẽnna nẽŋa Nawẽnnɛ sore doosgo la pʋam, dee kã'ana ba, bɔ'ɔra ba bʋraanɛ.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 11:3

La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

2 Korẽntɩ 8:12

Se'ere n soe la, nẽra sãn bɔ la yɛmleego masɛ wʋ ẽn tarɩ se'em, Nawẽnnɛ to'orɩ a bɔ'a la mɛ, a ka bɩsrɩ sɛla tɩ fʋ ka tarɩ la.

2 Korẽntɩ 9:11

A wʋn bɔ ya bõntarsõm tɩ la seke sɛla woo pʋam, tɩ ya wʋn bɔ'ɔra la ya sũure wuu, tɩ nẽrba zozo'e wʋn pʋ'ʋsra Nawẽnnɛ a yel-sõnnɛ, yãma bɔ'a la tɩ tõma dɩkɛ bɔ ba la ĩyã.

2 Korẽntɩ 9:13

Ba sãn to'oge sõŋrɛ ẽŋa, ba wʋn pẽgɛ Nawẽnnɛ mɛ yãma n pa'alɛ tɩ yãma sakrɩ Krisi kõ-yẽlga la, la yãma n tarɩ yɛmleego, tara ya bõntarsõm pʋta la bãma, la Nawẽnnɛ nẽrba wuu la ĩyã.

2 Korẽntɩ 9:7

Bɛla, nẽra woo bɔ wʋ ẽn looge yɛm se'em na, tɩ la da dɛna nẽnzũŋre, bɩɩ mõrgrɛ. La de la nẽr-sɛka n bɔ'ɔrɩ la sũ-yẽlga tɩ Nawẽnnɛ nõŋɛ.

Efɛɛzɩ 6:5

Yamsɩ, sakra-ya sɛba n soe ya dũnia zuo wã la ya sũure wuu, nanna-ya ba dee zɔta ba, wʋ yan sakrɩ Krisi la.

Kolɔsɩ 3:22

Yamsɩ, sakra-ya sɛba n soe ya dũnia wã zuo sɛla woo pʋam, da ɩta-ya bɛla ba nifum mã'a tɩ ba pẽgɛ ya. Tõnna-ya la ya sũure wuu yãma n nannɩ Zuudãana la ĩyã.

1 Tesaloniki 2:3

Tõma n pa'alɩ pa'alg-sɛba la dagɩ tuure, bɩɩ pʋtẽ'e-be'ero pa'algɔ. La tõma ka ɩtɩ yɛmkẽgsɩga pã'asra nẽrba.

1 Tesaloniki 2:8

Tõma n nõŋɛ ya la ĩyã, tɩ tõma daan mõolɛ kõ-yẽlga la n ze'ele Nawẽnnɛ zẽ'am na bɔ ya. La, la dagɩ bɛla mã'a, tõma daan sakɛ mɛ tɩ dɩkɛ tɩ vɔm bɔ ya, tõma nõŋɛ ya mɛ halɩ zozo'e.

1 Timoti 4:13

Mõrgɛ karẽŋra Nawẽnnɛ gõŋɔ pa'ala nẽrba, bɔ'ɔra ba bʋraanɛ, dee zãsna ba halɩ tɩ m wa wa'am.

1 Timoti 5:17

Wẽndeego nẽrba kẽma sãn bɩsrɩ nẽrba la yelle sõŋa, lan gãnnɩ wuu, sɛba n mõrgrɩ mõola dee zãsna Nawẽnnɛ yetɔga la, ba wʋn yẽ la nã'asgɔ bʋyi.

1 Timoti 6:18

Kã'an ba yetɩ, ba ɩta sõŋa, ba dɛna nẽrba n tõnnɩ tõon-sõma zozo'e, la ba dɛna nẽrba n bɔ'ɔrɩ, dee pʋta sɛla tɩ ba tarɩ bɔ'ɔra nẽrba la sũ-yẽlga.

Hiburuduma 10:25

Tɩ da basɛ taaba lagsgɔ wʋ nẽrba basɛba n ɩtɩ se'em na, tɩ bɔ'ɔra-ya taaba bʋraanɛ, yãma n yẽ tɩ Azezi lemŋo daarɛ la lɛm mɛ na.

Hiburuduma 13:17

Sakra-ya ya nẽŋadõma nõorɛ, dee nanna ba yetɔga. La de la bãma n bɩsrɩ yãma n dolɩ Nawẽnnɛ sore la yelle, ba wʋn ka tɔgɛ pa'alɛ Nawẽnnɛ bãma n bɩsɛ ya yelle se'em mɛ. Ẽŋɛ-ya ya wʋn ẽŋɛ se'em tɩ ba tã'agɛ tõm ba tõoma la sũ-yẽlga da yõnna, tɩ bɛla ka tarɩ yõorɔ bɔ ya.

Hiburuduma 13:22

M sɔbiisi, mam sosrɩ ya tɩ ya sakɛ to'oge kã'aŋɔ yetɔg-bãna wã, tɩ mam n gʋlsɛ ya gõn-sɛka wã ka zo'oge.

Hiburuduma 13:24

Pʋ'ʋsɛ-ya ya nẽŋadõma, la nẽr-sɛba wuu n de Nawẽnnɛ nẽrba. Itali dõma pʋ'ʋsrɩ ya.

Hiburuduma 13:7

Tẽra-ya ya nẽŋadõma n mõolɛ Nawẽnnɛ yetɔga bɔ ya la yelle. Bɩsɛ-ya ba vɔm n daan ãn se'em ka paagɛ ba kũm, tɩ ya mẽ ɩta bãma n bɔ sɩra ẽŋɛ se'em na.