Aromduma 12:6 - Farefare Ninkaré

⁶ Tɩ to'oge la bɔ'a to'oto'ore, masɛ wʋ Nawẽnnɛ n ẽŋɛ tɩ yel-sõnnɛ bɔ nẽra woo se'em na. Bɛla, sɛka n tarɩ bɔ'a n de a tɔ'ɔsra Nawẽnnɛ yetɔga tɔgra bɔ'ɔra nẽrba, a tɔ'ɔsra tɔgra tɩ la masɛ wʋ bɔ sɩra n de se'em na.

ZE'ELEGO PAALEGA

⁶ Tu tari la zu'uhegɔ bo'olum en boi yima yima, doohe la ban bo' tu, tu zu'uhegɔ se'em la. Purega puan, tu dela tu puta ti la zuna la tu sakerɛ la,

Aromduma 12:6 ပူးပေါင်းရင်းမြစ်များ

Amatie 23:34

Bɛla tɩ mam yɛta ya tɩ mam wʋn tõm m nõtɔ'ɔsrɩba, la yɛm dõma, la lɔɔ karẽnsãandõma. La ya wʋn kʋ sɛba, dee ka basɛba dɔ-puursi zuto kʋ, wẽ sɛba la ka'asa ya wẽndeto pʋam, dee dɔla ba nãma tẽŋa tẽŋa nãmsra ba.

Amatie 25:22

Tɩ sɛka n to'oge talã bayi la mẽ wa'am wa yetɩ: ‹M zuudãana, fõn daan bɔ mam na talã bayi, mam tõm yẽ la talã bayi pa'asɛ, ban wãna.›

Aluki 11:49

Bɛla ĩyã tɩ Nawẽnnɛ n tarɩ yɛm na yʋʋn yetɩ: ‹Mam wʋn tõm nõtɔ'ɔsrɩba, la Tõntõnɩba bɔ ba, la ba wʋn kʋ basɛba, dee nãmsɛ basɛba.›

Tõoma 13:1

Azezi nẽr-kʋʋŋɔ n boe Antɩyɔsɩ la pʋam, Nawẽnnɛ nõtɔ'ɔsrɩba, la karẽnsãandõma n daan boe mĩ. Ba de la Abarnabasɩ, la Asimeyõ tɩ ba wi'iri tɩ nẽr-sabga, la Alusiyusi n ze'ele Sirɛnɩ, la Amanayɛnɩ tɩ ba daan uge ẽ la naba A'erɔdɩ, la Asolɩ.

Tõoma 15:32

Tɩ Azudi la Asɩlaasɩ n daan de Nawẽnnɛ nõtɔ'ɔsrɩba la tɔgɛ zozo'e keŋe ba sɔbiisi la sũure, pa'asɛ ba pãŋa.

Tõoma 2:17

A yʋʋn yele tɩ Nawẽnnɛ yetɩ: «Dũnia ba'asgɔ sãn lɛm, mam wʋn basɛ tɩ m Sɩa sige nẽrsaalba buuri wuu zuto. A wʋn botɩ ya dayɔɔsɩ la ya pɔyɔɔsɩ to'oge mam yetɔga tɔgɛ bɔ nẽrba. Dee botɩ ya kɔmbɩ'ɩsɩ bɩsɛ yẽ yɛla wʋ zãasŋɔ la, dee botɩ ya bõnkɛgsɩ zãasʋm.

Tõoma 21:9

A daan tarɩ la pɔyɔɔsɩ banaasɩ n ka mi bʋraasɩ, ba daan to'osrɩ la Nawẽnnɛ yetɔga tɔgra bɔ'ɔra nẽrba.

Aromduma 1:11

Se'ere n soe la, mam boorɩ la m sũure wuu tɩ m yẽ ya, tɩ m wʋn to'oge Nawẽnnɛ Sɩa bɔ'a bɔ ya tɩ ya yẽ pãŋa.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

1 Korẽntɩ 12:18

Bɛla tɩ Nawẽnnɛ ẽŋɛ ĩyã zẽ'a woo wʋ ẽn boorɩ se'em, lagɩm ba taaba.

1 Korẽntɩ 13:2

La mam sãn tara bɔ'a tɔ'ɔsra Nawẽnnɛ yetɔga tɔgra bɔ'ɔra nẽrba, dee tãna wʋn bãŋɛ yɛla n sʋgɛ wuu võorɛ, dee tara mi'ilum wuu, la mam sãn bɔ Nawẽnnɛ sɩra tãna wʋn botɩ tãŋa vurge, dee ka tara nõŋlʋm, mam de la zãŋa.

1 Korẽntɩ 14:1

Ɛ-ya nõŋlʋm, la ya ken ɛɛra Nawẽnnɛ Sɩa bɔ'a la, lan gãnnɩ, bɔ'a sɛka tɩ ya wʋn to'oge Nawẽnnɛ yetɔga tɔgɛ bɔ nẽrba.

1 Korẽntɩ 14:24

La sɛba n bɔ sɩra la sãn lagsɛ taaba, tɩ nẽra woo tɔ'ɔsra Nawẽnnɛ yetɔga tɔgra bɔ'ɔra nẽrba, tɩ nẽra n ka mi, dee ka bɔ Nawẽnnɛ sɩra kẽ, ẽn wõm sɛla woo la, wʋn basɛ tɩ a bãŋɛ a tõon-be'ero, dee pa'alɛ ẽ a tuure.

1 Korẽntɩ 14:29

Sɛba n de Nawẽnnɛ nõtɔ'ɔsrɩba la, bayi bɩɩ batã tɔgɛ. Tɩ sɛba n weege la bɩsɛ ba yetɔga la sãn masɛ bɩɩ ka masɛ.

1 Korẽntɩ 3:5

Apolɔsɩ de la ãne? Apolɩ de la ãne? Tõma wen dɛna la Nawẽnnɛ tõntõnɩba n daan botɩ ya bɔ Azezi-krisi sɩra. Tõma nẽra woo tõnnɩ la tõon-sɛka tɩ Zuudãana la bɔ tɔ tɩ tɩ tõm.

1 Korẽntɩ 7:7

La sãn dɛna mam tẽ'esgɔ, nẽra woo sãn dɛna dakõorɛ wʋ mam n ãn se'em wã, la ãn sõŋa. La nẽrsaala woo tarɩ la a bɔ'a tɩ Nawẽnnɛ bɔ ẽ. Ayɩla tarɩ la bɔ'a ayẽma, tɩ ayẽma mẽ tara bɔ'a ayẽma.

2 Korẽntɩ 8:12

Se'ere n soe la, nẽra sãn bɔ la yɛmleego masɛ wʋ ẽn tarɩ se'em, Nawẽnnɛ to'orɩ a bɔ'a la mɛ, a ka bɩsrɩ sɛla tɩ fʋ ka tarɩ la.

Efɛɛzɩ 3:5

Nawẽnnɛ yʋʋn ka puke ẽ pa'alɛ kʋrʋm dõma, la lɛɛlɛ wã a botɩ a Sɩa la puke ẽ pa'alɛ la sɛba tɩ a tõm, la a nõtɔ'ɔsrɩba.

Efɛɛzɩ 4:11

La de la ẽŋa n bɔ tɩ bɔ'a, botɩ sɛba dɛna a Tõntõnɩba, tɩ basɛba dɛna a nõtɔ'ɔsrɩba, tɩ basɛba mõola a kõ-yẽlga la bɔ'ɔra nẽrba, tɩ basɛba sɔna Nawẽnnɛ nẽrba bɩsra, bɩɩ dɛna karẽnsãandõma.

Filipi 3:15

Tõma sɛba wuu n bɩ Nawẽnnɛ sore doosgo pʋam na, tɩ tara-ya pʋtẽ'e-ẽna. La sɛla ayɩla yelle, ya sãn tara pʋtẽ'erɛ ayẽma, Nawẽnnɛ wʋn vẽlgɛ ya tɩ ya bãŋɛ ẽn de bõn-sɛka.

1 Tesaloniki 5:20

Da pɔ'ɔra-ya yetɔg-sɛba tɩ nẽra to'oge Nawẽnnɛ zẽ'am tɔgra bɔ'ɔra ya.

2 Pita 1:20

Sɛla n gãnnɩ de la ya bãŋɛ tɩ Nawẽnnɛ nõtɔ'ɔsrɩba yetɔga la n gʋlsɛ Nawẽnnɛ gõŋɔ pʋam na, nẽra ka tã wʋn pa'alɛ ba võorɛ la a mẽŋa pʋtẽ'erɛ.