Aromduma 12:3 - Farefare Ninkaré

³ Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

ZE'ELEGO PAALEGA

³ Zu'uhegɔ seko ti Yinɛ zu'uhɛ mam la zuo, mam yeti se'em woo en boi ya puan yeti, se'em da biha nyɛta a mɛŋa gana en sunti a ti'iha a mɛŋa yele se'em la, gee a sigeha a mɛŋa a ti'ihegɔ puan, ti nɛra woo bɔna wuu Yinɛ en makɛ a sakerɛ se'em bo' en la.

Aromduma 12:3 ပူးပေါင်းရင်းမြစ်များ

Aluki 18:11

Tɩ Farisi nẽra la zɛ saazuo pʋ'ʋsra a sũurum yetɩ: ‹Nawẽnnɛ, mam pʋ'ʋsrɩ fʋ, mam n ka wõn na nẽrba basɛba la n ãn se'em na, n de nayigba, bɩɩ nẽr-be'ero, bɩɩ nẽrba n tõnnɩ yalsɩ, la mam n ka wõn na lampo-tɔ'ɔs-ẽna wã la ĩyã.

Azã 3:34

Se'ere n soe la, sɛka tɩ Nawẽnnɛ tõm na tɔgrɩ la Nawẽnnɛ yetɔga, Nawẽnnɛ n bɔ ẽ a Sɩa pãŋa zozo'e la ĩyã.

Aromduma 1:5

Azezi-krisi ĩyã tɩ Nawẽnnɛ ẽŋɛ tɩ yel-sõnnɛ, botɩ tõma dɛna a Tõntõnɩba tɩ tɩ botɩ so'olʋm wuu nẽrba bɔ ẽ sɩra, sakɛ a nõorɛ a yʋ'ʋrɛ nã'asgɔ ĩyã.

Aromduma 11:20

La de la sɩra, la de la ban ka bɔ Nawẽnnɛ sɩra la ĩyã tɩ a kʋ'ʋsɛ ba basɛ. La fõn bɔ ẽ sɩra la ĩyã tɩ fʋ toŋe mĩ. Bɛla, da ɩta tɩta'alʋm, zɔta dabeem.

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 12:16

Tara-ya pʋtẽ'erɛ ayɩla la taaba. Da dɛna-ya pa'al-m-mẽŋa dõma, sakra-ya lagna la tarɩmdõma. Da bɩsra ya mẽŋa tɩ yãma de la yɛm dõma.

1 Korẽntɩ 15:10

La Nawẽnnɛ yel-sõnnɛ ĩyã tɩ mam dɛna mam n de se'em lɛɛlɛ wã. Yel-sõnnɛ na tɩ Nawẽnnɛ bɔ mam na dagɩ zãŋa. Mam tõm gãnna Tõntõnɩba basɛba la wuu mɛ. La, la dagɩ mam mẽŋa n tõnnɩ bɛla, Nawẽnnɛ yel-sõnnɛ na ĩyã tɩ mam yãŋɛ tõnna bɛla.

1 Korẽntɩ 3:10

Nawẽnnɛ n ẽŋɛ mam yel-sõnnɛ na ĩyã, mam tõm wʋ tõnmẽta n mi mẽa sõŋa n ẽebɛ ẽbrɛ, tɩ nẽra ayẽma mẽ dɔglɛ a zuo. La nẽra woo guuse a mẽŋa la ẽn mẽtɩ se'em na.

1 Korẽntɩ 7:17

Sɛla n ãn sõŋa de la nẽra woo vɔa wʋ ẽn daan ãn se'em tɩ Nawẽnnɛ wi ẽ na, wʋ Zuudãana n bɔ ẽ tɩ a vɔa se'em na. La de la bɛla tɩ mam pa'alɩ Nawẽnnɛ nẽrba n boe zẽ'esɩ wuu tɩ ba ɩta.

2 Korẽntɩ 10:13

La sãn dɛna tõma, tõma kãn wẽ yõ'ogɔ tɩ la yõsgɛ, tõma wʋn wẽ yõ'ogɔ masɛ la tõon-sɛka tɩ Nawẽnnɛ bɔ tõma la beene. Ẽŋa n bɔ tõma sore tɩ tõma paagɛ yãma zẽ'am.

2 Korẽntɩ 12:13

Bẽm yel-sõnnɛ tɩ mam ẽŋɛ bɔ Azezi nẽrba zẽ'esɩ basɛba, tɩ la pɔ'ɔgɛ yãma? Sãn dagna mam n ka to'oge sõŋrɛ ya zẽ'am na mã'a. Bɔ-ya mam sugri yel-ẽŋa pʋam.

2 Korẽntɩ 12:7

La, lan wʋn ẽŋɛ se'em tɩ mam da tã'agɛ zẽkɛ m mẽŋa la bõn-yãlma tɩ Nawẽnnɛ puke pa'alɛ mam na, a basɛ tɩ Asũtãana ẽŋɛ sɛla n ãn wʋ gõ'a mam ĩyã pʋam nãmsra mam tɩ mam ka tãna wʋn zẽkɛ m mẽŋa.

Galatɩ 6:3

Nẽra sãn tẽ'esɛ tɩ ẽŋa de la sɛla dee ka dɛna sɛla sɛla, a pã'asrɩ la a mẽŋa.

Efɛɛzɩ 3:2

Mam tẽ'esɛ tɩ ya wõm tɩ Nawẽnnɛ dɩkɛ a yel-sõnnɛ kõ-yẽlga la ẽŋɛ la mam nu'usum tɩ m tɔgɛ bɔ yãma.

Efɛɛzɩ 3:4

Ya sãn karẽŋɛ mam n gʋlsɛ se'em na, ya wʋn yẽ mam n bãŋɛ Krisi yelle n daan sʋgɛ la võorɛ n ãn se'em.

Efɛɛzɩ 4:16

La de la ẽŋa n de zuugo la n botɩ a nẽrba n ãn wʋ ĩyã la lagɩm taaba tõnna, wʋ kõb-suglsi n botɩ ĩyã zẽ'esɩ to'oto'ore toŋe taaba, tɩ zẽ'a woo tõnna wʋ lan masɛ se'em, tɩ ĩyã la wuu bɩta sõŋa sõŋa la nõŋlʋm.

Filipi 2:13

Se'ere n soe la, Nawẽnnɛ n boe la ya lɛ tõnna, botɩ ya bɔɔra ẽŋa n boorɩ se'em, dee tãna ɩta ẽŋa n boorɩ se'em.

Kolɔsɩ 1:29

La de la bɛla ĩyã tɩ mam tõnna dee mõrgra. La de la Krisi pãn-kãtɛ tɩ a bɔ mam zozo'e la n botɩ mam tõnna bɛla.

Kolɔsɩ 2:13

Yãma daan ãn wʋ ya ki mɛ Nawẽnnɛ zẽ'am ya tõon-be'ero ĩyã, la ban ka dɔgɛ ya tɩ ya wãta dɛna Nawẽnnɛ nẽrba la ĩyã. La Nawẽnnɛ botɩ ya lagɩm na Krisi mɛ vɔa, basɛ ya tõon-be'ero wuu taalɛ.

1 Timoti 1:14

Tɩ Zuudãana Azezi-krisi la ẽŋɛ mam a yel-sõnnɛ mɛ zozo'e, botɩ mam bɔ ẽ sɩra, dee tara a nõŋlʋm.

1 Timoti 2:15

La baa pɔgsɩ n nãmsrɩ dee dɔgra la, ba tã wʋn yẽ fãarɛ, ba sãn mõrgɛ ze'ele kãŋkãŋɛ Nawẽnnɛ doosgo pʋam, tara nõŋlʋm la pʋpeelem, dee guusra ba mẽŋa.

1 Timoti 2:9

Pɔgsɩ mẽ yɛɛra futo wʋ lan masɛ, tɩ la da dɛna pa'al-m-mẽŋa bɩɩ yãnnɛ. Ba da ɛɛra tɩ ba nẽnnõm dɛna zuto lʋa, bɩɩ sãlma lɔgrɔ, bɩɩ kug-sõma lɔgrɔ, la futo ligri n zo'oge yɛa.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

Taitusi 2:2

Zãsʋm bʋra-yã'asɩ tɩ ba tara ba mẽŋa sõŋa, ba dɛna nẽrba tɩ ba nannɩ, ba tara pʋtẽ'e-sõŋɔ, la ba dɛna nẽrba n dolɩ Nawẽnnɛ sɩra la sõŋa, ba tara nõŋlʋm, dee dɛna nẽrba n mã'agɛ ba sũure sẽnna nẽŋa.

Taitusi 2:4

ba pa'ala pɔg-bɩ'ɩsɩ tɩ ba nõŋɛ ba sɩrba, la ba kɔma,

Taitusi 2:6

Kã'an kɔmbɩ'ɩsɩ la mẽ tɩ ba tara ba mẽŋa sõŋa sɛla woo pʋam.

Yemesi 4:6

La a ɩtɩ la yel-sõnnɛ n ãn sõŋa gãnna bɔ'ɔra tɔ, wʋ lan gʋlsɛ yetɩ: «Nawẽnnɛ zagsrɩ zẽk-m-mẽŋa dõma mɛ, dee ɩta sik-m-mẽŋa dõma yel-sõnnɛ.»

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

1 Pita 5:5

Bɛla mẽ, kɔmbɩ'ɩsɩ, sakra-ya kẽma la. La ya wuu tara sik-m-mẽŋa la taaba, tɩ la gʋlsɛ yetɩ: «Nawẽnnɛ sisri zẽk-m-mẽŋa dõma mɛ, dee ɩta sik-m-mẽsɩ dõma yel-sõnnɛ.»

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

3 Zã 1:9

Mam daan gʋlsɛ gõŋɔ mɛ bɔ Azezi nẽrba, la Adiyotrɛfɩ n boorɩ tɩ a dɛna nẽŋadãana la ka to'oge mam n yele se'em na.