Aromduma 12:2 - Farefare Ninkaré

² Da ãna-ya wʋ dũnia wã dõma n ãn se'em na. Basɛ-ya tɩ ya yɛm like dɛna paalga, tɩ ya teege, tã'agɛ bãŋɛ Nawẽnnɛ n boorɩ se'em: Sɛla n ãn sõŋa, sɛla n paarɩ a yɛm, sɛla n masɛ sõŋa sõŋa.

ZE'ELEGO PAALEGA

² Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 12:2 ပူးပေါင်းရင်းမြစ်များ

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amarkɩ 4:19

tɩ ba yɛm yɔɔra la dũnia wã yɛla, tɩ bõntarsõm yɛla pã'asra ba, tɩ yɛla basɛba yɛmleego tara ba, botɩ yetɔga la ka tãna wʋn wɔm biɛ ba sũure pʋam.

Azã 14:30

Mam kãn le tɔgɛ la ya lɛ zo'oge, se'ere n soe la, dũnia naba sẽm mɛ. La a ka tarɩ pãŋa la mam.

Azã 15:19

Ya sãn de nɩ na dũnia n soe ya, dũnia nẽrba wʋn nõŋɛ nɩ ya, se'ere n soe la, ya de la dũnia bõnɔ. La mam loose ya la dũnia pʋam yese, la dagɩ dũnia n soe ya, bɛla tɩ dũnia nẽrba sisra ya.

Azã 17:14

Mam tɔgɛ fõn yetɔga la bɔ ba mɛ, la dũnia nẽrba sisri ba mɛ, se'ere n soe la, ba dagɩ dũnia bõnɔ, wʋ mam mẽ dagɩ dũnia nẽra se'em na.

Azã 7:7

Dũnia dõma kãn tã'agɛ sise yãma, la ba sisri mam mɛ, mam n tɔgrɩ pa'ala tɩ ba tõoma de la be'em na ĩyã.

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 13:14

Ɩta-ya tɩ Zuudãana Azezi-krisi n ẽŋɛ se'em na, da basɛ-ya tɩ nẽrsaala n boorɩ se'em yelle pakɛ ya, tɩ ya bɔɔra tɩ ya ɩta yãma mẽŋa yɛmleego n boorɩ se'em.

Aromduma 7:12

Bɛla, lɔɔ la de la bõn-sõŋɔ. Nõorɛ tɩ Nawẽnnɛ bɔ la mẽ de la bõn-sõŋɔ, masɛ ãna sõŋa.

Aromduma 7:14

Tɩ mi tɩ lɔɔ la de la Nawẽnnɛ Sɩa yelle. La mam de la nẽrsaala tɩ tõon-be'ero tara mam ɩta ẽŋa n boorɩ se'em.

Aromduma 7:22

Mam sũure pʋam, mam ɩtɩ sũ-yẽlga mɛ la Nawẽnnɛ lɔɔ la.

1 Korẽntɩ 3:19

Sɛla tɩ dũnia dõma tẽ'esɛ tɩ la de la yɛm na, de la yalnɛ Nawẽnnɛ zẽ'am. La de wʋ lan gʋlsɛ Nawẽnnɛ gõŋɔ pʋam se'em yetɩ: «Nawẽnnɛ bẽtɩ yɛm dõma mɛ yõgra ba ba yɛmkẽgsɩga la pʋam.»

2 Korẽntɩ 4:4

La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

2 Korẽntɩ 5:17

Nẽra sãn lagɩm na Krisi dɛna ayɩla, a lebge la nẽr-paalga, yel-kɛgsɩ la tole mɛ, tɩ sɛla woo lebge paalsɩ.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Efɛɛzɩ 1:18

Mam ken sɔsra Nawẽnnɛ tɩ a botɩ ya pʋtẽ'era like tɩ ya bãŋɛ ẽn wi ya tɩ ya tara pʋtẽ'erɛ gu'ura sɛla, dee bãŋɛ bõn-sõma sɛba tɩ a bĩŋe nõorɛ tɩ a bɔ a nẽrba la n ba ãna sõŋa, dee zo'oge se'em.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 5:17

Bɛla ĩyã, da dɛna-ya geto, bãŋɛ-ya Zuudãana la n boorɩ se'em.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 3:10

dee teege tara ãsʋm paalga. La de la Nawẽnnɛ n botɩ ya teege tara ãsʋm ẽŋa, dee malgra ẽ tɩ a ãna wʋ a mẽŋa la, tɩ ya wʋn tã'agɛ bãŋra ẽŋa sõŋa sõŋa pa'asra.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

1 Tesaloniki 4:3

Nawẽnnɛ n boorɩ tɩ ya ãna se'em n wãna: Welge-ya to'ore dɛna pʋpeelem dõma, dee yõkɛ ya mẽŋa da tõnna yalsɩ tõoma.

Taitusi 3:5

a fãagɛ tɩ mɛ, la, la dagɩ tɩn tõm tõon-sõma ĩyã, la de la a mẽŋa ninbãal-zʋa ĩyã tɩ a fãagɛ tɔ. A botɩ a Sɩa la n peege tõma sũure dẽgrɔ botɩ tɩ lebge nẽr-paalsɩ tara vɔm paalga.

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

Yemesi 4:4

Yãma ka dolɩ Nawẽnnɛ la sɩra. Yãma ka mi tɩ sɛka n nõŋɛ dũnia wã lɔgrɔ, la de la be'em la Nawẽnnɛ? Bɛla, nẽr-sɛka woo n boorɩ tɩ a yõgɛ sɩtɔ la dũnia wã lɔgrɔ, a wʋn dɛna la Nawẽnnɛ bɛ.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 1:18

Nawẽnnɛ fãagɛ ya mɛ vɔm sɛka n ka tarɩ yõorɔ tɩ ya daan zãsʋm ya yaabdõma zẽ'am na pʋam. Ya mi tɩ la dagɩ bõn-sɛba n sã'anɩ wʋ sãlma, bɩɩ zũuro tɩ a dɩkɛ yɔ fãagɛ ya.

1 Pita 2:3

Tɩ yãma bãŋɛ Zuudãana la n ãn sõŋa se'em mɛ.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

2 Pita 1:4

La de la bɛla tɩ a bɔ tɔ bɔ'a sɛba n ãn sõŋa gãnna wuu tɩ a bĩŋe nõorɛ tɩ a bɔ tɔ la. Tɩ bõn-bãma ĩyã ya wʋn tã'agɛ lɔkɛ be'em yɛmleego n boe dũnia zuo sã'ana nẽrba la, dee lebge ãna wʋ Nawẽnnɛ n ãn se'em na.

2 Pita 2:20

Nẽr-sɛba n bãŋɛ Azezi-krisi n de tɩ Zuudãana, la tɩ Fãagra la, ba basɛ dũnia tõon-dẽgrɔ mɛ. Ba sãn le kẽ ba pʋam basɛ tɩ ba sɔna ba, ba poorʋm toogo la wʋn gãnna pɔspɔsɩ la.

1 Zã 3:13

Bɛla m sɔbiisi, dũnia nẽrba sãn sisra ya, da kãn basɛ-ya tɩ la dɛna sɛla n di'ige ya.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 13:8

Nẽrba wuu n boe dũnia zuo wʋn nã'asɛ dũŋa la mɛ, sãn dagna sɛba yʋ'ʋra n gʋlsɛ Pebila tɩ ba daan kʋ la vɔm gõŋɔ pʋam na. Nẽr-bãma yʋ'ʋra daan põn gʋlsɛ vɔm gõŋɔ la pʋam na halɩ dũnia pĩ'iluŋo wakatɛ.