Aromduma 12:16 - Farefare Ninkaré

¹⁶ Tara-ya pʋtẽ'erɛ ayɩla la taaba. Da dɛna-ya pa'al-m-mẽŋa dõma, sakra-ya lagna la tarɩmdõma. Da bɩsra ya mẽŋa tɩ yãma de la yɛm dõma.

ZE'ELEGO PAALEGA

¹⁶ Boni ya la suma'ahum la taaba, da pa'ala ya mɛhi, gee boni ya la naheduma, da ti'iha ti ya wikɛ gana yan de sɛba.

Aromduma 12:16 ပူးပေါင်းရင်းမြစ်များ

Amatie 11:5

Fɔɔsɩ nini yẽtɩ mɛ, tɩ kɔɔrnɔ sẽnna, tɩ kõnkɔma yẽta ĩmã'asʋm le ãna sõŋa, tɩ wansɩ wõnna, tɩ kũm vɔ'ɔra, tɩ nasdõma wõnna Nawẽnnɛ kõ-yẽlga.

Amatie 26:11

Nasdõma boe la ya lɛ mɛ wakatɛ wuu, la mam kãn bɔna la ya wakatɛ wuu.

Aluki 14:13

Fʋ sãn yetɩ fʋ ẽŋɛ dia wi nẽrba tɩ ba wa'am di, wi nasdõma, la kɔɔrnɔ, la wɔbsɩ, la fɔɔsɩ.

Aluki 6:20

Tɩ Azezi gorge bɩsɛ a karẽnbiisi la yetɩ: «Yãma sɛba n de nasdõma la tarɩ zu-yẽlga, se'ere n soe la, Nawẽnnɛ so'olʋm de la ya bõnɔ.

Tõoma 4:32

Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

Aromduma 11:20

La de la sɩra, la de la ban ka bɔ Nawẽnnɛ sɩra la ĩyã tɩ a kʋ'ʋsɛ ba basɛ. La fõn bɔ ẽ sɩra la ĩyã tɩ fʋ toŋe mĩ. Bɛla, da ɩta tɩta'alʋm, zɔta dabeem.

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

Aromduma 15:5

Nawẽnnɛ n bɔ'ɔrɩ sũ-mã'arɛ, la bʋraanɛ la wʋn botɩ ya tara pʋtẽ'erɛ ayɩla la taaba wʋ Azezi-krisi n boorɩ se'em na.

Aromduma 6:2

Ayɛɩ, la dagɩ bɛla. La sãn dɛna tõon-be'ero ɩrgɔ yelle, tõma de la kũm, tõon-be'ero ka le sɔna tõma. Tɩ wʋn ẽŋɛ la wãne le tõnna tõon-be'ero?

1 Korẽntɩ 1:10

M sɔbiisi, mam sosrɩ ya la tɩ Zuudãana Azezi-krisi yʋ'ʋrɛ tɩ ya wuu sakra taaba nõorɛ, tɩ welgre da bɔna ya tẽŋasʋka. Ẽŋɛ-ya nõorɛ ayɩla, tara pʋtẽ'erɛ ayɩla la taaba.

1 Korẽntɩ 3:18

Nẽra da pã'asɛ a mẽŋa. Nẽra sãn bɔna ya pʋam tẽ'esɛ tɩ ẽŋa tarɩ dũnia wã yɛm, la masɛ mɛ tɩ a lebge gɔɔŋɔ dũnia wã pʋam, bɛla n wʋn basɛ tɩ a lebge yɛm dãana.

1 Korẽntɩ 4:10

Tõma ãn wʋ zɔllɔ Krisi ĩyã, la yãma tẽ'esɛ tɩ yãma de la yɛm dõma Krisi doosgo pʋam. Ya tẽ'esɛ tɩ tõma ka tarɩ pãŋa, la yãma tarɩ pãŋa. Nẽrba pɔ'ɔrɩ tõma mɛ, la ba nã'asrɩ yãma mɛ.

1 Korẽntɩ 6:5

Mam yetɩ ya tɩ la de la yãnnɛ bɔ ya. Bɛla, nẽra baa ayɩla ka boe yãma pʋam n tarɩ yɛm, wʋn tã'agɛ mãalɛ yel-sɛba tɩ yãma tarɩ la taaba la?

1 Korẽntɩ 8:2

Nẽr-sɛka sãn tẽ'esɛ tɩ ẽŋa mi sɛla, a ken ka mina wʋ lan masɛ tɩ a mina se'em.

2 Korẽntɩ 13:11

Sɛla n deege, m sɔbiisi, tara-ya sũ-yẽlga, mõrgɛ-ya tõm masɛ sɛla woo pʋam, bɔ'ɔra-ya taaba bʋraanɛ, tara-ya nõorɛ ayɩla la taaba, vɔa-ya la sũ-mã'asʋm la taaba, tɩ Nawẽnnɛ n de nõŋlʋm, la sũ-mã'asʋm dãana la wʋn bɔna la ya lɛ.

Filipi 1:27

La bõn-sɛka n gãnnɩ wuu, de la ya basɛ tɩ ya yel-ɩrɛ ãna wʋ Krisi kõ-yẽlga la n pa'alɩ se'em na. Tɩ mam sãn wa'am ya zẽ'am bɩɩ m sãn ka wa'am, m wʋn wõm tɩ ya ze la kãŋkãŋɛ, tara yɛm ayɩla, lagɩm taaba la pʋtẽ'erɛ ayɩla mõrgra tõnna tɩ nẽrba bɔ'ɔra kõ-yẽlga la sɩra.

Filipi 3:16

La, lan de se'em wuu, tõma n sẽŋɛ paagɛ zẽ'e-sɛka wã, tɩ ken sẽnna wɛ'ɛsa zẽ'e-sɛka tɩ tɩ we'esɩ la.

Filipi 4:2

Mam belnɩ A'evodi, la Asẽntiisi tɩ ba tara nõorɛ ayɩla Zuudãana doosgo la pʋam.

Hiburuduma 13:5

Da basɛ-ya tɩ ligri nõŋlʋm sɔna ya. Basɛ-ya tɩ ya sũure ãna yẽlʋm la yãma n tarɩ sɛla la, tɩ Nawẽnnɛ yetɩ: «Mam kãn basɛ fɔ, mam kãn malɩn basɛ fɔ.»

1 Pita 3:8

Ba'asgɔ pʋam, mam yetɩ ya wuu tɩ ya tara pʋtẽ'erɛ ayɩla, la taaba zĩile, la sɔbiisi nõŋrɛ, la ninbãal-zʋa, la sik-m-mẽŋa.

1 Pita 5:3

Da ɛɛra-ya tɩ ya sɔna sɛba tɩ ba dɩkɛ gu'ule ya la, la pãŋa. Dɛna-ya nẽrba tɩ ya yel-ɩrɛ wʋn pa'alɛ ba sɛla n ãn sõŋa, tɩ ba ãna wʋ yãma n ãn se'em na.

3 Zã 1:9

Mam daan gʋlsɛ gõŋɔ mɛ bɔ Azezi nẽrba, la Adiyotrɛfɩ n boorɩ tɩ a dɛna nẽŋadãana la ka to'oge mam n yele se'em na.