Aromduma 12:12 - Farefare Ninkaré

¹² Ɩta-ya sũ-yẽlga yãma n tarɩ pʋtẽ'erɛ gu'ura sɛla la ĩyã. Mã'agɛ-ya ya sũure toogo pʋam, mõrgɛ-ya sẽŋɛ nẽŋa la Nawẽnnɛ pʋ'ʋsgɔ wakatɛ wuu.

ZE'ELEGO PAALEGA

¹² Nyɛɛni ya mɛ la beere puti'irɛ, tara ya sugeri ya namehegɔ puan, gee me ŋmibera ya pu'uhegɔ puan.

Aromduma 12:12 ပူးပေါင်းရင်းမြစ်များ

Amatie 5:12

Ẽŋɛ-ya sũ-yẽlga sɩrʋm, ya yɔɔrɔ n wʋn zo'oge Nawẽnnɛ yire la ĩyã. Ba mẽ daan nãmsɛ Nawẽnnɛ nõtɔ'ɔsrɩba n dẽŋɛ yãma la bɛla.»

Aluki 10:20

La da ɩta-ya sũ-yẽlga kʋlkã'arsɩ n sakrɩ ya nõorɛ la ĩyã, ɩta-ya sũ-yẽlga ya yʋ'ʋra n gʋlsɛ Nawẽnnɛ yire vɔm gõŋɔ pʋam na ĩyã.»

Aluki 21:19

Ya sãn ze'ele kãŋkãŋɛ, ya wʋn yẽ vɔm Nawẽnnɛ zẽ'am.

Aluki 8:15

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakra dɩkra yetɔga la ɩta ba sũure pʋam sõŋa sõŋa, mõrgɛ zɛ kãŋkãŋɛ Nawẽnnɛ sore la pʋam wʋ bõnbuuri la n wɔm biɛ se'em na.»

Tõoma 1:14

Bãma wuu la pɔgsɩ, la Azezi ma Amaari, la Azezi yɩbsɩ n daan ẽn lagsɛ taaba pʋ'ʋsra Nawẽnnɛ la pʋtẽ'erɛ ayɩla wakatɛ wuu.

Tõoma 12:5

Bɛla tɩ ba daan pagɛ Apɩyɛɛrɩ basɛ yʋ'a deego la pʋam. Tɩ Azezi nẽrba la daan pʋ'ʋsra Nawẽnnɛ a ĩyã halɩ ka basɛ.

Tõoma 2:42

La ba daan ba mõrgɛ botɩ Tõntõnɩba la zãsna ba mɛ, dee naagɛ taaba la pʋtẽ'erɛ ayɩla, lagsra dita la taaba, fiisra borborɩ dee pʋ'ʋsra Nawẽnnɛ.

Tõoma 6:4

Dee tɩ tõma wɩsgɛ tɩ mẽŋa la Nawẽnnɛ pʋ'ʋsgɔ, la a yetɔga la mõolgɔ.»

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 15:4

Sɛla wuu tɩ ba yʋʋn gʋlsɛ Nawẽnnɛ gõŋɔ pʋam na, gʋlsɛ la tõma zãsŋɔ ĩyã, tɩ la wʋn botɩ tɩ mã'agɛ sũure sẽnna nẽŋa, dee bɔ'ɔra tɩ bʋraanɛ, tɩ tɩ wʋn tara pʋtẽ'erɛ gu'ura sɛla tɩ Nawẽnnɛ yetɩ a bɔ tɩ la.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

Aromduma 8:25

La tõma n tarɩ pʋtẽ'erɛ gu'ura sɛla tɩ tõma nãn ka yẽ la, tõma mã'agɛ la tɩ mẽŋa gu'ura ẽ.

1 Korẽntɩ 13:13

Bɛla, bõn-bãna batã n boe wakatɛ wuu: La de la bɔ sɩra, la tɩ tara pʋtẽ'erɛ gu'ura sɛla tɩ tɩ bɔ sɩra la, la nõŋlʋm. La bõn-bãna batã pʋam, nõŋlʋm n gãnnɩ ba wuu.

2 Korẽntɩ 12:8

Mam sose Zuudãana la nõorɛ bʋtã yetɩ a botɩ bõn-ẽŋa fõrgɛ dee basɛ mam.

Filipi 3:1

Sɛla n deege, m sɔbiisi, ɩta-ya sũ-yẽlga Zuudãana doosgo la pʋam. La ka nãmsrɩ mam tɩ m le gʋlsɛ bõn-bãna bɔ ya, se'ere n soe la, ba wʋn sõŋɛ ya mɛ tɩ sɛla da ẽŋɛ ya.

Filipi 4:4

Ɩta-ya sũ-yẽlga daarɛ woo Zuudãana doosgo la pʋam. Mam le yɛta ya mɛ ɩta-ya sũ-yẽlga.

Kolɔsɩ 1:11

Nawẽnnɛ wʋn bɔ ya pãŋa sɛla woo pʋam a na'am pãn-kãtɛ la ĩyã, tɩ ya wʋn wĩbe sɛla woo pʋam la sũ-mã'asʋm.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

Kolɔsɩ 4:12

A'epafrasɩ n de ya nẽra la pʋ'ʋsra ya. Ẽŋa n de Azezi-krisi tõntõnna la mõrgrɩ mɛ pʋ'ʋsra Nawẽnnɛ ya yelle ka basra tɩ ya ze'ele kãŋkãŋɛ, dɛna nẽrba n bɩ sɛla woo pʋam sakɛ Nawẽnnɛ n boorɩ se'em wuu.

Kolɔsɩ 4:2

Pʋ'ʋsra-ya Nawẽnnɛ da basɛ, mõrgɛ-ya la pʋ'ʋsgɔ, pʋ'ʋsra-ya ẽ a yel-sõnnɛ.

1 Tesaloniki 1:3

Tõma tẽrɩ ya yelle tɩ Sɔ Nawẽnnɛ nẽŋam, yãma n bɔ sɩra tõnna se'em, la yãma n tarɩ nõŋlʋm tõnna zozo'e se'em, dee ken tẽra yãma n tarɩ pʋtẽ'erɛ gu'ura sɛla tɩ ya bɔ sɩra, zɛ kãŋkãŋɛ tɩ Zuudãana Azezi-krisi doosgo pʋam ka bigsra la yelle.

1 Tesaloniki 5:8

La tõma n de wʋntɛɛŋa nẽrba la, tɩ tara tɩ mẽŋa sõŋa. La tɩ bɔ Azezi sɩra, dee tara nõŋlʋm wʋ kuto fuugo tɩ sʋdaaga dɩkɛ pĩ a yõ'ogɔ tɩ la gu'ura ẽ zɛbrɛ pʋam na. Dee basɛ tɩ fãarɛ la tɩ ya tarɩ pʋtẽ'erɛ gu'ura la, ãna wʋ kuto zuu-wannɛ gu'ura ya.

2 Tesaloniki 1:4

Bɛla tɩ tõma tɔgra yãma yelle Nawẽnnɛ nẽrba lagsgɔ zẽ'a woo la sũ-yẽlga. Se'ere n soe la, yãma mõrgɛ mɛ zɛ kãŋkãŋɛ Azezi doosgo la pʋam ka basra, baa nẽrba n nãmsrɩ ya, la toogo n paarɩ ya la.

2 Tesaloniki 3:5

Zuudãana la wʋn basɛ tɩ ya tara Nawẽnnɛ nõŋlʋm, dee mõrgɛ zɛ kãŋkãŋɛ wʋ Krisi la.

1 Timoti 6:11

La fõn de Nawẽnnɛ nẽra la, zãagɛ fʋ mẽŋa la bõn-bãma, dee ɛ sɛla n masɛ, la Nawẽnnɛ sakrɛ, ken bɔ ẽ sɩra, ɛ nõŋlʋm, la sũ-mã'arɛ, la sũ-bʋgsʋm.

2 Timoti 3:10

La fõn mi bõn-sɛba tɩ mam zãsʋm nẽrba mɛ, fʋ mi mam yel-ɩrɛ, la mam yɛm loore n ãn se'em mɛ, la fʋ mi mam n bɔ Nawẽnnɛ sɩra se'em, la mam sũ-mã'arɛ, la mam nõŋlʋm, la mam n ze'ele kãŋkãŋɛ se'em,

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Taitusi 3:7

tɩ a yel-sõnnɛ na botɩ tõma masɛ a nẽŋam, lebge a kɔma wʋn yẽ vɔm n ka ba'asrɩ tɩ tõma tarɩ pʋtẽ'erɛ gu'ura la.

Hiburuduma 10:32

Tẽegɛ-ya yãma n daan pɔsɛ yẽ Nawẽnnɛ peelem n pa'alɛ ya sɩra la, lan daan ãn se'em bɔ ya, ya daan yẽ nãmsgɔ zo'oge mɛ, la ya wĩbe mɛ ze'ele kãŋkãŋɛ.

Hiburuduma 10:36

Yãma de la ya nargɛ pãŋa sẽŋɛ nẽŋa ẽŋɛ Nawẽnnɛ n boorɩ se'em, tɩ ya wʋn to'oge sɛla tɩ a bĩŋe nõorɛ tɩ a bɔ ya la.

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.

Hiburuduma 3:6

La Krisi de la Nawẽnnɛ Dayʋa n de sɩra dãana sɔna deego la. A deego la de la tõma, tõma sãn ze'ele kãŋkãŋɛ la bʋraanɛ, dee tara pʋtẽ'erɛ gu'ura sɛla tɩ tɩ bɔ sɩra la, la sũ-yẽlga, ka paagɛ ba'asgɔ.

Hiburuduma 5:7

Azezi-krisi n daan boe dũnia wã wakat-sɛka la, a pʋ'ʋsɛ mɛ sose Nawẽnnɛ n de sɛka n tã wʋn fãagɛ ẽ kũm pʋam basɛ la, belem ẽ na nintãm. Tɩ Nawẽnnɛ lerge a sosgo, a sik-m-mẽŋa la pʋam.

Hiburuduma 6:12

Tõma ka boorɩ tɩ ya tara zẽyãgrɛ, ɩta-ya wʋ nẽr-sɛba n bɔ Nawẽnnɛ sɩra, mõrgɛ sẽŋɛ nẽŋa yẽ sɛla tɩ Nawẽnnɛ bĩŋe nõorɛ tɩ a bɔ a nẽrba la.

Hiburuduma 6:15

Tɩ Abraham mõrgɛ sẽŋɛ nẽŋa, yẽ sɛla tɩ Nawẽnnɛ bĩŋe nõorɛ tɩ a ẽŋɛ la.

Yemesi 5:7

M sɔbiisi, mã'ara ya sũure gu'ura Zuudãana la lemŋo. Bɩsɛ-ya kaara n mã'arɩ a sũure se'em gu'ura tɩ a va'am bõnkɔɔla biɛ wʋn wa bɩ sõŋa. A ẽn gu'ura mɛ tɩ sig-saaga wa ni, tɩ poorʋm saasɩ ni, tɩ bõnkɔɔla la biɛ bɩ sõŋa.

1 Pita 4:13

Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

2 Pita 1:6

tɩ bãŋrɛ la pʋam, yõk-m-mẽŋa pa'asɛ, tɩ yõk-m-mẽŋa la pʋam, wĩbga pa'asɛ, tɩ wĩbga la pʋam, Nawẽnnɛ doosgo sɩra sɩra pa'asɛ,

Lilegere 13:10

Nẽr-sɛka n de ba yõkɛ ẽ sẽŋɛ, ba wʋn yõkɛ ẽ sẽŋɛ. Nẽr-sɛka n de ba kʋ ẽ na sʋ'a, ba wʋn kʋ ẽ na sʋ'a. Bɛla, dẽnɩ tɩ Nawẽnnɛ nẽrba tara sũ-ke'eŋo, dee bɔ Nawẽnnɛ sɩra.