Aromduma 12:1 - Farefare Ninkaré

¹ M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

ZE'ELEGO PAALEGA

¹ Bala zuo, n yeti ya mɛ n suurɔ, ti Yinɛ nimbɔ'zɔrɛ la zuo, ya dikɛ ya ihi la bo' wuu kaabɛ vua la, dɛna tuulum kaabegɔ, gee tigɛ Yinɛ nini, dina en de ya sia puan na'ahegɔ.

Aromduma 12:1 ပူးပေါင်းရင်းမြစ်များ

Aluki 7:47

Bɛla ĩyã tɩ mam yele fʋ yetɩ, Nawẽnnɛ basɛ a tõon-be'ero n zo'oge la taalɛ mɛ. Bɛla n soe tɩ a nõŋrɛ la zo'oge. La nẽr-sɛka tɩ Nawẽnnɛ basɛ a tõon-be'ero taalɛ fẽfẽe la, a nõŋrɛ mẽ de la fẽe.»

Aromduma 12:2

Da ãna-ya wʋ dũnia wã dõma n ãn se'em na. Basɛ-ya tɩ ya yɛm like dɛna paalga, tɩ ya teege, tã'agɛ bãŋɛ Nawẽnnɛ n boorɩ se'em: Sɛla n ãn sõŋa, sɛla n paarɩ a yɛm, sɛla n masɛ sõŋa sõŋa.

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

Aromduma 15:30

M sɔbiisi, tɩ Zuudãana Azezi-krisi ĩyã, la Nawẽnnɛ Sɩa n bɔ'ɔrɩ nõŋlʋm na ĩyã, mam sosrɩ ya mɛ, tɩ ya lagɩm na mam mõrgɛ pʋ'ʋsɛ Nawẽnnɛ mam ĩyã.

Aromduma 2:4

Bɩɩ fõn ka nannɩ la Nawẽnnɛ ɩr-sõŋɔ, la a sũ-bʋgsʋm, la a sũ-mã'arɛ n zo'oge la? Fʋ mi tɩ Nawẽnnɛ ɩr-sõŋɔ la boorɩ tɩ fʋ teege la yɛm basɛ tõon-be'ero.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

Aromduma 6:19

Mam dɩkɛ la nẽrsaalba yelle makɛ bɔ ya, yãma n ka wõnnɩ sɛla võorɛ tɔtɔ la ĩyã. Yãma n daan dɩkɛ ya ĩyã zẽ'esɩ wuu bɔ tõon-dẽgrɔ, la tõon-be'ero tɩ ba tara ba tõnna tõon-be'ero la, bɛla mẽ, lɛɛlɛ wã, dɩkɛ-ya ya mẽŋa wuu bɔ, tõnna sɛla n masɛ, welge to'ore dɛna pʋpeelem dõma.

Aromduma 9:23

La a ken bɔɔra tɩ a pa'alɛ la a nã'asgɔ n zo'oge se'em nẽr-sɛba tɩ a zotɩ ba ninbãalga la zẽ'am. Bãma de la sɛba tɩ a põn mãasʋm tɩ ba po yẽ a nã'asgɔ.

1 Korẽntɩ 1:10

M sɔbiisi, mam sosrɩ ya la tɩ Zuudãana Azezi-krisi yʋ'ʋrɛ tɩ ya wuu sakra taaba nõorɛ, tɩ welgre da bɔna ya tẽŋasʋka. Ẽŋɛ-ya nõorɛ ayɩla, tara pʋtẽ'erɛ ayɩla la taaba.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 4:1

Nawẽnnɛ n zoe tõma ninbãalga bɔ tõma tõon-ẽŋa la ĩyã n soe tɩ tõma bʋraanɛ ka bɔ'ɔra.

2 Korẽntɩ 4:16

Bɛla tɩ tõma bʋraanɛ ka bɔ'ɔra. La baa tõma ĩyã n sã'anɩ na, tõma sɩa lebgrɩ la paalga daarɛ woo.

2 Korẽntɩ 5:20

Bɛla, Krisi n tõm tõma tɩ tõma sɔɔgɛ a zẽ'am tɔgra la yãma wʋ Nawẽnnɛ mẽŋa n tɔgrɩ kã'ana ya tõma yetɔga la pʋam. Krisi ĩyã tõma sosrɩ ya mɛ tɩ ya naagɛ la Nawẽnnɛ.

2 Korẽntɩ 6:1

Tõma n lagɩm na Nawẽnnɛ tõnna la ĩyã, tõma sosrɩ ya mɛ tɩ ya da basɛ tɩ yel-sõnnɛ na tɩ ya to'oge Nawẽnnɛ zẽ'am na dɛna zãŋa.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

Efɛɛzɩ 5:10

Bãŋɛ-ya sɛla n paarɩ Zuudãana yɛm bɔkɛ.

Filipi 1:20

Mam n boorɩ sɛla, dee tara pʋtẽ'erɛ gu'ura sɛla la, de la mam kãn ẽŋɛ sɛla baa ayɩla tɩ yãnnɛ yõkɛ mam. La de la mam tara bʋraanɛ lɛɛlɛ wã la wakatɛ wuu, basɛ tɩ Krisi yẽ nã'asgɔ mam ĩyã, la sãn dɛna mam vɔa mɛ, bɩɩ mam sãn ki mɛ.

Filipi 2:17

Ba sãn kʋ mam, la wʋn ãna wʋ kãabgɔ pa'asɛ yãma n bɔ Nawẽnnɛ sɩra tɩ la ãna wʋ kãabgɔ bɔ ẽ na pʋam. Baa la sãn dɛna bɛla, mam sũure ãn yẽlʋm mɛ, la mam wʋn ẽŋɛ sũ-yẽlga la yãma wuu.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

1 Tesaloniki 4:10

La yãma sɩrɩ nõŋɛ ya sɔbiisi wuu n boe Masedʋanɩ so'olʋm wuu la bɛla. La tõma kã'anɩ ya mɛ tɩ ya malɩn ẽŋɛ gãŋɛ bɛla pa'asɛ.

1 Tesaloniki 5:12

M sɔbiisi, tõma sosrɩ ya mɛ tɩ ya nanna sɛba n tõnnɩ ya tẽŋasʋka la, sɛba tɩ Zuudãana looge tɩ ba bɔna ya nẽŋa pa'ala ya Azezi sore la pʋam, dee kã'ana ya la.

1 Timoti 2:3

Bõn-ẽna n ãn sõŋa bɔ Nawẽnnɛ n de tɩ Fãagra dee ãna a sũure yẽlʋm.

1 Timoti 5:4

Pɔkõorɛ sãn tara kɔma bɩɩ yɩɩsɩ, bãma n masɛ tɩ ba bɩsra ba mẽŋa yir-dõma yelle, ba bɩsra ba dɔgrɩba la yelle wʋ ba dɔgrɩba la n daan bɩsrɩ ba yelle se'em na, bɛla n ãn Nawẽnnɛ sũure yẽlʋm.

Afilmõ 1:10

Mam sosrɩ fʋ la A'onezim tɩ mam boe yʋ'a deem tɩ a sakɛ Azezi lebge mam bia la ĩyã.

Afilmõ 1:9

mam sosrɩ fʋ la nõŋlʋm. La de la mam Apolɩ n de bʋra-yã'aŋa, mam boe la yʋ'a deem lɛɛlɛ wã Azezi-krisi yelle.

Hiburuduma 13:22

M sɔbiisi, mam sosrɩ ya tɩ ya sakɛ to'oge kã'aŋɔ yetɔg-bãna wã, tɩ mam n gʋlsɛ ya gõn-sɛka wã ka zo'oge.

1 Pita 2:20

Fʋ sãn tõm na tõon-be'ero tɩ ba nãmsra fɔ tɩ fʋ sakɛ wĩbra, a ka tarɩ yõorɔ. La fʋ sãn tõm na tõon-sõma tɩ ba nãmsra fɔ, tɩ fʋ sakɛ wĩbra, la de la yel-sõnnɛ Nawẽnnɛ zẽ'am.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.