Aromduma 11:22 - Farefare Ninkaré

²² Bɩsɛ Nawẽnnɛ n ɩtɩ sõŋa se'em, dee tɔɩ se'em. A tɔɩ mɛ la sɛba n ka sakrɩ ẽ na, dee ɩta fʋ sõŋa, fʋ sãn ken bɔna a sõŋa la pʋam. Sãn dagna bɛla, a mẽ wʋn kʋ'ʋgɛ fʋ basɛ mɛ.

ZE'ELEGO PAALEGA

²² Bala, mini ya Yinɛ itesuŋɔ, la a kpe'eŋo seko ti a tara la. A nini mu'ɛ mɛ la sɛba en lu la, gee tara Yinɛ itesuŋɔ dɔla yamam, wuu ya han bɔna a sum la puan, bii a ŋmaaɛ yamam me bahɛ.

Aromduma 11:22 ပူးပေါင်းရင်းမြစ်များ

Aluki 8:15

La zẽ'e-sõŋɔ la tɩ bõnbuuri sɛba lui la, ãn wʋ nẽr-sɛba n wõm yetɔga la, dee sakra dɩkra yetɔga la ɩta ba sũure pʋam sõŋa sõŋa, mõrgɛ zɛ kãŋkãŋɛ Nawẽnnɛ sore la pʋam wʋ bõnbuuri la n wɔm biɛ se'em na.»

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Azã 8:31

Tɩ Azezi yele Zifdõma sɛba n daan bɔ ẽ sɩra la yetɩ: «Ya sãn sakra mam yetɔga la ka basɛ, ya sɩrɩ de la mam karẽnbiisi.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

Aromduma 11:21

Se'ere n soe la, Nawẽnnɛ n ka basɛ tɩa mẽŋa wila la, bãŋɛ tɩ a ken kãn basɛ fõn mẽ, fʋ sãn ka bɔ ẽ sɩra.

Aromduma 2:7

Nẽr-sɛba n mõrgɛ ɩta sõŋa ɛɛra nã'asgɔ la pẽka, la vɔm n ka ba'asrɩ Nawẽnnɛ zẽ'am na, a wʋn bɔ ba la vɔm n ka ba'asrɩ.

1 Korẽntɩ 15:2

Ya sãn gʋrɛ ẽ kãŋkãŋɛ wʋ mam n mõolɛ ya se'em na, ya wʋn yẽ fãarɛ. La sãn dagna bɛla, yan bɔ sɩra la de la zãŋa.

Galatɩ 6:9

Bɛla, tɩ da targɛ-ya la tõon-sõma tõoma. Tɩ sãn ɩta dee ka basɛ, wakatɛ la sãn wa paagɛ, tɩ wʋn yẽ a yõorɔ.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

1 Tesaloniki 3:8

Lɛɛlɛ wã, tõma le vɔa la sũ-yẽlga, yãma n ze kãŋkãŋɛ Zuudãana doosgo la pʋam na.

Hiburuduma 10:23

Tɩ pa'alɛ-ya tɩn tarɩ pʋtẽ'erɛ gu'ura sɛla la da basɛ, se'ere n soe la, Nawẽnnɛ de la sɩra dãana, a wʋn ẽŋɛ ẽŋa n bĩŋe a nõorɛ se'em na.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

Hiburuduma 3:6

La Krisi de la Nawẽnnɛ Dayʋa n de sɩra dãana sɔna deego la. A deego la de la tõma, tõma sãn ze'ele kãŋkãŋɛ la bʋraanɛ, dee tara pʋtẽ'erɛ gu'ura sɛla tɩ tɩ bɔ sɩra la, la sũ-yẽlga, ka paagɛ ba'asgɔ.

1 Zã 2:19

Nẽr-bãma ze'ele la tõma zẽ'am yese, la ba daan dagɩ tõma nẽrba sɩra sɩra. Ba daan sãn de nɩ tõma nẽrba, ba wʋn weege nɩ bɔna la tõma zẽ'am. La ban basɛ tõma la, dẽnɩ tɩ la ẽŋɛ bɛla tɩ la pa'alɛ vẽelga tɩ ba nẽra baa ayɩla dagɩ tõma nẽra.

Lilegere 2:5

Tẽegɛ-ya yãma n daan ɩtɩ se'em dee basɛ la. Teege-ya yɛm basɛ tõon-be'ero, dee ɩta yãma n daan ɩtɩ se'em pɔspɔsɩ la. Sãn dagna bɛla, mam wʋn wa'am ya zẽ'am wa dɩkɛ ya fɩtla la a dɔglgɔ zẽ'am mɛ, ya sãn ka teege yɛm basɛ tõon-be'ero.