Aromduma 11:20 - Farefare Ninkaré

²⁰ La de la sɩra, la de la ban ka bɔ Nawẽnnɛ sɩra la ĩyã tɩ a kʋ'ʋsɛ ba basɛ. La fõn bɔ ẽ sɩra la ĩyã tɩ fʋ toŋe mĩ. Bɛla, da ɩta tɩta'alʋm, zɔta dabeem.

ZE'ELEGO PAALEGA

²⁰ Bala dela asira. Gee yila la kɔ' doohe la ba bumbu'um zuo, gee yamam ze' doohe la sakerɛ zuo. Bala, da ŋmɛ'ɛra ya nyu'urɔ gee tum ze' ya la dabeem.

Aromduma 11:20 ပူးပေါင်းရင်းမြစ်များ

Aluki 18:14

Azezi yele bɛla dee yetɩ: «Mam yetɩ ya mɛ tɩ bʋra-ẽna wã n kule la, a yelle masɛ mɛ Nawẽnnɛ zẽ'am, dee tɩ Farisi nẽra la yelle ka masɛ. Se'ere n soe la, nẽr-sɛka woo n zẽkrɩ a mẽŋa, Nawẽnnɛ wʋn sike ẽ mɛ, la nẽr-sɛka n sikri a mẽŋa, Nawẽnnɛ wʋn zẽkɛ ẽ.»

Tõoma 18:6

Tɩ ba sɩ'ɩsɛ dee tɔgra ẽ tɔg-be'ero. Tɩ a pĩsũm a futo pa'alɛ tɩ ba ka ẽŋɛ sõŋa, dee yele ba yetɩ: «Ya sãn yẽ nãmsgɔ, ya yelle boe la ya mẽŋa zuo, la dagɩ mam yelle. La zĩna tɛka mam wʋn sẽŋɛ la sɛba n dagɩ Zifdõma la zẽ'am.»

Aromduma 11:18

Bɛla, da pɔ'ɔra wila tɩ ba kʋ'ʋsɛ basɛ la. Da wẽ'era yõ'ogɔ, tɩ la dagɩ fõn tarɩ yẽga la, yẽga la n tarɩ fõn.

Aromduma 11:21

Se'ere n soe la, Nawẽnnɛ n ka basɛ tɩa mẽŋa wila la, bãŋɛ tɩ a ken kãn basɛ fõn mẽ, fʋ sãn ka bɔ ẽ sɩra.

Aromduma 12:16

Tara-ya pʋtẽ'erɛ ayɩla la taaba. Da dɛna-ya pa'al-m-mẽŋa dõma, sakra-ya lagna la tarɩmdõma. Da bɩsra ya mẽŋa tɩ yãma de la yɛm dõma.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

Aromduma 3:3

La ba nẽrba basɛba sãn dagna sɩra dõma, bɛla wʋn botɩ Nawẽnnɛ kãn dɛna sɩra dãana mɛ bɩɩ?

1 Korẽntɩ 10:12

Bɛla, nẽr-sɛka n tẽ'esɛ tɩ ẽŋa ɩtɩ sõŋa dee zɛ sõŋa, a guuse da lui.

1 Korẽntɩ 15:1

M sɔbiisi, lɛɛlɛ wã mam boorɩ tɩ m tẽegɛ ya la kõ-yẽlga la tɩ mam daan mõolɛ bɔ ya tɩ ya bɔ sɩra zɛ kãŋkãŋɛ la yelle.

1 Korẽntɩ 16:13

Guuse-ya ya mẽŋa zɛ kãŋkãŋɛ Nawẽnnɛ sore doosgo la pʋam. Keŋe ya mẽŋa, tara-ya bʋraanɛ.

2 Korẽntɩ 1:24

La dagɩ tɩ tõma boorɩ tɩ mõrgɛ ya mɛ ya bɔ sɩra la pʋam. Tõma boorɩ tɩ tɩ lagɩm na ya lɛ mɛ tõm tɩ ya yẽ sũ-yẽlga. Se'ere n soe la, yãma ze mɛ kãŋkãŋɛ ya bɔ sɩra la pʋam.

2 Korẽntɩ 10:5

la bõn-sɛba wuu n zẽkrɩ ba mẽŋa botɩ nẽrba ka bãŋra Nawẽnnɛ pãŋa. Dee yãŋra tẽ'esgɔ buuri wuu botɩ ba sakra Krisi.

Filipi 2:12

Bɛla, m sɩr-nõŋrɩsɩ, mam n daan boe la ya lɛ la, ya daan sakrɩ mɛ wakatɛ wuu, la mam n ka boe ya zẽ'am wã, ken ɩta-ya gãnna bɛla. Tõnna-ya fãarɛ la tõoma sõŋa sõŋa la Nawẽnnɛ zʋa.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

2 Tesaloniki 2:4

A wʋn sise bõn-sɛba wuu tɩ nẽrba nã'asrɩ, dee yetɩ ba de la wẽnnɛ, a wʋn zẽkɛ a mẽŋa mɛ gãnna bõn-bãma wuu. Halɩ, a wʋn põn sẽŋɛ ka kẽ la Nawẽnnɛ deego la pʋam zĩ'ire yetɩ ẽŋa de la Nawẽnnɛ.

1 Timoti 6:17

Kã'an nẽr-sɛba n tarɩ dũnia wã bõntarsõm na yetɩ, ba da zẽkra ba mẽŋa, la ba da dɩkɛ ba te'ere te'ege bõntarsõm tɩ ba ka mĩ ban wʋn ãna se'em, ba te'ege Nawẽnnɛ, tɩ ẽŋa n bɔ'ɔrɩ tɔ sɛla woo tɩ la sɛkra sõŋa sõŋa tɩ tɩ ɩta sũ-yẽlga.

Hiburuduma 3:12

M sɔbiisi, guuse-ya ya mẽŋa tɩ ya nẽr-sɛka da tara pʋtẽ'e-be'ero n wʋn basɛ tɩ a ka bɔ Nawẽnnɛ sɩra, tɩ bõn-ẽŋa basɛ tɩ a welge la Nawẽnnɛ n de vɔm dãana la.

Hiburuduma 3:19

La tõma yẽ tɩ ba yʋʋn ka yãŋɛ kẽ, ban ka bɔ Nawẽnnɛ sɩra la ĩyã.

Hiburuduma 4:11

Bɛla, tɩ wɩsgɛ tɩ mẽŋa yẽ vo'osgo ẽna, tɩ guuse tɩ nẽra baa ayɩla da doose sɩ'ɩsgɔ la sore koŋe ka kẽ.

Hiburuduma 4:6

Nẽr-sɛba n yʋʋn wõm Nawẽnnɛ kõ-yẽlga la pɔspɔsɩ la ka kẽ, ban ka sakɛ la ĩyã. La dẽnɩ tɩ nẽrba kẽ.

Yemesi 2:19

Fõn sakɛ mɛ tɩ Nawẽnnɛ ayɩla mã'a n boe. La ãn sõŋa. Kʋlkã'arsɩ mẽ sakɛ la bɛla, dee gõgra la dabeem.

Yemesi 4:6

La a ɩtɩ la yel-sõnnɛ n ãn sõŋa gãnna bɔ'ɔra tɔ, wʋ lan gʋlsɛ yetɩ: «Nawẽnnɛ zagsrɩ zẽk-m-mẽŋa dõma mɛ, dee ɩta sik-m-mẽŋa dõma yel-sõnnɛ.»

1 Pita 1:17

Yãma n pʋ'ʋsrɩ Nawẽnnɛ na, ya wi'iri ẽ tɩ ya Sɔ. Nawẽnnɛ ka tũ'usri nẽrba. A diti nẽrsaalba sarɩya la sɩra, wʋ nẽra woo tõoma n de se'em na. Bɛla, pa'alɛ-ya tɩ yãma nannɩ ẽ ya yel-ɩrɛ wuu pʋam, yãma n ken bɔna dũnia zuo wã.

1 Pita 5:12

Mam botɩ Asilvẽ n gʋlsɛ gõn-pɩka wã, ẽŋa n de sɔbia tɩ mam bɩsɛ tɩ a de sɩra dãana. Mam gʋlsɛ gõŋɔ wã tɩ m bɔ ya la bʋraanɛ, dee botɩ ya bãŋɛ tɩ yel-sõnnɛ na tɩ ya tarɩ la, de la Nawẽnnɛ yel-sõnnɛ mẽŋa mẽŋa pʋam tɩ ya boe.

1 Pita 5:9

Bɔ-ya Azezi-krisi sɩra ze'ele kãŋkãŋɛ, dee sɩ'ɩsɛ Asũtãana, la ya bãŋɛ tɩ ya sɔbiisi n boe dũnia zẽ'a woo mẽ nãmsrɩ la nãmsgɔ bãma mẽŋa buuri.

Lilegere 18:7

Nãmsɛ-ya ẽ tɩ a yẽ toogo la sũ-sã'aŋɔ, wʋ ẽŋa n nã'asrɩ a mẽŋa la a nẽnnõm lɔgrɔ se'em na: A yetɩ a mẽŋa tɩ: ‹Mam zĩ dɛna la pɔg-naba, mam dagɩ pɔkõorɛ, la mam kãn yẽ nãmsgɔ, la sũ-sã'aŋɔ.›

Lilegere 3:17

Ya yetɩ yãma de la bõntatba, yãma tarɩ sɛla woo mɛ tɩ sɛla ka pɔ'ɔgɛ yãma. La, ya ka mi tɩ ya de la ninbãal-dõma, la farɛ dõma. Ya de la nasdõma, la bɛɛla, la fɔɔsɩ.