Aromduma 10:8 - Farefare Ninkaré

⁸ Bɛla, la ken gʋlsɛ yetɩ bẽm? La yetɩ: «Nawẽnnɛ yetɔga la lɛm fʋ mɛ, a boe la fʋ nõorʋm, la fʋ sũurum.» La de la yetɔg-ẽŋa n bɛla tɩ tõma mõolɩ yɛta nẽrba tɩ ba bɔ sɩra.

ZE'ELEGO PAALEGA

⁸ Gee gulehegɔ la yeti boo? “Yelehum la lɛm ya mɛ, kɔ'ɔm bɔna ya nɔgbamen la ya suyan.” (Sakerɛ yelehum la ti tu muula la n bala.)

Aromduma 10:8 ပူးပေါင်းရင်းမြစ်များ

Tõoma 10:43

Nawẽnnɛ nõtɔ'ɔsrɩba la wuu yʋʋn tɔgɛ a yelle mɛ yetɩ, sɛka woo n bɔ ẽ sɩra, Nawẽnnɛ wʋn basɛ a dãana tõon-be'ero taalɛ a yʋ'ʋrɛ ĩyã.»

Tõoma 16:31

Tɩ ba lerge ẽ yetɩ: «Bɔ Zuudãana Azezi sɩra, tɩ fõn na fʋ yir-dõma wuu wʋn yẽ fãarɛ.»

Aromduma 10:17

Bɛla, la de la kõ-yẽlga la selsgo n sẽm na bɔ sɩra, la kõ-yẽlga la de la Azezi-krisi yelle tɩ ba tɔgrɩ.

Galatɩ 3:2

Mam boorɩ tɩ m soke ya la sokre ayɩla mã'a tɩ ya lerge mam: Yãma n to'oge Nawẽnnɛ Sɩa la, la de la yãma n sakrɩ ɩta lɔɔ la n yele se'em na ĩyã bɩɩ? Ayɛɩ, la de la yãma n wõm kõ-yẽlga la, bɔ Azezi-krisi sɩra la ĩyã.

Galatɩ 3:5

Nawẽnnɛ n bɔ ya a Sɩa, dee ɩta bõn-yãlma ya tẽŋasʋka la, la dagɩ yãma n ɩtɩ lɔɔ n yele se'em na ĩyã, la de la yãma n wõm kõ-yẽlga la, bɔ Azezi-krisi sɩra la ĩyã.

Efɛɛzɩ 5:26

A ẽŋɛ bɛla tɩ a malgɛ ba la a yetɔga, tɩ ba ãna sõŋa wʋ ban sɔɔrɩ ĩyã la ko'om se'em na, botɩ ba welge to'ore dɛna Nawẽnnɛ nẽrba.

1 Timoti 4:6

Pa'alɛ sɔbiisi la bɛla, tɩ fʋ wʋn dɛna Azezi-krisi tõntõn-sõŋɔ, n to'oge Nawẽnnɛ yetɔga tɩ fʋ bɔ sɩra la, tɩ a pa'asra fʋ pãŋa, dee dɔla zãsŋɔ n de sɩra la sõŋa.

1 Pita 1:23

Ba dɔgɛ yãma la dɔg-paalga, la dagɩ nẽrsaala dɔka n bɔ'ɔrɩ vɔm sɛka n sã'anɩ la, la de la Nawẽnnɛ yetɔga n vɔa dee bɔna wakatɛ wuu la, n botɩ ya yẽ dɔg-paalga tara vɔm n ka ba'asrɩ.

1 Pita 1:25

La Nawẽnnɛ yetɔga boe la wakatɛ n ka ba'asrɩ.» Yetɔg-ẽŋa n de kõ-yẽlga la tɩ ba mõolɛ bɔ ya la.