Aromduma 10:3 - Farefare Ninkaré

³ Ba ka mi Nawẽnnɛ n ɩtɩ se'em botɩ nẽrba masra a zẽ'am, dee bɔɔra tɩ ba ẽŋɛ sɔa ba mẽŋa masɛ Nawẽnnɛ zẽ'am. Bɛla, ba ka sakɛ Nawẽnnɛ n ɩtɩ se'em botɩ nẽrba masra a zẽ'am na.

ZE'ELEGO PAALEGA

³ Se'ere en sɔi la ba ka mi' tuuntɔɔ vom sebo en ze'ele Yinɛ zi'an na la, gee zigera ti ba tum ba mɛŋa tuntɔɔnɛ la, ba ka dikɛ ba mɛhi bo' Yinɛ tuntɔɔnɛ la.

Aromduma 10:3 ပူးပေါင်းရင်းမြစ်များ

Aluki 10:29

La ẽŋa n boorɩ tɩ a bɔ a mẽŋa bʋʋrɔ la, tɩ a soke Azezi yetɩ: «Ãne n de mam tadãana?»

Aluki 16:15

Tɩ Azezi yele ba yetɩ: «Yãma pa'alɩ ya mẽŋa nẽrba nẽŋam wʋ ya de la nẽr-sõma. La Nawẽnnɛ mi ya pʋtẽ'era n ãn se'em mɛ. Bõn-sɛka tɩ nẽrsaalba pẽgrɩ la, de la bõn-dẽgrɔ Nawẽnnɛ zẽ'am.

Aromduma 1:17

Kõ-yẽlga la n pukri pa'ala tõma Nawẽnnɛ n ɩtɩ se'em botɩ nẽrba masɛ a zẽ'am. La de la bɔ sɩra, tarɩ ka ba'asɛ la bɔ sɩra, wʋ lan gʋlsɛ Nawẽnnɛ gõŋɔ pʋam se'em yetɩ: «Nẽra n bɔ Nawẽnnɛ sɩra masɛ a zẽ'am wʋn vɔa, ẽn bɔ ẽ sɩra la ĩyã.»

Aromduma 10:2

Mam yetɩ mɛ tɩ ba wɩsgɛ ba mẽŋa mɛ la Nawẽnnɛ sore doosgo, la ba ka mi la so-sɛka tɩ ba wʋn doose.

Aromduma 10:20

La A'ezayi yẽ bʋraanɛ mɛ yele tɩ Nawẽnnɛ yetɩ: «Nẽr-sɛba n daan ka eerɩ mam na, ba yẽ mam mɛ, mam puke m mẽŋa mɛ pa'alɛ nẽr-sɛba n daan ka sokrɩ mam yelle la.»

Aromduma 11:7

Bɛla, bẽm ẽŋɛ? Ɩsrayɛlɩ nẽrba ka yẽ bãma n eerɩ sɛla la. La de la sɛba tɩ Nawẽnnɛ looge fẽe ba pʋam na mã'a n yẽ. La nẽrba basɛba la lebge la nẽrba n ka wõnnɩ sɛla võorɛ.

Aromduma 3:22

La de la nẽra n bɔ Azezi-krisi sɩra ĩyã, tɩ Nawẽnnɛ botɩ a masɛ a zẽ'am. A ɩtɩ bɛla bɔ'ɔra la nẽr-sɛba wuu n bɔ Azezi-krisi sɩra la, bɔkrɛ ka boe.

Aromduma 3:26

A ẽŋɛ bɛla tɩ a pa'alɛ lɛɛlɛ wã tɩ ẽŋa de la sɩra dãana, ẽŋa mẽŋa masɛ mɛ, dee botɩ nẽr-sɛba n bɔ Azezi sɩra la masɛ ẽŋa zẽ'am.

Aromduma 5:19

Nẽra ayɩla n sɩ'ɩsɛ Nawẽnnɛ nõorɛ ĩyã n botɩ nẽrba zozo'e dɛna tõon-be'ero dõma la, bɛla mẽ, nẽra ayɩla mã'a n sakɛ Nawẽnnɛ nõorɛ ĩyã, tɩ Nawẽnnɛ botɩ nẽrba zozo'e dɛna nẽrba n masɛ a zẽ'am.

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

Filipi 3:9

lagɩm na ẽ dɛna ayɩla. Mam ka le yetɩ la de la lɔɔ la sakrɛ ĩyã tɩ mam masɛ Nawẽnnɛ zẽ'am, la de la mam n bɔ Krisi sɩra la ĩyã. Nawẽnnɛ n botɩ mam masɛ, mam n bɔ sɩra la ĩyã.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.