Aromduma 10:18 - Farefare Ninkaré

¹⁸ Bɛla, mam sokrɩ ya yetɩ, yãma tẽ'esɛ tɩ ba ka wõm kõ-yẽlga la mɛ bɩɩ? Ba wõm mɛ. La de wʋ Nawẽnnɛ gõŋɔ n yele se'em na: «Ba kõa la paagɛ tẽŋa wã wuu mɛ, ba yetɔga la saagɛ dũnia tɛka wuu mɛ.»

ZE'ELEGO PAALEGA

¹⁸ Gee mam sokere dela, Ba ka wum? Yelemɛŋerɛ, ba wum ya. Se'ere en sɔi la, la gulehɛ gɔŋɔ la puan yeti, “Ba kua yehe paaɛ timpaberɛ wa zi'an woo mɛ, ti ba yelehum la paaɛ timpaberɛ wa luga za'a.”

Aromduma 10:18 ပူးပေါင်းရင်းမြစ်များ

Amatie 24:14

Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Amatie 26:13

Mam yetɩ ya la sɩra, tɩ dũnia wã zẽ'e-sɛka wuu tɩ ba wʋn mõolɛ Nawẽnnɛ kõ-yẽlga la, ba mẽ wʋn tɔgɛ pɔka wã n ẽŋɛ mam se'em wã, tɩ ba tẽra a yelle.»

Amatie 28:19

Bɛla, sẽŋɛ-ya dũnia wuu ka botɩ nẽrba buuri wuu lebge mam karẽnbiisi. Mise-ya ba ko'om pʋam, la Sɔ Nawẽnnɛ, la a Dayʋa, la a Sɩa yʋ'ʋrɛ.

Amatie 4:8

Tɩ Asũtãana le tarɩ Azezi zom tãŋa n ba wɔgɛ zuo, ka pa'alɛ ẽ dũnia so'olʋm wuu la a na'am pãŋa,

Amarkɩ 16:15

A yele bɛla, dee yele ba yetɩ: «Sẽŋɛ-ya dũnia zẽ'a woo ka mõolɛ Nawẽnnɛ kõ-yẽlga la bɔ nẽrba wuu.

Amarkɩ 16:20

Tɩ a karẽnbiisi la sẽŋɛ ka mõolɛ kõ-yẽlga la zẽ'esɩ wuu. Tɩ Zuudãana la sõŋɛ ba, botɩ ba tõm tõon-yãlma pa'alɛ tɩ ba kõa la mõolgɔ de la sɩra.]

Tõoma 1:8

La Nawẽnnɛ Sɩa wʋn wa'am ya zuo, wa bɔ ya pãŋa. La ya wʋn dɛna mam kaset-dõma pa'alɛ mam yɛla Zerizalɛm, la Zude, la Samaari tẽnsʋm, halɩ ka paagɛ dũnia tɛka wuu.»

Tõoma 26:20

Bɛla tɩ mam pɔsɛ Damaasɩ, la Zerizalɛm, la Zude so'olʋm wuu, la bu-zãŋsɩ zẽ'am mõolɛ yetɩ, ba teege yɛm basɛ tõon-be'ero, dee lebe sakɛ Nawẽnnɛ, dee ẽŋɛ sɛla n pa'alɛ tɩ ba teege yɛm.

Tõoma 28:23

Tɩ ba bɔ Apolɩ daarɛ. Tɩ daarɛ la paagɛ, tɩ nẽrba zozo'e lagsɛ Apolɩ zẽ'am. Tɩ Apolɩ tɔgɛ Nawẽnnɛ so'olʋm yelle, la Azezi yelle n gʋlsɛ Amoyisi lɔɔ gõnnɔ pʋam, la Nawẽnnɛ nõtɔ'ɔsrɩba gõnnɔ pʋam na, pa'alɛ ba bulika halɩ ka paagɛ zaanõorɛ, mõrgra tɩ a botɩ ba sakɛ.

Aromduma 1:8

Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

Aromduma 15:19

tɩ Nawẽnnɛ Sɩa pãŋa botɩ mam ẽŋɛ bõn-yãlma, la yel-kɩrsɩ n tarɩ pãŋa. Bɛla tɩ mam ze'ele Zerizalɛm mõolɛ Azezi-krisi kõ-yẽlga la wuu zẽ'esɩ wuu halɩ ka paagɛ Iliri so'olʋm.

Kolɔsɩ 1:23

Bɛla, dẽnɩ tɩ ya ken bɔ sɩra zɛ kãŋkãŋɛ, da basɛ tɩ sɛla zãagɛ ya la kõ-yẽlga la tɩ ya wõm tara pʋtẽ'erɛ gu'ura sɛla la. La de la kõ-yẽlga ẽŋa tɩ ba mõolɛ bɔ nẽrsaalba wuu n boe dũnia zuo la. Mam Apolɩ de Nawẽnnɛ tõntõnna tɩ m mõolɛ la kõ-yẽl-ẽŋa.

Kolɔsɩ 1:6

Kõ-yẽlga ẽŋa paagɛ yãma zẽ'am mɛ, wʋ ẽn paagɛ dũnia zẽ'esɩ wuu se'em na, la a ɩtɩ nẽrba sõŋa mɛ, tɩ ba sakra zozo'e, tɩ ba kãllɛ pa'asra. A mẽ ɩtɩ la bɛla yãma zẽ'am lan sẽŋɛ la daar-sɛka tɩ yãma wõm, dee bãŋɛ Nawẽnnɛ yel-sõnnɛ sɩra sɩra la.

1 Tesaloniki 1:8

Zuudãana Azezi kõ-yẽlga la ze'ele la yãma zẽ'am saagɛ Masedʋanɩ, la Akayi, la, la dagɩ bilam mã'a, zẽ'esɩ wuu nẽrba wõm yãma n bɔ Nawẽnnɛ sɩra se'em mɛ, tɩ la põn ka le dɛna tɩ tɔgɛ.