Aromduma 10:17 - Farefare Ninkaré

¹⁷ Bɛla, la de la kõ-yẽlga la selsgo n sẽm na bɔ sɩra, la kõ-yẽlga la de la Azezi-krisi yelle tɩ ba tɔgrɩ.

ZE'ELEGO PAALEGA

¹⁷ Bala zuo, sakerɛ ze'eti la wuŋa puan na, ti sɛla ti ba wum la me ze'eti la Kiresta yelehum la puan na.

Aromduma 10:17 ပူးပေါင်းရင်းမြစ်များ

Amarkɩ 4:24

A le yele ba yetɩ: «Mõrgɛ-ya wõm yãma n selsrɩ se'em na võorɛ. Bõn-sɛka tɩ ya dɩkɛ makɛ bɔ nẽrba la, Nawẽnnɛ wʋn makɛ la bɛla lebse ya, le makɛ pa'asɛ.

Aluki 11:28

Tɩ Azezi lerge yetɩ: «Nẽr-sɛba n wõnnɩ Nawẽnnɛ yetɔga, dee sakra ɩta lan yele se'em na, n tõn tarɩ zu-yẽlga.»

Aluki 8:11

Makrɛ la võorɛ n wãna: Bõnbuuri la de la Nawẽnnɛ yetɔga.

Aluki 8:21

Tɩ a lerge ba yetɩ: «Nẽr-sɛba wuu n wõnnɩ Nawẽnnɛ yetɔga, dee sakɛ ɩta lan yele se'em na, n de mam ma, la mam yɩbsɩ.»

Azã 1:37

Tɩ a karẽnbiisi bayi la wõm ẽn yele se'em na, isge dɔla Azezi.

Aromduma 1:16

Yãnnɛ ka tarɩ mam la kõ-yẽlga la mõolgɔ. A de la Nawẽnnɛ pãŋa n botɩ nẽr-sɛba wuu n bɔ ẽ sɩra la yẽta fãarɛ, pɔspɔsɩ de la Zifdõma, pa'asɛ la sɛba n dagɩ Zifdõma.

Aromduma 10:14

La ba wʋn ẽŋɛ la wãne sose ẽ sõŋrɛ, ba sãn ka bɔ ẽ sɩra? La ba wʋn ẽŋɛ la wãne bɔ ẽ sɩra, ba sãn ka wõm a kõ-yẽlga la? La ba wʋn ẽŋɛ la wãne wõm kõ-yẽlga la, tɩ nẽra sãn ka mõolɛ?

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

Galatɩ 3:2

Mam boorɩ tɩ m soke ya la sokre ayɩla mã'a tɩ ya lerge mam: Yãma n to'oge Nawẽnnɛ Sɩa la, la de la yãma n sakrɩ ɩta lɔɔ la n yele se'em na ĩyã bɩɩ? Ayɛɩ, la de la yãma n wõm kõ-yẽlga la, bɔ Azezi-krisi sɩra la ĩyã.

Galatɩ 3:5

Nawẽnnɛ n bɔ ya a Sɩa, dee ɩta bõn-yãlma ya tẽŋasʋka la, la dagɩ yãma n ɩtɩ lɔɔ n yele se'em na ĩyã, la de la yãma n wõm kõ-yẽlga la, bɔ Azezi-krisi sɩra la ĩyã.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

Hiburuduma 4:2

Se'ere n soe la, tõma mẽ wõm Nawẽnnɛ kõ-yẽlga la wʋ nẽr-bãma n wõm se'em na. La bãma zẽ'am, yetɔga la tɩ ba yʋʋn wõm na ka tarɩ yõorɔ bɔ ba, bẽm ĩyã, sɛba n wõm na ka bɔ sɩra.

1 Pita 1:23

Ba dɔgɛ yãma la dɔg-paalga, la dagɩ nẽrsaala dɔka n bɔ'ɔrɩ vɔm sɛka n sã'anɩ la, la de la Nawẽnnɛ yetɔga n vɔa dee bɔna wakatɛ wuu la, n botɩ ya yẽ dɔg-paalga tara vɔm n ka ba'asrɩ.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.