Aromduma 1:8 - Farefare Ninkaré

⁸ Pɔspɔsɩ, Azezi-krisi ĩyã mam pʋ'ʋsrɩ mam Zuudãana Nawẽnnɛ a yel-sõnnɛ yãma wuu ĩyã, se'ere n soe la, ba tɔgrɩ yãma n bɔ Azezi sɩra se'em mɛ dũnia wã wuu.

ZE'ELEGO PAALEGA

⁸ Yia, mam bo'ori Yinɛ fara Yezu puan ya za'a zuo, beni zuo, ya sakerɛ la yele to'e tiŋa wa zuo za'a mɛ.

Aromduma 1:8 ပူးပေါင်းရင်းမြစ်များ

Amatie 24:14

Nawẽnnɛ so'olʋm kõ-yẽlga wʋn mõolɛ dũnia wuu mɛ, tɩ buuri wuu wõm, dee tɩ dũnia ba'asgɔ yãŋa paagɛ.

Aluki 2:1

Ban daan dɔgɛ Azã la, wakat-ẽŋa tɩ na-keko A'ogisti daan bɔ nõorɛ yetɩ, ba kãalɛ a tẽŋa la wuu nẽrba.

Tõoma 11:28

Tɩ ba nẽra ayɩla yʋ'ʋrɛ n de Agabisi isge ze'ele tɔgɛ la Nawẽnnɛ Sɩa pãŋa yetɩ, kɔm kãtɛ n wʋn wa'am dũnia wuu zuo. La kɔm ẽŋa sɩrɩ wa'am mɛ na-keko Akloorɩ wakatʋm.

Tõoma 28:22

La tõma boorɩ tɩ tɩ wõm na fõn tẽ'esrɩ se'em, la sãn dɛna sore la tɩ fʋ dolɩ la, tõma mi tɩ zẽ'a woo ba sɩ'ɩsrɩ ẽ mɛ.»

Aromduma 10:18

Bɛla, mam sokrɩ ya yetɩ, yãma tẽ'esɛ tɩ ba ka wõm kõ-yẽlga la mɛ bɩɩ? Ba wõm mɛ. La de wʋ Nawẽnnɛ gõŋɔ n yele se'em na: «Ba kõa la paagɛ tẽŋa wã wuu mɛ, ba yetɔga la saagɛ dũnia tɛka wuu mɛ.»

Aromduma 16:19

Nẽrba wuu bãŋɛ yãma n sakrɩ Zuudãana se'em mɛ. Bɛla, mam ɩtɩ sũ-yẽlga mɛ yãma ĩyã. La mam boorɩ mɛ tɩ ya tara yɛm mina sɛla n ãn sõŋa, la ya dɛna pʋpeelem dõma, da ɩta sɛla n de be'em.

Aromduma 6:17

Tɩ pʋ'ʋsɛ Nawẽnnɛ a yel-sõnnɛ: Kʋrʋm, yãma daan de la tõon-be'ero yamsɩ, la yãma to'oge sɩra zãsŋɔ la mɛ wʋ ban zãsʋm ya se'em na, sakɛ ẽ la ya sũure wuu.

1 Korẽntɩ 1:4

Mam pʋ'ʋsrɩ Nawẽnnɛ wakatɛ wuu ya ĩyã, ẽn bɔ ya a yel-sõnnɛ Azezi-krisi ĩyã la.

2 Korẽntɩ 2:14

Mam pʋ'ʋsrɩ Nawẽnnɛ n botɩ tõma dɔla Krisi poore daarɛ woo a tã'arɛ la pʋam, dee botɩ tõma ĩyã nẽrba bãŋra Krisi zẽ'a woo, wʋ yũuŋ-yẽlga n taagɛ zẽ'a wuu la.

Efɛɛzɩ 1:15

Bɛla n soe tɩ mam n wõm yãma n bɔ tɩ Zuudãana Azezi sɩra, la yãma n tarɩ nõŋlʋm la Nawẽnnɛ nẽrba wuu se'em na,

Efɛɛzɩ 1:16

tɩ mam tẽra ya yelle m pʋ'ʋsgɔ pʋam, pʋ'ʋsra Nawẽnnɛ a yel-sõnnɛ ya ĩyã ka gɔ'ɔra.

Efɛɛzɩ 3:21

ẽŋa n masɛ tɩ a yẽta nã'asgɔ Krisi nẽrba la zẽ'am Azezi-krisi ĩyã zamãana woo zamãana wakatɛ n ka ba'asrɩ. Amina.

Efɛɛzɩ 5:20

Pʋ'ʋsra-ya tɩ Sɔ Nawẽnnɛ a yel-sõnnɛ sɛla woo pʋam wakatɛ wuu, la tɩ Zuudãana Azezi-krisi yʋ'ʋrɛ.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 1:3

Mam pʋ'ʋsrɩ Nawẽnnɛ mɛ a yel-sõnnɛ ya ĩyã wakatɛ sɛka woo tɩ mam tẽegɛ ya yelle.

Kolɔsɩ 1:3

Tõma pʋ'ʋsrɩ Nawẽnnɛ n de tɩ Zuudãana Azezi-krisi Sɔ a yel-sõnnɛ mɛ, tõma pʋ'ʋsrɩ ẽ mɛ yãma ĩyã wakatɛ wuu.

1 Tesaloniki 1:2

Tõma pʋ'ʋsrɩ Nawẽnnɛ mɛ wakatɛ wuu a yel-sõnnɛ ya wuu ĩyã, dee tẽra ya yelle tɩ pʋ'ʋsgɔ pʋam ka gɔ'ɔra.

1 Tesaloniki 2:13

Tõma n daan mõolɛ Nawẽnnɛ kõ-yẽlga la bɔ ya la, ya daan to'oge ẽ, sakɛ tɩ la de la kõ-yẽlga n ze'ele Nawẽnnɛ zẽ'am, a ka ze'ele nẽrsaalba zẽ'am. Asɩra, la de la Nawẽnnɛ yetɔga n boe yãma sɛba n bɔ sɩra la sũure pʋam tõnna. Bɛla tɩ tõma pʋ'ʋsra Nawẽnnɛ wakatɛ wuu bõn-ẽŋa ĩyã.

2 Tesaloniki 1:3

M sɔbiisi, tõma masɛ mɛ tɩ tɩ pʋ'ʋsra Nawẽnnɛ daarɛ woo a yel-sõnnɛ yãma ĩyã. La ãn sõŋa mɛ tɩ tõma ɩta bɛla, se'ere n soe la, yãma n bɔ Azezi sɩra la sẽnnɩ nẽŋa mɛ zozo'e, tɩ yãma nẽra woo nõŋlʋm taaba ĩyã pa'asra.

2 Timoti 1:3

Mam pʋ'ʋsrɩ Nawẽnnɛ a yel-sõnnɛ, mam tõnnɩ bɔ'ɔra ẽ mina m sũure pʋam tɩ la ãn sõŋa, wʋ mam yaabdõma n yʋʋn tõnnɩ bɔ'ɔra ẽ se'em na. Mam tẽrɩ fʋ yelle m pʋ'ʋsgɔ pʋam yʋ'ʋŋɔ la wʋntɛɛŋa ka basra.

Afilmõ 1:4

Mam pʋ'ʋsrɩ Nawẽnnɛ daarɛ woo a yel-sõnnɛ mɛ, dee tẽra fʋ yelle m pʋ'ʋsgɔ pʋam ka basra.

Hiburuduma 13:15

Azezi ĩyã, tɩ nã'asra Nawẽnnɛ wakatɛ wuu tɩ la ãna wʋ kãabgɔ la, la boorɩ tɩ la yetɩ tɩ nõorɛ yetɔga zẽkɛ a yʋ'ʋrɛ pa'alɛ ẽn de sɛka.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 4:11

Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.