Aromduma 1:30 - Farefare Ninkaré

³⁰ tɔgra be'em zɛrgra taaba, ba de la wẽn-sɩ'ɩsrɩba, ka nanna taaba, zẽk-m-mẽŋa dõma, wẽ'er-m-yõ'ogɔ dõma, nẽrba n mi sɔa n wʋn doose tõm be'em, nẽrba n sɩ'ɩsrɩ ba madõma, la ba sɔdõma nõorɛ.

ZE'ELEGO PAALEGA

³⁰ Sagena nɛreba yu'ura, yaaɛ Yinɛ, tuura, ukerɛ, pa'ali mɛŋa, be'em maaheŋɔ, ka nana dɔgereba,

Aromduma 1:30 ပူးပေါင်းရင်းမြစ်များ

Amatie 15:4

Nawẽnnɛ yetɩ: ‹Nanna fʋ sɔ, la fʋ ma.› Dee le yetɩ: ‹Sɛka n tɔgɛ a sɔ bɩɩ a ma be'em, dẽnɩ tɩ ba kʋ ẽ.›

Amatie 16:21

Wakat-ẽŋa tɩ Azezi daan pɔsɛ zãsna a karẽnbiisi la yetɩ: «Dẽnɩ tɩ mam sẽŋɛ Zerizalɛm, tɩ tẽŋa la kẽma, la kãabgɔ kẽma nẽŋadõma, la lɔɔ karẽnsãandõma ka nãmsɛ mam halɩ zozo'e, la ba wʋn kʋ mam mɛ. La dabsa atã daarɛ mam wʋn vo'oge.»

Aluki 21:16

Baa la ya sɔdõma, la ya madõma, la ya sɔbiisi, la ya sɩrdõma wʋn yõgɛ ya sẽŋɛ ka bɔ, tɩ ba kʋ ya nẽrba basɛba.

Azã 7:7

Dũnia dõma kãn tã'agɛ sise yãma, la ba sisri mam mɛ, mam n tɔgrɩ pa'ala tɩ ba tõoma de la be'em na ĩyã.

Tõoma 5:36

La ka yuuge tɩ nẽra ayɩla yʋ'ʋrɛ n de Atedasɩ daan isge zẽkɛ a mẽŋa yetɩ, ẽŋa de la nẽrzuo. Tɩ nẽrba n paagɛ wʋ nẽr-kɔbsnaasɩ daan doose ẽ. Tɩ ba kʋ ẽ, tɩ nẽr-sɛba n daan dolɩ ẽ na wuu wɩrgɛ. Tɩ la lebge zãŋa.

Aromduma 2:17

Fõn yetɩ fõn de la Zifu la, fõn te'ege la Amoyisi lɔɔ la yẽsna tɩ fõn de la Nawẽnnɛ nẽra,

Aromduma 2:23

Fõn yẽsnɩ mɛ la Nawẽnnɛ lɔɔ la, dee sɩ'ɩsra lɔɔ la n yele se'em na, ɩta Nawẽnnɛ yãnnɛ.

Aromduma 3:27

Bɛla, bẽm pʋam tɩ nẽra tã wʋn wẽ yõ'ogɔ? Sɛla ka boe. Bẽm ĩyã? La dagɩ nẽra n sakrɩ lɔɔ la ĩyã tɩ a masɛ, la de la ẽn bɔ Azezi-krisi sɩra ĩyã.

2 Korẽntɩ 10:15

Tõma ka wẽ'erɩ yõ'ogɔ la tõon-sɛba tɩ nẽrba basɛba tõm, bɛla tõma ka yõsgɛ. La tõma tarɩ pʋtẽ'erɛ tɩ yãma n bɔ Nawẽnnɛ sɩra la wʋn pa'asra mɛ, tɩ tõma tõonɛ na zɔ'ɔra pa'asra yãma zẽ'am, tɩ la ken masɛ Nawẽnnɛ n bɔ tõma se'em na beene.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

2 Tesaloniki 2:4

A wʋn sise bõn-sɛba wuu tɩ nẽrba nã'asrɩ, dee yetɩ ba de la wẽnnɛ, a wʋn zẽkɛ a mẽŋa mɛ gãnna bõn-bãma wuu. Halɩ, a wʋn põn sẽŋɛ ka kẽ la Nawẽnnɛ deego la pʋam zĩ'ire yetɩ ẽŋa de la Nawẽnnɛ.

2 Timoti 3:2

Nẽrba wʋn dɛna la nõŋ-m-mẽŋa dõma, la lig-nõŋrɩba, ba wʋn dɛna la nẽrba n wẽ'erɩ ba yõ'orɔ, la pa'al-m-mẽŋa dõma, la nẽrba n tɔgrɩ sɛla n ka ãn sõŋa, la nẽrba n ka sakrɩ ba sɔdõma la ba madõma nõorɛ, la nẽrba n ka mi yel-sõnnɛ tɩ ba ẽŋɛ ba, la nẽrba toogo n ka boe la bõn-sɛba n de Nawẽnnɛ bõnɔ,

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

Yemesi 3:5

Nẽrsaala zɩlɩŋa mẽ ãn na bɛla, a de la ĩyã zẽ'a ayɩla n ãn pɩka pɩka, dee tɔgra yel-kãra. La de la bug-pɩka n tã wʋn di we-kãtɛ wuu.

Yemesi 4:16

La yãma pa'alɩ la ya mẽŋa dee wẽ'era yõ'ogɔ yãma n boorɩ tɩ ya ẽŋɛ sɛla la pʋam. Pa'al-m-mẽŋa wãna buuri wuu de la be'em.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.

Azudi 1:16

Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.