Aromduma 1:25 - Farefare Ninkaré

²⁵ Ba dɩkɛ Nawẽnnɛ yelle n de sɩra la basɛ mɛ, dee dɔla põmpɔrŋɔ. Ba nã'asrɩ la bõn-sɛba tɩ Nawẽnnɛ nãam na, tõnna bɔ'ɔra ba, dee basɛ Nawẽnnɛ mẽŋa n de sɛka n nãam sɛla woo la. Ẽŋa n masɛ pẽka wakatɛ n ka ba'asrɩ. Amina.

ZE'ELEGO PAALEGA

²⁵ Se'ere en sɔi la, Ba tee Yinɛ yelemɛŋerɛ la en de se'em la mɛ bo' pumpɔreŋɔ, nyaa tugum na'aha gee malena malema bɔ'ɔra naanɛ, gee bahɛ naana la mɛŋa, se'em en nari pɛka saŋa woo la. Taari.

Aromduma 1:25 ပူးပေါင်းရင်းမြစ်များ

Amatie 10:37

Nẽr-sɛka n nõŋɛ a sɔ bɩɩ a ma gãnna mam, a ka masɛ tɩ a dɛna mam nẽra. La nẽr-sɛka woo n nõŋɛ a dayʋa bɩɩ a pɔyʋa gãnna mam, a ka masɛ tɩ a dɛna mam nẽra.

Amatie 6:24

Nẽra ka boe n tã wʋn sakɛ zuudãandõma bayi, a wʋn sise ayɩla mɛ, dee nõŋɛ ayɩla, bɩɩ a wʋn nanna ayɩla la mɛ, dee pɔ'ɔra ayɩla la. Bɛla, yãma ka tã wʋn sakɛ Nawẽnnɛ n de ya Zuudãana, dee botɩ bõntarsõm mẽ dɛna ya zuudãana.

Azã 2:8

Tɩ Azezi yele ba yetɩ: «Kãbgɛ-ya tarɩ ka bɔ sɛka n bɩsrɩ dia yelle la.» Tɩ ba kãbgɛ tarɩ ka bɔ ẽ.

Aromduma 1:18

Nawẽnnɛ n boe saazuum pa'alɛ tɩ ẽŋa sũure yĩige mɛ la nẽrsaalba n tõnnɩ tõon-be'ero, la sɛla wuu tɩ ba ɩtɩ tɩ la ka dɔla ẽŋa sore, tɩ ba tõon-be'ero la gu'ura nẽrba tɩ ba ka mina sɩra la, tɩ ẽŋa wʋn sɩbgɛ ba.

Aromduma 1:23

Lan de ba nã'asra Nawẽnnɛ n ka kiiri n tarɩ na'am pãŋa la, ba tõn nã'asra la bõna tɩ nẽrba mãalɛ n ãn wʋ nẽrsaalba n kiiri, la bõn-ẽgla, la sɛla n tarɩ nãma anaasɩ, la bõn-vuula.

Aromduma 9:5

Ba buuri la ze'ele la tɩ sɔ-yaaba Abraham, la a yɩɩsɩ la pʋam. La Krisi n lebge nẽrsaala la, de la bãma buuri nẽra. Ẽŋa n de Nawẽnnɛ n gãnnɩ sɛla woo la n soe pẽka wakatɛ n ka tarɩ ba'asgɔ. Amina.

2 Korẽntɩ 11:31

Nawẽnnɛ n de tɩ Zuudãana Azezi Sɔ n soe pẽka wakatɛ n ka ba'asrɩ la, mi mɛ tɩ mam ka parnɩ.

Efɛɛzɩ 3:21

ẽŋa n masɛ tɩ a yẽta nã'asgɔ Krisi nẽrba la zẽ'am Azezi-krisi ĩyã zamãana woo zamãana wakatɛ n ka ba'asrɩ. Amina.

1 Tesaloniki 1:9

Nẽrba la wuu tɔgrɩ pa'ala yãma n daan to'oge tõma sõŋa se'em, basɛ baga, dee dɔla Nawẽnnɛ tõnna bɔ'ɔra ẽŋa n de vɔm, la sɩra dãana,

1 Timoti 1:11

Kõ-yẽlga ẽŋa ze'ele la sũ-yẽlga dãana Nawẽnnɛ n tarɩ na'am pãŋa la zẽ'am, ẽŋa n dɩkɛ ẽ ẽŋɛ mam nu'usum tɩ m mõolɛ.

1 Timoti 1:17

Nawẽnnɛ n de naba wakatɛ wuu, n ka kiiri, tɩ nini ka yẽta ẽ, ẽŋa ayɩla mã'a sɔna pẽka la nã'asgɔ wakatɛ n ka ba'asrɩ. Amina.

2 Timoti 3:4

la zãm dõma, la nẽrba n ka yõkrɩ ba mẽŋa ɩta sɛla n ka masɛ tɔtɔ, la uk-m-mẽŋa dõma, la nẽrba n nõŋɛ sɛla n ɩtɩ bãma mẽŋa sũure yẽlʋm gãnna Nawẽnnɛ.

1 Zã 5:20

Tõma mi tɩ Nawẽnnɛ Dayʋa n wa'am wa bɔ tɩ yɛm, tɩ tɩ bãŋɛ Nawẽnnɛ n de sɩra dãana la. Tõma lagɩm na sɛka n de sɩra dãana la dɛna ayɩla, a Dayʋa Azezi-krisi ĩyã. Ẽŋa n de Nawẽnnɛ sɩra sɩra, n bɔ'ɔrɩ vɔm n ka ba'asrɩ.