Aromduma 1:21 - Farefare Ninkaré

²¹ Ba mi Nawẽnnɛ mɛ, la ba ka nã'asrɩ ẽ, la ba ka pʋ'ʋsrɩ ẽ a yel-sõnnɛ wʋ lan narɩ ba ẽŋɛ se'em na. Ba tẽ'esgɔ la lebge la tẽ'es-yooro, tɩ ba pʋtẽ'e-yooro la kẽ'esɛ ba lika pʋam.

ZE'ELEGO PAALEGA

²¹ Se'ere en sɔi la, la ban pun mina Yinɛ wa la, ba ka na'aheri en wuu a dela Yinɛ, bii ba bɔ'ɔra en fara fara, gee ba tugum lebege la nɛrefɔgerɔ ba ti'ihegɔ puan. Ti ba putɛ'vɔya la en ti'ihɛ yele yaalehi la pirɛ la lika.

Aromduma 1:21 ပူးပေါင်းရင်းမြစ်များ

Azã 3:19

Bõn-ẽna n de sarɩyadia la: Peelem wa'am dũnia pʋam mɛ, la nẽrsaalba nõŋɛ la lika gãnna peelem na, ba tõoma n de tõon-be'ero la ĩyã.

Aromduma 1:19

Se'ere n soe la, sore tɩ nẽrsaalba wʋn doose bãŋɛ Nawẽnnɛ yelle de la vẽelga bɔ ba, Nawẽnnɛ mẽŋa n puke ẽ pa'alɛ ba.

Aromduma 1:28

Ban zagsɛ ka bɔɔra tɩ ba bãŋɛ Nawẽnnɛ na, tɩ Nawẽnnɛ basɛ ba ba tẽ'es-yooro la pʋam, tɩ ba ɩta sɛla n ka masɛ tɩ ba ɩta.

Aromduma 11:10

Botɩ ba nini ãna lim, tɩ ba da yẽta, botɩ ba nãmsra wakatɛ wuu wʋ nẽra n tʋ zeero gõ'osra.»

Aromduma 15:9

A ken wa'am mɛ tɩ bu-zãŋsɩ la wʋn nã'asra Nawẽnnɛ, ẽn zotɩ ba ninbãalga la ĩyã, wʋ lan gʋlsɛ Nawẽnnɛ gõŋɔ pʋam yetɩ: «Bɛla tɩ mam wʋn nã'asra fõn so'olʋm buuri wuu tẽŋasʋka, la mam wʋn ken yõom nã'asɛ fõn yʋ'ʋrɛ.»

2 Timoti 3:2

Nẽrba wʋn dɛna la nõŋ-m-mẽŋa dõma, la lig-nõŋrɩba, ba wʋn dɛna la nẽrba n wẽ'erɩ ba yõ'orɔ, la pa'al-m-mẽŋa dõma, la nẽrba n tɔgrɩ sɛla n ka ãn sõŋa, la nẽrba n ka sakrɩ ba sɔdõma la ba madõma nõorɛ, la nẽrba n ka mi yel-sõnnɛ tɩ ba ẽŋɛ ba, la nẽrba toogo n ka boe la bõn-sɛba n de Nawẽnnɛ bõnɔ,

1 Pita 1:18

Nawẽnnɛ fãagɛ ya mɛ vɔm sɛka n ka tarɩ yõorɔ tɩ ya daan zãsʋm ya yaabdõma zẽ'am na pʋam. Ya mi tɩ la dagɩ bõn-sɛba n sã'anɩ wʋ sãlma, bɩɩ zũuro tɩ a dɩkɛ yɔ fãagɛ ya.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

Lilegere 14:7

A daan tɔgrɩ mɛ ke'enke'em yetɩ: «Zoe-ya Nawẽnnɛ, la ya nã'asɛ ẽ, se'ere n soe la, wakatɛ paagɛ mɛ tɩ a wʋn di nẽrba sarɩya. Ka-ya dũma nã'asɛ Nawẽnnɛ n nãam saazuum, la tẽŋa, la ko-kãtɛ, la kʋlsɩ wuu n bulli la.»

Lilegere 15:4

Zuudãana, ãne n kãn zoe fõn, nã'asɛ fõn yʋ'ʋrɛ la? Se'ere n soe la, fõn mã'a n de pʋpeelem dãana. So'olʋm wuu nẽrba wʋn wa'am wa ka dũma nã'asɛ fɔ, se'ere n soe la, fõn tõoma n masɛ la puke mɛ tɩ ba yẽ.»