Aromduma 1:1 - Farefare Ninkaré

¹ Mam Apolɩ n de Azezi-krisi yamŋa n gʋlsɛ gõŋɔ wã. Nawẽnnɛ n wi mam tɩ m dɛna Azezi-krisi Tõntõnna, welge mam to'ore tɩ m mõolɛ a kõ-yẽlga.

ZE'ELEGO PAALEGA

¹ Mam Pɔɔl, Yezu Kiresta da'aberɛ, ti Yinɛ ayi' mam ti n dɛna tuntuna, yehe mam ze'ele bo' Yinɛ Faarɛ yelehum la ma'a,

Aromduma 1:1 ပူးပေါင်းရင်းမြစ်များ

Amarkɩ 1:14

Ba daan yõkɛ Azã yʋ la yʋ'a deego pʋam. Bɛla poorʋm tɩ Azezi sẽŋɛ Galile ka mõola Nawẽnnɛ kõ-yẽlga yetɩ:

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

Azã 15:15

Mam ka le wi'ira ya tɩ m tõntõnɩba, se'ere n soe la, tõntõnna ka mi a zuudãana n ɩtɩ sɛla. Mam wi'iri ya tɩ m sɩrdõma, se'ere n soe la, mam botɩ yãma bãŋɛ bõn-sɛba tɩ mam Sɔ yele mam na wuu mɛ.

Azã 15:20

Tẽegɛ-ya yetɔg-sɛka tɩ mam yele ya tɩ: ‹Tõntõnna ka gãnna a zuudãana la.› Ba sãn nãmsɛ mam, ba mẽ wʋn nãmsɛ yãma mɛ. La ba sãn sakɛ mam yetɔga, ba wʋn sakɛ yãma mẽ yetɔga.

Tõoma 13:9

Tɩ Nawẽnnɛ Sɩa bɔna la Asolɩ yʋ'ʋrɛ ayẽma n de Apolɩ la pãŋa, tɩ a bɩsra tɩɩm dãana la zĩi,

Tõoma 20:24

La mam ka geele m mẽŋa yõvore la tɩ a tarɩ yõorɔ bɔ mam, sɛla n tarɩ yõorɔ bɔ mam de la mam yãŋɛ tõm m tõonɛ na tɩ Zuudãana Azezi bɔ mam na ba'asɛ. Tõon-ẽŋa de la mam mõolɛ Nawẽnnɛ yel-sõnnɛ na kõ-yẽlga.

Tõoma 21:40

Tɩ kɛ'ɛma la bɔ ẽ nõorɛ. Tɩ Apolɩ ze'ele bĩmbĩna la zuo zẽkɛ a nu'ugo. Tɩ nẽrba la ãna sĩm. Tɩ a tɔgɛ Ebre n de ba mẽŋa yetɔga bɔ ba.

Tõoma 22:21

Tɩ Zuudãana la yele mam yetɩ: ‹Sẽŋɛ, mam yetɩ m tõm fʋ la bu-zãŋsɩ zẽ'am zãazãarɛ.› »

Tõoma 22:7

Tɩ mam lui tẽŋa, wõm kõa n yele mam yetɩ: ‹Asolɩ, Asolɩ, bẽm tɩ fʋ nãmsra mam?›

Tõoma 26:1

Tɩ Agripa yele Apolɩ yetɩ: «Sore boe tɩ fʋ tɔgɛ.» Tɩ Apolɩ zẽkɛ a nu'ugo tɩ a tɔgɛ to'oge a mẽŋa, yetɩ:

Tõoma 26:14

Tɩ tõma wuu lui tẽŋa, tɩ mam wõm kõa n yele mam la Ebre yetɔga yetɩ: ‹Asolɩ, Asolɩ, bẽm tɩ fʋ nãmsra mam? Fʋ sãn ka sakɛ mam, la wʋn ãna toogo bɔ fʋ, wʋ dũŋa n ka nannɩ a dãana ka'asrɛ.›

Tõoma 27:23

Zaam yʋ'ʋŋɔ Nawẽnnɛ n soe mam tɩ mam dɛna a tõntõnna la, tõm a malɛka tɩ a wa ze'ele mam zẽ'am

Tõoma 9:15

Tɩ Zuudãana la yele Ananiyasɩ yetɩ: «Sẽŋɛ, mam looge ẽ mɛ tɩ m botɩ a tarɩ mam yʋ'ʋrɛ sẽŋɛ ka tɔgɛ bɔ bu-zãŋsɩ, la ba na'adõma, la Ɩsrayɛlɩ dõma mẽ.

Aromduma 1:16

Yãnnɛ ka tarɩ mam la kõ-yẽlga la mõolgɔ. A de la Nawẽnnɛ pãŋa n botɩ nẽr-sɛba wuu n bɔ ẽ sɩra la yẽta fãarɛ, pɔspɔsɩ de la Zifdõma, pa'asɛ la sɛba n dagɩ Zifdõma.

Aromduma 1:5

Azezi-krisi ĩyã tɩ Nawẽnnɛ ẽŋɛ tɩ yel-sõnnɛ, botɩ tõma dɛna a Tõntõnɩba tɩ tɩ botɩ so'olʋm wuu nẽrba bɔ ẽ sɩra, sakɛ a nõorɛ a yʋ'ʋrɛ nã'asgɔ ĩyã.

Aromduma 1:9

Mam tẽrɩ ya yelle m pʋ'ʋsgɔ pʋam mɛ wakatɛ wuu. Nawẽnnɛ tɩ mam tõnnɩ la m sũure wuu bɔ'ɔra ẽ, mõola a Dayʋa kõ-yẽlga la, mi tɩ sɛla tɩ mam yele la de la sɩra.

Aromduma 11:13

Mam yãŋa yetɩ m tɔgɛ la yãma sɛba n de bu-zãŋsɩ la: Mam n de Krisi Tõntõnna tõnna bɔ'ɔra yãma n de bu-zãŋsɩ la, mam pẽgrɩ m tõonɛ na mɛ.

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

Aromduma 15:29

Mam mi tɩ mam sãn wa wa'am ya zẽ'am, tɩ wʋn yẽ Azezi-krisi yel-sõnnɛ zo'oge.

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 1:1

Mam Apolɩ tɩ Nawẽnnɛ wi, botɩ mam dɛna Azezi-krisi Tõntõnna wʋ ẽŋa n boorɩ se'em, la tɩ sɔbia Asostɛnɩ n gʋlsɛ gõŋɔ wã

1 Korẽntɩ 9:1

Mam ka soe m mẽŋa tãna wʋn ẽŋɛ mam n boorɩ se'em mɛ bɩɩ? Mam dagɩ la Krisi Tõntõnna bɩɩ? Mam daan ka yẽ tɩ Zuudãana Azezi mɛ bɩɩ? La dagɩ tõon-sɛba tɩ mam tõnnɩ bɔ'ɔra Zuudãana la n basɛ tɩ yãma bɔ ẽ sɩra?

2 Korẽntɩ 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, la tɩ sɔbia Atimõtɩ n gʋlsɛ gõŋɔ wã bɔ'ɔra yãma Nawẽnnɛ nẽrba wuu n boe Korẽntɩ, la Akayi so'olʋm wuu pʋam na.

2 Korẽntɩ 11:5

Mam ka tẽ'esɛ tɩ nẽr-bãma n pa'alɩ tɩ bãma de la Tõntõnɩba n gãnnɩ na, mam de poorʋm dãana ba zẽ'am.

2 Korẽntɩ 11:7

Mam n daan mõolɛ Nawẽnnɛ kõ-yẽlga la bɔ yãma la, mam ka botɩ ya bɔ sɛla. Mam daan sike m mẽŋa mɛ, dee zẽkɛ yãma. Yãma tẽ'esɛ tɩ mam n daan ẽŋɛ se'em na de la be'em bɩɩ?

2 Korẽntɩ 12:11

Yãma n mõrgɛ mam tɩ mam tɔgra wʋ yalma la. La de la yãma n de nɩ ya tɔgɛ po'oge mam, pa'alɛ mam n ãn se'em. Baa mam sãn ka dɛna sɛla, nẽr-sɛba n pa'alɩ tɩ bãma n de Tõntõnɩba n gãnnɩ la, mam ka de poorʋm dãana ba zẽ'am.

2 Korẽntɩ 2:12

Mam n daan paagɛ Trʋasɩ tɩ m mõolɛ Krisi kõ-yẽlga la, mam daan yẽ tɩ Zuudãana la yo'oge sore bɔ mam mɛ,

2 Korẽntɩ 4:5

La dagɩ tõma mẽŋa yelle tɩ tõma mõolɩ, la de la Azezi-krisi n de Zuudãana la kõa tɩ tõma mõolɩ. La sãn dɛna tõma, tõma de la yãma tõntõnɩba Azezi ĩyã.

Galatɩ 1:1

Mam Apolɩ n de Krisi Tõntõnna n gʋlsɛ gõŋɔ wã. La dagɩ nẽrsaalba n tõm mam, la mẽ dagɩ nẽrsaalba n looge mam tɩ mam dɛna Krisi Tõntõnna. La de la Azezi-krisi, la tɩ Sɔ Nawẽnnɛ n vo'oge Azezi la n looge mam.

Efɛɛzɩ 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em na, n gʋlsɛ gõn-ẽna wã bɔ'ɔra yãma Nawẽnnɛ nẽrba n boe Efɛɛzɩ dɛna sɩra dõma Azezi-krisi doosgo pʋam na.

Efɛɛzɩ 1:13

Yãma n mẽ wõm sɩra kõ-yẽlga la, n basɛ tɩ ya bɔ Krisi sɩra yẽ fãarɛ, ẽŋa ĩyã tɩ Nawẽnnɛ bɔ ya a Sɩa wʋ ẽn bĩŋe nõorɛ se'em na, Sɩa ẽŋa de la dãalgɔ pa'alɛ tɩ ya de la a nẽrba.

Efɛɛzɩ 4:11

La de la ẽŋa n bɔ tɩ bɔ'a, botɩ sɛba dɛna a Tõntõnɩba, tɩ basɛba dɛna a nõtɔ'ɔsrɩba, tɩ basɛba mõola a kõ-yẽlga la bɔ'ɔra nẽrba, tɩ basɛba sɔna Nawẽnnɛ nẽrba bɩsra, bɩɩ dɛna karẽnsãandõma.

Filipi 1:1

Mam Apolɩ la Atimõtɩ n de Azezi-krisi tõntõnɩba n gʋlsɛ gõŋɔ wã bɔ'ɔra yãma sɛba wuu n bɔ Azezi-krisi sɩra dɛna Nawẽnnɛ nẽrba, la ya nẽŋadõma, la ya yel-bɩsrɩba n boe Filipi.

Filipi 2:11

Tɩ nẽra woo wʋn yetɩ, Azezi-krisi n de Zuudãana, tɩ la wʋn dɛna nã'asgɔ bɔ tɩ Sɔ Nawẽnnɛ.

Kolɔsɩ 1:1

Mam Apolɩ n de Azezi-krisi Tõntõnna wʋ Nawẽnnɛ n boorɩ se'em, la tɩ sɔbia Atimõtɩ

Kolɔsɩ 1:25

Nawẽnnɛ n looge mam tɩ m dɛna Azezi nẽrba tõntõnna mõolɛ a yetɔga la wuu bɔ yãma.

1 Tesaloniki 2:2

La ya ken mina tɩ ba daan nãmsɛ tõma mɛ dee tʋ tõma Filipi tẽŋa, dee tɩ tõma yãŋa wa'am yãma zẽ'am Tesaloniki. La Nawẽnnɛ daan bɔ tõma bʋraanɛ mɛ, tɩ tõma mõolɛ a kõ-yẽlga la bɔ ya, baa nãmsgɔ la n daan zo'oge la.

1 Tesaloniki 2:8

Tõma n nõŋɛ ya la ĩyã, tɩ tõma daan mõolɛ kõ-yẽlga la n ze'ele Nawẽnnɛ zẽ'am na bɔ ya. La, la dagɩ bɛla mã'a, tõma daan sakɛ mɛ tɩ dɩkɛ tɩ vɔm bɔ ya, tõma nõŋɛ ya mɛ halɩ zozo'e.

1 Tesaloniki 2:9

M sɔbiisi, yãma tẽrɩ tõma n daan tõm nãmsɛ se'em, tõma n daan mõolɩ Nawẽnnɛ kõ-yẽlga la bɔ ya la. Tõma daan tõm na wʋntɛɛŋa la yʋ'ʋŋɔ, tõma daan ka boorɩ tɩ tõma dia yelle dɛna nãmsgɔ bɔ ya nẽra baa ayɩla.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

1 Timoti 2:7

Bɛla tɩ Nawẽnnɛ daan looge mam tɩ m dɛna Azezi Tõntõnna dɩkɛ yel-ẽna wã mõolɛ, dee zãsʋm bu-zãŋsɩ Nawẽnnɛ sɩra tɩ ba bɔ ẽ sɩra. Mam tɔgrɩ la sɩra, mam ka parnɩ.

2 Timoti 1:11

Nawẽnnɛ n looge mam tɩ m dɛna Krisi Tõntõnna mõola a kõ-yẽlga, dee zãsna nẽrba.

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

Hiburuduma 5:4

Nẽra ka tã wʋn nã'asɛ a mẽŋa dɩkɛ tõon-ẽna bɔ a mẽŋa dɛna kãabgɔ kẽma nẽŋadãana, la de la Nawẽnnɛ n loorɩ, wʋ ẽn yʋʋn looge Aarõ se'em na.

Hiburuduma 7:26

La de la kãabgɔ kẽma nẽŋadãana n ãn wãna n masɛ tɩ tɩ tara: A de la pʋpeelem dãana, ka tara yelle, ka tara dõrga, a welge a mẽŋa mɛ la tõon-be'ero dõma, tɩ Nawẽnnɛ zẽkɛ ẽ sẽŋɛ saazuum-zuum.

Yemesi 1:1

Mam Azakɩ n de Nawẽnnɛ, la tɩ Zuudãana Azezi-krisi tõntõnna n gʋlsɛ gõŋɔ wã pʋ'ʋsra Nawẽnnɛ nẽrba wuu n wɩrgɛ bɔna zẽ'a woo la.

1 Pita 4:17

Wakatɛ paagɛ mɛ tɩ Nawẽnnɛ wʋn di sarɩya, la a wʋn pɔsɛ la a mẽŋa nẽrba. La sãn dɛna tɩ a wʋn dẽŋɛ di la tõma sarɩya pɔspɔsɩ, sɛba n ka sakɛ Nawẽnnɛ kõ-yẽlga la ba'asgɔ wʋn ãna la wãne?

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Lilegere 1:1

Gõŋɔ wã tarɩ la sɛla tɩ Azezi-krisi puke pa'alɛ. Nawẽnnɛ n daan bɔ ẽ bõn-bãma tɩ a pa'alɛ a tõntõnɩba sɛla n wʋn ẽŋɛ wakatɛ fẽfẽe pʋam. Azezi-krisi daan tõm na a malɛka a tõntõnna Azã zẽ'am tɩ a pa'alɛ ẽ bõn-bãma.

Lilegere 22:6

Tɩ malɛka la yele mam yetɩ: «Yetɔg-bãna wã wuu de la sɩra, masɛ tɩ ba bɔ sɩra. La de la Zuudãana Nawẽnnɛ mẽŋa n botɩ a nõtɔ'ɔsrɩba tɔ'ɔsra a yetɔga tɔgra la, n tõm a malɛka tɩ a wa'am wa pa'alɛ a tõntõnɩba sɛla n kãn yuuge dee ẽŋɛ.»

Lilegere 22:9

Tɩ a yele mam yetɩ: «Da ẽŋɛ bɛla, tɩ mam mẽ de la tõntõnna wʋ fõn, la fʋ sɔbiisi n de nõtɔ'ɔsrɩba, la nẽr-sɛba wuu n sakrɩ gõn-ẽna wã yetɔga la. Nawẽnnɛ n de fʋ nã'asɛ.»