Amatie 5:7 - Farefare Ninkaré

⁷ Ninbãal-zɔtba tarɩ zu-yẽlga, se'ere n soe la, Nawẽnnɛ wʋn zoe ba ninbãalga.

ZE'ELEGO PAALEGA

⁷ “Sum boi mɛ la sɛba en zoti nɛreba nimbu'ɔ. Ba wan to'e nimbɔ'zɔrɛ.

Amatie 5:7 ပူးပေါင်းရင်းမြစ်များ

Amarkɩ 11:25

La ya sãn bɔna mĩ pʋ'ʋsra Nawẽnnɛ, ya sãn tara yelle la nẽra, basɛ-ya ẽ taalɛ, tɩ ya Sɔ Nawẽnnɛ n boe saazuum mẽ basɛ ya tõon-be'ero taalɛ. [

Aluki 6:35

La, la sãn dɛna yãma, nõŋɛ-ya ya bɛ'ɛba, dee ẽŋɛ ba sõŋa. Peŋe-ya nẽrba dee da tẽ'esra tɩ ba le bɔ ya. Ya sãn ẽŋɛ bɛla, ya yɔɔrɔ wʋn zo'oge mɛ, la ya wʋn dɛna Nawẽnnɛ n gãnnɩ sɛla wuu kɔma, se'ere n soe la, a ɩtɩ sɛba n ka mi yel-sõnnɛ, la pʋtʋʋl-dõma sõŋa mɛ.

Aromduma 11:30

Kʋrʋm, yãma bu-zãŋsɩ la zagsɛ Nawẽnnɛ mɛ, la lɛɛlɛ wã, a zoe yãma ninbãalga mɛ, Ɩsrayɛlɩ dõma n zagsɛ ẽ na ĩyã.

1 Korẽntɩ 7:25

Mam yetɩ m tɔgɛ la sɛba n ka tarɩ sɩrba bɩɩ pɔgba la yelle, mam ka to'oge nõorɛ Zuudãana Azezi zẽ'am. La de la mam mẽŋa pʋtẽ'erɛ, la ya wʋn bɔ mam sɩra Zuudãana la n zoe mam ninbãalga la ĩyã.

2 Korẽntɩ 4:1

Nawẽnnɛ n zoe tõma ninbãalga bɔ tõma tõon-ẽŋa la ĩyã n soe tɩ tõma bʋraanɛ ka bɔ'ɔra.

Efɛɛzɩ 4:32

Ɩta-ya taaba sõŋa, la ya tara taaba zĩile, basra-ya taaba tõon-be'ero taalɛ, wʋ Nawẽnnɛ n basɛ ya tõon-be'ero taalɛ Krisi ĩyã la.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

1 Timoti 1:13

Baa mam n daan pɔ'ɔrɩ a yʋ'ʋrɛ, nãmsra a nẽrba, dee tʋʋra ẽ na, a zoe mam ninbãalga mɛ. Se'ere n soe la, mam daan ka bãŋɛ mam ɩtɩ sɛla, mam n daan ka bɔ Azezi sɩra la ĩyã tɩ mam ɩta bɛla.

1 Timoti 1:16

La ẽn zoe mam ninbãalga la, la de la Azezi-krisi n pa'alɛ a sũ-mã'arɛ zozo'e la mam n de tõon-be'ero dãana gãnna la, tɩ la wʋn dɛna makrɛ pa'alɛ nẽr-sɛba n wʋn wa bɔ ẽ sɩra la, tɩ a wʋn ẽŋɛ a sũ-mã'asʋm la ba, dee bɔ ba vɔm n ka ba'asrɩ.

Hiburuduma 4:16

Bɛla, basɛ-ya tɩ tɩ lɛm Nawẽnnɛ n de yel-sõnnɛ dãana la na'am bĩmbĩnne na zẽ'am la bʋraanɛ, tɩ a zoe tɩ ninbãalga ẽŋɛ tɩ yel-sõnnɛ, dee sõŋɛ tɔ wakat-sɛka tɩ tɩ boorɩ.

Hiburuduma 6:10

Nawẽnnɛ de la sɩra dãana, a kãn yĩm ya tõoma, la yãma n pa'alɛ tɩ yãma nõŋɛ ẽ mɛ, tõm bɔ a nẽrba, dee ken tõnna bɔ'ɔra ba lɛɛlɛ wã.

Yemesi 2:13

Nawẽnnɛ sãn wa dita sarɩya, a kãn zoe ninbãalga la nẽr-sɛka n ka zotɩ a taaba ninbãalga. Fʋ sãn zoe nẽrba ninbãalga, Nawẽnnɛ mẽ wʋn zoe fʋ ninbãalga.

Yemesi 3:17

La yɛm n ze'ele Nawẽnnɛ zẽ'am ãn na sõŋa ka tara dẽgrɔ, dee botɩ nẽra tara sũ-mã'asʋm la a taaba, la sũ-bʋgsʋm, ɩta sugri, zɔta nẽrba ninbãalga zozo'e, tõnna tõon-sõma zozo'e, ka bɔkra nẽrba, dee ka dɛna pʋlibsum dãana.

1 Pita 2:10

Kʋrʋm, ya daan dagɩ Nawẽnnɛ nẽrba, la lɛɛlɛ wã ya de la a nẽrba. A daan ka zotɩ ya ninbãalga, la a yãŋa zotɩ ya ninbãalga mɛ.