Amatie 3:6 - Farefare Ninkaré

⁶ tɔgra ba tõon-be'ero pa'ala ẽ, tɩ a misra ba Zʋrdẽ ko'om na pʋam.

ZE'ELEGO PAALEGA

⁶ ti ba puta ba be'em ti a sɔɔra ba ko'om Yɔɔdan kulaa la puan.

Amatie 3:6 ပူးပေါင်းရင်းမြစ်များ

Amatie 3:11

Mam misri ya la ko'om pʋam tɩ la pa'alɛ tɩ ya teege yɛm basɛ tõon-be'ero. La sɛka n boe mam poorʋm sẽna la pãŋa gãnnɩ mam mɛ. La mam põn ka masɛ tɩ m pirge a tagra. Ẽŋa n wʋn mise ya Nawẽnnɛ Sɩa, la bugum pʋam.

Amarkɩ 1:5

Tɩ nẽrba zozo'e ze'ele Zude so'olʋm wuu, la Zerizalɛm wuu sẽnna Azã zẽ'am tɔgra ba tõon-be'ero pa'ala ẽ. Tɩ Azã misra ba kʋlaa yʋ'ʋrɛ n de Zʋrdẽ pʋam.

Aluki 1:16

A wʋn botɩ Ɩsrayɛlɩ nẽrba zozo'e lebe sakɛ ba Zuudãana Nawẽnnɛ.

Aluki 3:16

La ban tẽ'esrɩ bɛla la, tɩ Azã yele ba yetɩ: «Mam misri ya la ko'om pʋam, la nẽra n boe tara pãŋa gãnna mam sẽna, la mam põn ka masɛ tɩ m pirge a tagra bɔ ẽ. Ẽŋa n wʋn mise ya Nawẽnnɛ Sɩa, la bugum pʋam.

Tõoma 1:5

Se'ere n soe la, Azã daan misri ya la ko'om pʋam, la, la kãn yuuge dee tɩ Nawẽnnɛ mise ya a Sɩa pʋam.»

Tõoma 11:16

Bɛla tɩ mam tẽegɛ Zuudãana n daan yetɩ: ‹Azã daan misri nẽrba la ko'om pʋam, la Nawẽnnɛ wʋn mise ya a Sɩa pʋam.›

Tõoma 19:18

Tɩ nẽrba zozo'e bɔ Azezi sɩra wa'am wa pelge ba pʋa tɔgɛ ba tõon-be'ero nẽrba nẽŋam.

Tõoma 22:16

La lɛɛlɛ wã, bẽm tɩ fõn gʋ'ʋna? Isge pʋ'ʋsɛ la Azezi yʋ'ʋrɛ, botɩ ba mise fʋ ko'om pʋam tɩ Nawẽnnɛ basɛ fʋ tõon-be'ero taalɛ.›

1 Korẽntɩ 10:2

La ãn wʋ Nawẽnnɛ yʋʋn mise ba mɛ sawatɛ la pʋam, la ko-kãtɛ la pʋam tɩ ba dɛna ayɩla la Amoyisi.

Kolɔsɩ 2:12

Ban daan mise ya ko'om pʋam na, la ãn wʋ ba lagɩm ya mɛ la Krisi laagɛ. La yãma mẽ lagɩm na ẽ mɛ vo'oge, yãma n bɔ Nawẽnnɛ pãŋa n botɩ Krisi vo'oge sɩra la ĩyã.

Hiburuduma 6:2

la ko'om misga zãsŋɔ, la ban paglɩ nu'usi nẽrba zuto pʋ'ʋsra yelle, la kũm vo'ore, la dũnia ba'asgɔ sarɩyadia yelle.

Hiburuduma 9:10

Ba de la dia, la bõn-yũula, la ko'om peere buuri to'oto'ore yelle mã'a. Ɩrgɔ bãma de la ĩyã yɛla n de dũnia wã bõnɔ n yʋʋn boe tɩ nẽrba dɔla, halɩ wa paagɛ wakat-sɛka tɩ Nawẽnnɛ malɩn malgɛ sɛla woo sõŋa.

Yemesi 5:16

Bɛla, pelge ya pʋa tɔgɛ ya tõon-be'ero pa'alɛ taaba, pʋ'ʋsɛ bɔ taaba, tɩ ya wʋn yẽ ĩmã'asʋm. Nẽra n masɛ Nawẽnnɛ zẽ'am pʋ'ʋsgɔ tõnnɩ mɛ la pãŋa zozo'e.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.

1 Zã 1:9

Tɩ sãn pelge tɩ pʋʋrɛ tɔgɛ tɩ tõon-be'ero, Nawẽnnɛ wʋn basɛ tɩ tõon-be'ero taalɛ mɛ, dee peege to, yese sɛla wuu n ka masɛ, se'ere n soe la, a de la sɩra dãana dee ɩta sɛla n masɛ.