Amatie 22:3 - Farefare Ninkaré

³ tõm a tõntõnɩba yetɩ, ba sẽŋɛ ka wi nẽr-sɛba tɩ ẽŋa daan wi la. Tɩ nẽrba la ka bɔɔra tɩ ba wa'am.

ZE'ELEGO PAALEGA

³ Nyaa tum a da'aba ti ba doohe yi' sɛba ti a yele ba a pɔgedire de'eŋo la yele la na, gee ba ka wa'am na.

Amatie 22:3 ပူးပေါင်းရင်းမြစ်များ

Amatie 21:34

Tɩ viinye la biɛ go'osgo wakatɛ paagɛ, tɩ a tõm a tõntõnɩba tɩ ba sẽŋɛ sɛba n bɩsrɩ va'am na zẽ'am, ka to'oge a viinye la biɛ wa bɔ ẽ.

Amatie 23:37

Azezi daan yetɩ: «Zerizalɛm nẽrba, Zerizalɛm nẽrba, yãma kʋʋrɩ la Nawẽnnɛ nõtɔ'ɔsrɩba, dee lɔbra sɛba tɩ Nawẽnnɛ tõm ba ya zẽ'am na kuga kʋʋra. Nõorɛ faa tɩ mam boorɩ tɩ m lagsɛ ya wʋ nõ-yã'aŋa n lagsrɩ a kɔma ũna a kempagsɩ pʋam se'em na, tɩ ya ka bɔɔra.

Amatie 3:2

yetɩ: «Teege-ya yɛm basɛ tõon-be'ero, tɩ Nawẽnnɛ so'olʋm lɛm mɛ.»

Amatie 9:15

Tɩ Azezi yele ba yetɩ: «Nẽra sãn di pɔka ẽŋɛ kibsa wi a tadãandõma tɩ ba wa'am naagɛ la ẽ dita, ba tã wʋn ẽŋɛ sũ-sã'aŋɔ wakat-sɛka tɩ pɔgdita la ken bɔna la ba lɛ mɛ bɩɩ? Ayɛɩ. La dabsa sẽm mɛ, tɩ ba wʋn yese pɔgdita la ba zẽ'am. Bɛla tɩ ba yãŋa wʋn lʋ nõorɛ.

Aluki 13:34

Zerizalɛm nẽrba, Zerizalɛm nẽrba, yãma kʋʋrɩ la Nawẽnnɛ nõtɔ'ɔsrɩba, dee lɔbra sɛba tɩ Nawẽnnɛ tõm ba ya zẽ'am la kuga kʋʋra. Nõorɛ faa tɩ mam boorɩ tɩ m lagsɛ ya wʋ nõ-yã'aŋa n lagsrɩ a kɔma ũna a kempagsɩ pʋam se'em na, tɩ ya ka bɔɔra.

Aluki 15:28

Tɩ kẽema la sũure yĩige halɩ. Tɩ a zagsɛ tɩ ẽŋa kãn kẽ yire. Tɩ a sɔ yese belem ẽ yetɩ, a wa'am wa kẽ.

Aluki 19:27

La sãn dɛna mam bɛ'ɛba la n ka boorɩ tɩ mam di na'am na, tarɩ-ya ba wa'am wa kʋ ba mam nẽŋam.› »

Azã 5:40

La ya ka boorɩ tɩ ya wa'am mam zẽ'am wa yẽ vɔm na.

Tõoma 13:45

La Zifdõma n yẽ nẽr-kʋʋŋɔ la n zo'oge la, tɩ ba ẽŋɛ sũure sɩ'ɩsɛ Apolɩ n tɔgɛ se'em na, dee tɔgra tɔg-be'ero.

Aromduma 10:21

Dee yele Ɩsrayɛlɩ dõma yelle yetɩ: «Mam tẽegɛ m nu'usi mɛ daarɛ la wuu teese nẽrba n sɩ'ɩsrɩ, dee ka sakra.»

Hiburuduma 12:25

Ɩta-ya guusgo, da zagsɛ ka selse sɛka n tɔgrɩ la ya lɛ la. Sɛba n yʋʋn zagsɛ ka selse nẽr-sɛka n kã'anɩ ba tẽŋa zuo la ka põsɛ nãmsgɔ. Bɛla, tõma sãn zagsɛ ka selse sɛka n boe Nawẽnnɛ yire la yetɔga, tõma kãn yãŋɛ põsɛ.

Hiburuduma 9:15

La de la bɛla ĩyã tɩ Nawẽnnɛ bĩŋe nõor-paalga ẽŋa ĩyã. Ẽn ki la ĩyã, a yɔ fãagɛ nẽr-sɛba n tuuge pɔspɔsɩ nõorɛ bĩŋre la pʋam mɛ, tɩ Nawẽnnɛ n wi ba la, ba wʋn to'oge bõn-sõma tɩ a bĩŋe nõorɛ tɩ a bɔ a nẽrba la wakatɛ n ka ba'asrɩ ĩyã.

Lilegere 22:17

Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.