Amarkɩ 9:17 - Farefare Ninkaré

¹⁷ Tɩ nẽra ayɩla ze'ele nẽr-kʋʋŋɔ la tẽŋasʋka yele yetɩ: «Karẽnsãama, mam tarɩ la m dayʋa wa'am fõn zẽ'am, kʋlkã'arga n dolɩ ẽ botɩ a dɛna muko.

ZE'ELEGO PAALEGA

¹⁷ Ti Nɛra ayima ze'ele nɛrekuuŋɔ la puan lerege en yeti, “Pa'ala, mam tari la n dayua wa wa'am fum zi'an na, se'ere en sɔi la, Kulekpa'bɛ'a n daani en ti a pun kan ta'am tɔgɛ.

Amarkɩ 9:17 ပူးပေါင်းရင်းမြစ်များ

Amatie 12:22

Tɩ ba tarɩ nẽra ayɩla tɩ kʋlkã'arga dolɩ ẽ, tɩ a dɛna fʋa la muko wa'am Azezi zẽ'am, tɩ Azezi botɩ a yẽ ĩmã'asʋm, tɔgra dee yẽta.

Amatie 17:15

yele ẽ yetɩ: «M Zuudãana, zoe m dayʋa ninbãalga, a luti la kinki'ire tɩ la nãmsra ẽ zozo'e. La sãn ẽn girge ẽ, a luti la bugum pʋam, bɩɩ ko'om pʋam.

Amatie 9:32

Ban daan yesrɩ la, tɩ ba tarɩ nẽra tɩ kʋlkã'arga dolɩ ẽ, tɩ a dɛna muko, wa'am Azezi zẽ'am.

Amarkɩ 10:13

Tɩ nẽrba zozo'e tarɩ kɔm-pɩgsɩ wa'am Azezi zẽ'am tɩ a dɩkɛ a nu'usi paglɛ ba zuto. Tɩ a karẽnbiisi la zɛbɛ nẽrba la.

Amarkɩ 5:23

belem ẽ na a sũure wuu yetɩ: «Mam pɔyʋa n bẽ'erɩ deege la a ki, wa'am wa dɩkɛ fʋ nu'usi paglɛ a zuo tɩ a põsɛ da ki.»

Amarkɩ 7:26

sose ẽ yetɩ, a dige kʋlkã'arga la tɩ a yese dee basɛ a pɔyʋa la. Pɔka la daan de la Grɛkɩ, ba dɔgɛ ẽ na Fenisi tẽŋa n boe Siiri so'olʋm pʋam.

Amarkɩ 9:16

Tɩ Azezi soke ba yetɩ: «Bẽm yelle tɩ yãma wẽ'era nõke'ene la ba?»

Amarkɩ 9:18

La kʋlkã'arga la sãn ẽn girge ẽ, a lʋbrɩ ẽ mɛ tɩ nõtõn-fulunfuka yɛsra, tɩ a ɔbra yẽna dee gorŋe. Bɛla tɩ mam tarɩ ẽ wa'am wa sose fʋ karẽnbiisi la yetɩ ba dige kʋlkã'arga la tɩ a yese, tɩ ba ka yãŋɛ.»

Amarkɩ 9:25

La Azezi daan yẽ tɩ nẽr-kʋʋŋɔ n zotɩ sẽna a zẽ'am, tɩ a tãsɛ kʋlkã'arga la yetɩ: «Kʋlkã'arga n botɩ nẽra dɛna muko la waŋa, mam yetɩ fʋ yese dee basɛ ẽ, da le doose ẽ.»

Aluki 11:14

La Azezi daan dige la kʋlkã'arga n tarɩ bʋraa tɩ a dɛna muko, tɩ kʋlkã'arga la daan yese, dee tɩ bʋraa la n de muko la yãŋa tã'agɛ tɔgra, tɩ la di'ige nẽrba la.

Aluki 9:38

La bʋraa ayɩla n daan boe nẽr-kʋʋŋɔ la pʋam tĩi tɔgɛ yetɩ: «Karẽnsãama, mam belnɩ fʋ mɛ, bɩsɛ m bia wã. A de la mam bi-yẽŋa, la kʋlkã'arga n dolɩ ẽ.

Azã 4:47

Tɩ a wõm tɩ Azezi ze'ele la Zude wa'am Galile, tɩ a sẽŋɛ a zẽ'am ka sose ẽ yetɩ, ẽŋa bia n boe mĩ tɩ a ki, a wa'am wa botɩ a yẽ ĩmã'asʋm.