Amarkɩ 8:34 - Farefare Ninkaré

³⁴ Dee wi nẽr-kʋʋŋɔ la, la a karẽnbiisi la a zẽ'am, yele ba yetɩ: «Nẽra sãn bɔɔra tɩ a doose mam, dẽnɩ tɩ a basɛ a mẽŋa n boorɩ se'em, dee sakɛ nãmsgɔ daarɛ woo wʋ nẽra n buke a kũm dɔ-puurŋa dɔla mam.

ZE'ELEGO PAALEGA

³⁴ Gee nyaa yi' nɛrekuuŋɔ la, la a zahereba la, yele ba yeti, ya han bɔta ti ya dɛna mam zahereba, ya zagehɛ ya mɛhi gee dikɛ ya pumpuuredɔɔ zi dɔla ma.

Amarkɩ 8:34 ပူးပေါင်းရင်းမြစ်များ

Amatie 10:38

La nẽr-sɛka woo n ka sakɛ nãmsgɔ wʋ nẽra n zɛɛrɩ a kũm dɔ-puurŋa dɔla mam, a ka masɛ tɩ a dɛna mam nẽra.

Amatie 16:24

Dee yele a karẽnbiisi la yetɩ: «Nẽra sãn bɔɔra tɩ a dɔla mam, dẽnɩ tɩ a basɛ a mẽŋa n boorɩ se'em, dee sakɛ nãmsgɔ wʋ nẽra n buke a kũm dɔ-puurŋa dɔla mam.

Amatie 27:32

Ban daan ze'ele tẽŋa pʋam yɛsra la, ba tʋ'ʋsɛ la bʋraaga ayɩla yʋ'ʋrɛ n de Asimõ n ze'ele Sirɛnɩ, tɩ ba pẽrgɛ ẽ tɩ a to'oge Azezi kũm dɔ-puurŋa la buke.

Amarkɩ 10:21

Tɩ Azezi bɩsɛ ẽ nõŋɛ ẽ, dee yele ẽ yetɩ: «Sɛla ayɩla n deege dɛna fʋ ẽŋɛ: Sẽŋɛ ka koose fõn tarɩ sɛla la wuu dɩkɛ ligri la bɔ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Amarkɩ 7:14

La Azezi le wi la nẽr-kʋʋŋɔ, tɩ ba wa'am a zẽ'am, tɩ a yele ba yetɩ: «Yãma wuu, selse-ya mam sõŋa wõm a võorɛ.

Aluki 13:24

«Nargɛ-ya pãŋa doose zanõrɛ n ãn mika kẽ Nawẽnnɛ so'olʋm pʋam, tɩ mam yetɩ ya mɛ tɩ nẽrba zozo'e wʋn wa ɛɛra mɛ tɩ ba kẽ, la ba kãn yãŋɛ.

Aluki 14:33

Bɛla mẽ, yãma nẽr-sɛka woo n ka basrɩ bõn-sɛba wuu tɩ a tarɩ la, ka tã wʋn dɛna mam karẽnbia.

Aluki 18:22

Azezi n wõm ẽn yele bɛla la, tɩ a yele ẽ yetɩ: «Sɛla ayɩla n deege dɛna fʋ ẽŋɛ: Koose fõn tarɩ sɛla la wuu dɩkɛ ligri la pʋɩ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Aluki 20:45

La nẽrba la wuu n selsrɩ Azezi la, tɩ a yele a karẽnbiisi la yetɩ:

Aluki 9:23

Azezi yele bɛla dee yele nẽrba la wuu yetɩ: «Nẽra sãn bɔɔra tɩ a doose mam, dẽnɩ tɩ a basɛ a mẽŋa n boorɩ se'em, dee sakɛ nãmsgɔ daarɛ woo wʋ nẽra n buke a kũm dɔ-puurŋa dɔla mam.

Azã 10:27

Mam piisi la wõnnɩ mam kõa mɛ, mam mi ba mɛ, la ba dolɩ mam mɛ.

Azã 19:17

botɩ a mẽŋa tʋ dɔ-puurŋa la yese tẽŋa la pʋam wɛ'ɛsa zẽ'e-sɛka tɩ ba wi'iri zuwaŋrɛ zẽ'a, tɩ a yʋ'ʋrɛ la Ebre yetɔga dɛna Golgota.

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

1 Korẽntɩ 15:31

M sɔbiisi, mam põsrɩ m yõorɛ mɛ daarɛ woo, mam n yetɩ ya se'em na de la sɩra. La de la sɩra wʋ mam n ɩtɩ sũ-yẽlga ya yelle yãma n dolɩ Zuudãana Azezi-krisi ĩyã se'em na.

1 Korẽntɩ 8:13

Bɛla, la sãn dɛna dia n wʋn basɛ tɩ mam sɔbia tõm tõon-be'ero, mam kãn le malɩn di ẽ, tɩ m da basɛ tɩ m sɔbia tõm tõon-be'ero.

1 Korẽntɩ 9:19

Mam soe m mẽŋa mɛ, mam dagɩ nẽra yamŋa. La baa bɛla, mam dɩkɛ m mẽŋa lebge la nẽrba wuu yamŋa, tɩ m tã'agɛ botɩ ba nẽrba zozo'e dɔla Krisi.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Galatɩ 6:14

La sãn dɛna mam, mam ka wẽ'erɩ m yõ'ogɔ la sɛla yelle, sãn dagna tɩ Zuudãana Azezi-krisi n ki dɔ-puurŋa zuo la mã'a yelle. Krisi kũm na ĩyã dũnia yɛla wuu ãn wʋ ba ki mɛ ka le sɔna mam, tɩ mam mẽ ãna wʋ mam ki mɛ, ka le bɔna dũnia yɛla pʋam.

Filipi 3:10

Mam n boorɩ se'em wuu de la m bãŋɛ Krisi, la pãn-sɛka n basɛ tɩ a vo'oge la, la m lagɩm na ẽ nãmsɛ, ãna wʋ ẽn ãn se'em a kũm na pʋam,

Filipi 3:7

La bõn-sɛba wuu tɩ mam daan dɩkɛ tɩ la dɛna yõorɔ bɔ mam na, mam dɩkɛ ba wuu tɩ ba dɛna la zãŋa Krisi ĩyã.

Kolɔsɩ 1:24

Lɛɛlɛ wã, mam sũure ãn yẽlʋm mɛ, mam n nãmsrɩ bɔ'ɔra yãma la ĩyã. Mam n nãmsrɩ wã de la Krisi nãmsgɔ n deege dɛna mam nãmsɛ bɔ a nẽrba n de a ĩyã la.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

2 Tesaloniki 3:11

La tõma wõm tɩ nẽrba basɛba n boe ya zẽ'am dɛna zẽyãgsɩ vɔa yooryooro, dee kẽ'era nẽrba yɛla pʋam.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

Hiburuduma 13:13

Bɛla, tɩ yese-ya sẽŋɛ a zẽ'am tẽŋa la kẽnkɛrŋa ka po sakɛ pɔ'ɔrɛ la.

1 Pita 4:1

Bɛla, Krisi n nãmsɛ a ĩyã pʋam na, ya mẽ keŋe ya mẽŋa tara pʋtẽ'erɛ ẽŋa mẽŋa. Nẽr-sɛka woo n nãmsɛ a ĩyã pʋam basɛ tõon-be'ero mɛ.

1 Pita 4:13

Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

2 Pita 1:14

Tɩ Zuudãana Azezi-krisi n puke pa'alɛ mam, tɩ mam mina tɩ la deege la fẽe tɩ mam basɛ vɔm ẽna wã dee fõrgɛ.

1 Zã 3:16

La de la bõn-ẽna wã n botɩ tõma bãŋɛ nõŋlʋm n ãn se'em: Azezi ki mɛ bɔ tõma, bɛla, tõma mẽ de la tɩ dɩkɛ tɩ vɔm bɔ tɩ sɔbiisi ĩyã.

Lilegere 2:10

Da zoe-ya dabeem yãma n wʋn nãmsɛ la. Bɩsɛ-ya, Asũtãana wʋn makɛ ya bɩsɛ mɛ, botɩ ba kẽ'esɛ ya nẽrba basɛba yʋ'a deem, la ya wʋn yẽ nãmsgɔ mɛ dabsa pia. Bɔ-ya mam sɩra halɩ ka paagɛ ya kũm, tɩ mam wʋn bɔ ya bɔ'a n de vɔm.